Fjallaskarð

Talsvert hefur verið unnið í Fjallaskarði á undanförnum vikum. ætlunin er að ljuka við helstu útivinnu fyrir mánaðarmót. Það sem gert hefur verið í sumar er vatnslögn lengd um 200 metra upp í fjall en mistókst að virkja lindina þar og þarf þvi að endurgera brunn þar. búið er að setja niður gám NA við gamlahúsið og setja þar inn ljósavélina en enn er eftir að smíða og tengja púströr og setja loftblasara upp. Einnig er eftir að grafa anker fyrir gáminn. þar er langt komið með að smíða pall þar sem ætlunin er að viðarkynntur heiturpottur verði og er hann upp frá og bíður samsetningar. Sett var upp mastur fyrir vindrafstöð og sólarsellur, eftir er að koma þaðan köplum að geymum sem verða staðsettir i vélarhusi. einnig er eftir aðgrafa fyrir ídráttarröri fyrir 12 volt í húsið. Búið er að fjárfesta í glæsilegri led lýsingu i husið en eftir að setja hana upp. Ætlunin er að helgina 26-28 sept verði farið inn eftir með vaska sveit og útivinna kláruð. Vonast ég til að sjá sem flesta þá helgi þar sem talsverður fyrirvari er og menn hafa tíma til að haga sínum málum til að komast. Einnig er sjálfsagt að menn sem langar að fara næstu tvær vikurnar og leggja hönd á plóg. Óska bara eftir að þeir meldi sig við undirritaðan áður.
með jeppakveðjum
Einar Birgir Kristjánsson
form.Austurlandsdeildar