fjallastikuferðalangarnir

Sæll strumpur

Leiðin sem var stikuð frá Sultarfitjaskálanum og inn á Klakksleiðina liggur í stórum dráttum meðfram eða í nágrenni við Stóru-Laxá. Við byrjum á að fara yfir ánna rétt norðan við skálann, þar er ekið upp með henni vinstra megin eftir söndunum og svo aftur yfir hana spölkorn fyrir neðan. Þá er ekið upp á hæð eða tungu og svo haldið áfram vestan við ánna, vestan við Grænavatn og komið inn á Klakksleiðina ekki langt frá Rjúpnafelli. Þetta er skemmtileg og falleg leið, vel þess virði að koma í veg fyrir að hún tapist.

Sunnudaginn brugðum við útaf áætlun og stikuðum aðra leið en til stóð sem var ekki síður á góðri leið með að týnast. Þá beygðum við útaf Gljúfurleitarveginum vestan við Sultartangalón (ca 64 15.63 og 19 30.10) og liggur leiðin að skála í Sultarfitjum (rétt við Lambafell) einum 5-6 km austan við Sultarfitjaskála Suðurlandsdeildar. Þaðan liggur svo slóði áfram inn á slóðina að Sultarfitjaskála. Það var raunar fyrir tilviljun að þessi slóði var tekinn. Jón Snæland renndi þarna austur að skálanum á laugardaginn til að trakka leiðina og rak þá augun í að þaðan lá áfram slóði til austurs, en Ómar kannaðst við hann og vissi hvert hann lá. Á kafla er slóðinn grýttur og seinfarinn og líklega illa fær láfættum jeppum eða jepplingum, en skánaði þegar vestar dró og reyndist bara nokkuð skemmtilegur. Þó rétt að taka fram að lítt breyttur Pajero var með í för og fór þetta.

Þú spyrð um laugardagskvöldið, það fór að sjálfsögðu afspyrnu vel fram. Við vorum ekki alveg einir í skálanum því þar var 40 manna hópur frá jeppadeild Útivistar (meðal þeirra nokkrir f4x4 félagar). Deildum skálanum í miklu bróðerni.

Svo var veðrið náttúrulega eins og best er á kostið og útsýnið eftir því. Alls um 10 bílar í leiðangrinum sem er nokkuð gott, enda gekk hratt og vel að stika, sérstaklega á laugardeginum. Sýnist að það hafi verið upp undir 40 km. sem voru stikaðir.

Kv – Skúli H.