Fjarstart í beinskipt

Ég efast um að þú fáir fjarstart í nokkurn bíl í dag þar sem búið er að banna búnaðinn sökum mengunar og annarrar hættu. Það má þó vera að einhverjir selji búnaðinn ólöglega, en þessi búnaður fer mjög illa með vélina og mengar alveg ótrúlega mikið. Mæli frekar með hreyfilhitara, aukamiðstöð eða bara bílskúr!

Olíumiðstöð er á óskalistanum hjá mér og fer vafalaust í bílinn á nýju ári.

Jólakveðja,
ÓAG.

Jóhannes – kl 4:00 er EKKI á morgnana, þetta er mið nótt og mér er alveg sama hvað þú segir – ég er viss um að það er ekki einu sinni súrefni úti á þessum óguðlega tíma…

En annars er webasto díselmiðstöð að örugglega besti kosturinn – en áræðanlega dýr.

Ef þú kemst í rafmagn þá er örugglega hægt að fá rafmagnshitara – ég var mað svoleiðis í gömlum bens og það virkaði fínt, svo var ég með timer á innstungunni.

Kveðja
benni

Sammála Izeman (enda að norðan), af hverju ætti fjarstart að menga meira??? Annars eru svona olíumiðstöðvar alger snilld. Í nýja Pattanum mínum er slíkur búnaður af Webasto gerð og er óspart notuð. Eina sem er að ég tef alltaf brottför um 15 – 30 mín svo að bíllinn sé orðin heitur, ótrúlega gott. Ég tel þetta vera hið besta mál, auka endingu og minnka slit á mótor, fyrir diesel bíla a.m.k. Það ætti enginn að sleppa þessu úr "standard" breytingapakkanum!

Jólakveðjur E.Harðar

Ég var með fjarstart í bílnum sem ég átti á undan Hiluxinum..

Lét setja þetta í sjálfur, og var þá sett VIPER kerfi í hann sem var með þessum möguleika. Kostaði líklega um 35þús íkomið með öllu. Þekki marga sem hafa látið setja svona í. Virkaði mjög vel, og ég notaði þetta bæði áður en ég fór út í bíl, og einnig á meðan t.d. aðrir voru í bílnum og ég þurfit að nota lyklana t.d. til að hlaupa inn í vinnu. Það var hægt að kveikja á þessu með bílinn í gangi og taka lykilinn úr.

Ég held að þetta sé betri lausn heldur en hitari, bæði út af smurningi á vél, og þar sem þetta minnkar þann tíma sem vélin gengur á starkari bensínblöndu Í AKSTRI.

Annars læt ég bílinn alltaf ganga áður en ég tek af stað þannig að hún sé ekki alveg ísköld, þó svo að ég sitji þar sjálfur í smá stund, ekki ráðlagt að þenja kalda vél, oft talað um líka hitamismuninn á stálblokk og álheddi.

Ég heyrði þetta að þetta væri ólöglegt, áður en ég lét setja þetta í, en hef ekki heyrt það aftur, fékk engar athugasemdir í skoðun, þó það væri viðvörun í vélarrýminu sem sagði að þessi bifreið væri með fjarstarti.

Kerfið er líka stillanlegt, og sjálfgefið var að hann væri í gangi í 7 mín og svo dræpi á sér. Enda er það nóg til að hita hann.

Þó má segja að svona olíumiðstöðvar séu sniðugar líka, sérstaklega fyrir fjallamenn, þó ég viti ekki nákvæmlega hvað þær geri, hvort þær hiti kælivatnið eða bara innanrými bílsins.

Ég veit ekki betur en það sé hægt að fá olíumiðstöðvar sem hægt er að tengja inn á miðstöðvarkerfið og eru með litla dælu sem heldur vatninu á hreyfingu um vélina. Þetta er náttúrulega tær snilld, því vélin verður þá léttari í gang og það er strax hiti á miðstöðinni.

Fíringarnar hita kælivatnið og vélarblokkina, en smurolían er öll niðri í pönnuninni og varla hitnar hún mikið, eða hvað?

bara svona að spögulera.
kv
Rúnar (sem bara klæðir sig aðeins betur).

Sælir/ar!
Til að bílar fari íu gang í þessum bölvuðum kuldum er auðvitað best að hita þá með forhitara á vatnið og sömuleiðis má fá búnað til að hita olíupönnuna. En þá er vandamálið, eins og hér hefur komið fram, að olían hefur yfirgefið sinn stað. En Kaninn, og vafalaust fleiri, hefur fundið ráð við þessu; þeir dæla olíunni af stað áður en startað er og minnka með því vélarslit um allan helming að eigin sögn, og er svosem engin sérstök ástæða til að efast um þetta. Skoðið bara þessa síðu og síðan má vafalaust finna margar aðrar með svipuðum búnaði. Sá sem setti þetta í sinn bíl væri vafalaust búinn að auka endingu vélarinnar mjög rösklega og að því mér skilst virkar þetta líka uppi á reginfjöllum.
Og munið stórhríðarspána!
Þ

Sælir.
Ástæðan fyrir því að fjarstartið var bannað er út af menguninni og hættunni sem búnaðurinn veldur. Einnig fer búnaðurinn illa með vélina út af lakari smurningseiginleikum og eykur eldsneytiskostnað töluvert. Þetta er vísindalega sannað með prófunum í Evrópu og þess vegna var búnaðurinn bannaður.

Ástæðan er sú að bíll mengar mest við kaldstart og með fjarræsibúnaði er sá tími lengdur að óþörfu, þ.e. vélin er miklu lengur að hitna en við átak. Hvarfakúturinn fer ekki að virka fyrr en um 80°C og ekki fyrr en vélin er orðin heit. Tilraunir hafa sýnt að best er að setja bílinn strax í gang og keyra af stað, það fer best með vélina þar sem upphitunartíminn er hafður í lagmarki og olían fyrr að hitna og hefja smurningu. Að setja kaldann bíl í gang og láta hann hitna í lausagangi mengar jafn mikið og heitur bíll gerir á 600 km akstri! Fjarstart lengir þennan upphitunartíma og þess vegna er hann ekki æskilegur búnaður. En hann er þægilegur, það er engin spurning. Þægindunum fylgir þó fórnarkostnður upp á aukið vélarslit, aukna eldsneytisnotkun og aukna mengun.

Ef þið viljið nánari útskýringar þá er það ekkert mál.

Kveðja,
ÓAG
Orkutæknifræðingur.