This topic contains 24 replies, has 1 voice, and was last updated by 
-
Topic
-
Jæja nú er búið að drösla jeppanum einu sinni á fjöll við mikinn fögnuð. Það kom í ljós að eitt og annað þarfnast endurbóta, t.d. er allt, allt, allt of kaldur ás í vélinni þannig að ekki var farið hraðar en 95 þennan daginn á jökli þrátt fyrir frábært færi (sunnudagurinn 13. janúar). Ég var alveg nokkuð sáttur með stífuuppsetninguna, ég er mjög sáttur með hvernig dekkin eru að grípa þegar maður er í brekkubrölti t.d. Afturendinn er samt allt of laus og er ég búinn að komast að því að benz-fóðringar ganga ekki alveg upp í svona 4-link án þverstífu!
Hinsvegar er hann allt, allt, allt of stífur og má þar kenna að mestu leiti hræbillegum Rancho 5000 dempurum. Þar að auki er hann aðeins of stuttur milli hjóla, bara 258 cm en mér sýnist ég geta teygt hann aðeins meira að aftan og náð honum nær 270 cm.
.
En ég er nú mikið farinn að spögulera í hvernig á að láta dótið fjaðra almennilega og er þá farinn að rekast á fyrirbæri sem kallast eigintíðni fjöðrunar. Og var svona að velta því fyrir mér hvort eitthvert jeppanördið hefði fundið út svona hérumbil hvað hentaði vel á íslensk þvottabretti og jökla.
.
Eftirfarandi hef ég frá Rancho, veit nú ekki alveg hversu mikið mark maður má taka á þeim, en ojæja þetta er allavega í áttina:
.
For rock crawling up to 15 mph, start with .75 Hz on the front & .93 Hz on the rear.
For 4wd accessible trails up to 30 mph, start with 1.1 Hz on the front & 1.375 Hz on the rear.
For general on & off-road driving, start with 1.35 Hz on the front & 1.688 Hz on the rear.
.
Ég giska þá á að það sé einhvers staðar á milli 1.1 og 1.35Hz að framan og 1.375 og 1.688 Hz að aftan, eða hvað? Hafa menn yfirhöfuð velt þessu
eitthvað fyrir sér að ráði? Ég minnist þess allavega að hafa séð Rúnar tala lítillega um þetta. Það væri gaman ef hann sæi sér fært að skjóta einhverju inní umræðuna
Maður ætti jafnvel að ráðast á jeppa sem fjaðra vel eins og t.d. Range Rover, Grand Cherokee og Patrol og komast að hvernig þessu er háttað í þeim…
.
Það væri líka mjög gaman að heyra einhverjar reynslusögur af coilover fjöðrun, hvort það sé hægt að ná nægilega mjúkri fjöðrun úr svoleiðis búnaði???
.
kv Kiddi, sem er alltaf að pæla og stundum aðeins of mikið…
-
Replies
-
Nú er ég alveg soddan banani í þessum pælingum enn sem komið er, en einhvern veginn hafði ég stimplað inní mig að þegar það væru 2 misstífir gormar þá væri demparinn stilltur fyrir þá báða samanlagt?
.
"On dual spring setups, the coil with the larger diameter wire is the main spring and the coil with the smaller diameter wire is the tender spring. The combination of main and tender springs creates a primary and secondary spring rate. The primary spring rate adds both coils in parallel. The secondary spring rate is equal to the main spring rate."
.
Annars er ég svona farinn að hallast nokkuð að því að vera bara með venjulega gorma og svo einhverja öfluga dempara með og góða samsláttarpúða en eins og ég segi þá er ég búinn að fara í MARGA hringi með þetta!
.
Hverjir af þessum dempurum eru olíudemparar, ég hef hingað til bara séð gasdempara og væri maður eitthvað betur settur með olíudempara?
.
Varðandi Jounce Shock "púðana" hjá K2 þá sé ég ekki betur en þeir séu líka gaspúðar eins og hinir: http://www.lightracing.com/v1b/lightrac … Choose.cfm
Kristinn, þú ert reyndar svo heppinn að eiga bíl sem er til endalaust af gorma/dempara settum í, svo þú ættir að geta fundið eitthvað sem gæti hentað.
Light raceing:
"Tuning Oil Fill-
Oil level in the JounceShock is set at the factory. The oil level is adjustable, but tuning of oil level is complex. The factory setting for the oil level will work in the majority of applications. "
.
http://www.kingshocks.com/bumpstops.php … _bumpstops
.
Samsláttar dempari er annaðhvort olía / gas eða olía / loft ef hann er ekki með olíu þá er það bara samsláttarpúði sem er bara verri en gúmmípúði. Þetta eru í raun bara gasdemparar með of litlu gasrími , dauðu samanslagi og ofsalega stífu sundurslagi. Það er öruggleg mjög gott að nota þetta til að hemja bíla með mjúka fjöðrum mig hefur alltaf langað til að splæsa í svona í mína jeppa en ekki látið verða af því Þetta kostar alveg fáránlega mikla peninga svona einfaldur hlutur 200$ á stikið ! það er dýrar en vandaðir demparar. Það sem ég hef hinsvegar gert er að nota alltaf stutt og harða samsláttarpúða að aftan og lengri púða að framan til dæmis benz. þannig tryggir maður að það verði alltaf minna rebound að aftan og losnar við að bíllin steypist niður að framan þegar ekið er hratt á öldóttum jökli. En það heyris líka helling í samslættinum að aftan hjá mér.
Annað sem ég hef líka lært er að nota helst dempar með því sem kallað er VSV (Velocity-sensitive valving Ranco, Pro Comp og fl) , VST (Velocity Sensitive Technology Monro Gabriel og fl) og líka IAS (Inertia Active Systems, Edelbrock og kannski fl). Þetta er allt tækni af sama toga sem mér hefur sýnst hentar vel í bíla með mjög mikla fjaðraða vigt. Ef þetta er ekki í dempurunum er miklu meira atriði að geta stillt þá eftir því hvort ekið er á sléttum vegi eða í torfærum.
Annað sem ég vil benda á er að jeppar sem hlaðast allir aftur verða mjög gjarnan að vera stífari að aftan ef ekki er notuð hleðslujöfnun og því kemur þessi 30% regla kannski að sjálfum sér í mörgum tilfellum en þetta er í raun mjög lítið viðráðanlegt með hefðbundnum gormum eða fjöðrum í bílum sem hlaðast miklu meira á annan öxulinn. Eins er tíðnimunur á milli fram og afuröxuls meira hraða/tímaháður heldur en dempuninn. Því er senilega oft vænlegra að reyna að fikta í dempurunum og stopurunum til að fá fram eitthvað samræmi í fram aftur fjöðrunina.
þetta síðasta sem ég er að reyna að koma frá mér þarna hljómar náturlega fáránlega og er bara steypa "Eins er tíðnimunur á milli fram og afaröxuls meira hraða/tímaháður heldur en dempunin." það sem ég er að reyna að segja er að með því að nota aðeins yfirstífa dempara til að bíllin steypi ekki stömpum er líklegt að það virki á breiðara hraðabili heldur en ef reint er að gera það með einhverjum hlutfallsmun á tíðninni og míkstu mögulegu dempurum.
You must be logged in to reply to this topic.