This topic contains 12 replies, has 1 voice, and was last updated by 
-
Topic
-
Daginn
Þannig er mál með vexti að ég á LC 60, 38″ breyttan, en hann er enn þá á gömlu fjöðrunum. Hann er svo sem ágætur á venjulegum í bænum og á þjóðvegunum en þegar hann kemst í smá ófærð hoppar hann og skoppar þangað sem honum langar til.
Ég á ekki efni á loftpúðabreytingu fyrir hann og var því að spá hvort ekki væri hægt að setja gorma undir hann og nýja dempara. Jafnvel að finna mýkri fjaðrir á hann ? Hvað hafa menn verið að gera svona í ódýrari kanntinum fyrir þessa bíla ?
-
Replies
-
Ætli það væri ekki sniðugt að fá gorma undan 80 krúsernum ? Eru þeir ekki annars svipaðir að þyngd ?
Ef þú ætlar að setja gorma undir og smíða 4link, þá kostar það sitt. Hægt er að fletta upp verðum fyrir gorma, dempara og smíðaefni til verkefnisins en það er örugglega nálægt 150 þúsund á hvorn ás. Svo er það vinnan, alltaf er erfitt að giska á það, en til hliðsjónar má hafa að ég var 52klst með öllu að breyta hiluxnum mínum. Inní því felst að rífa fjaðrirnar undan, setja 4link, gorma, dempara, samsláttarpúða, þverstífu, mála og ganga frá undir bílnum. Engin hásingafærsla var í því eða nein breyting í kringum brettakanta eða neitt slíkt. Efnið fékk ég lítið notað og í góðu standi, fullbúnar stífur, vasa fyrir framstífurnar og gormasæti. Skástífuturnana smíðaði ég, stytti skástífuna örlítið og smíðaði sjálfur burðarbita í grindina og efri demparafestingar. Þetta nefni ég til að menn átti sig á vinnuliðnum. Ef menn vilja skoða verkið nánar þá má skoða það hér [url:1wryl7uk]http://elliofur.123.is/album/default.aspx?aid=145510[/url:1wryl7uk]
Ef þú vilt þá get ég skoðað það að gera þetta fyrir þig með vorinu á hóflegu tímagjaldi, sendu mér póst ef þú hefur áhuga.Félagi minn er einmitt að spá í því sama, bæta fjöðrunina á sínum 60 krúser. Hann er að spekulera hvort það sé hægt að tína nokkur fjaðablöð úr og setja gorma/púða þar á milli. Hvað finnst mönnum um það?
Fyrir nokkrum árum var kunningi minn í sömu pælingum og fékk að prufa annan svipaðan bíl ss.60 cruiser á 44" sem kominn var á old man emu fjaðrir og dempara og hann valdi þá leið mjög sáttur með allt virkni,verð og vinnuliðinn.Bb.benna var að selja þessar fjaðrir þa´.
Það að tína blöð úr veikir þol fjaðranna gegn sveigjuátakinu sem verður alltaf þegar gefið er í og bremsað, hafa það í huga.
Það er hægt að setja fólksbílagorma með fjöðrunum án þess að fækka þeim neitt. Það sem gormurinn gerir er að lifta undir þannig að bíllinn stendur ekki í allar fjaðrirnar í kyrrstöðu.
Þegar ég gerði þetta að framan við bílinn minn fór hann að standa bara í stærstu fjöðrina og gorminn í kyrrstöðu en hinar stífari fjaðrirnar koma inn þegar hann fjaðrar niður.Þetta var til bóta, en hásingafærsla og gormarvæðing að aftan er samt á planinu.
Ég var akkurat að vonast eftir einhverjum svörum eins og frá Léttfeta eða jeepcj7. Ég vissi af 4-link breytingunni en ég mun bara ekki hafa fjármagn né tíma í svoleiðis á næstunni.
Einn í vinnunni sagði mér að ég gæti athugað með að fá fjaðrir undan Tundru eða einhverjum öðrum amerísk/japönsk ættuðum bíl. Hafið þið heyrt um einhvern sem hefur verið í svoleiðis breytingum á 60-krúser eða öðrum líkum?
Verð að taka undir með léttfeta að hjálpargormar með fjöðrum gera alveg ótrúlega mikið fyrir fjaðra jeppa og ef blöðin sem fyrir eru eru óbrotin þá er það ódýrasta reddingin að setja gorm með fjöðrinni.
Ég notaði svoleiðis í nokkur ár í gamla patrol með góðum árangri,tók líka blöðin undan og valsaði/barði upp það svín virkar í dálítinn tíma verða eins og nýjar.
En ef að bíllinn er að láta illa þá myndi ég jafnvel frekar halda að dempurum sé orðið ábótavant,getur það verið?
Árni Brynjólfs mælti með afturgormum úr Daihatsu Charade
setti einmitt aftur gorma úr daihatsu carede undir extra cap hjá mér að aftan með fjöðrum og það svínvirkaði en bíllin hækkaði örlítið. keypti mér svo OME soft fjaðrir og það virkaði en betur en slappast aftur á móti fljótt og eru eða voru nokkuð dýrar.
kv Raggi
Ég notaði húsgorma úr Volvo F12 undir Patrolinn að framan alveg svínvirkaði.
Dempararnir hjá mér eru nú orðnir nokkuð lasnir og ég þarf pottþétt að skipta/lappa upp á þá. Ég bara efast um að það verði nóg í það sem ég nota hann í.
Veit einhver um link þar sem ég get séð myndir af þessu gorma mixi ?
You must be logged in to reply to this topic.