This topic contains 3 replies, has 1 voice, and was last updated by 
-
Topic
-
AnonymousNú er búið að rigna í mánuð. Talað um vatnavexti og vesen víða. Vitið þið hvernig fjallabakið er núna? Er að fara um helgina, sunnudag og stóð til að fara amk. nyrðri leiðina. Er enn á sumarumganginum, 35″, þungum bíl, loftinntak í húddinu.
//BP
-
Replies
-
Var að heyra að nú renni Markarfljótið austan við Litlu-Dímon. Fljótið hefur víst brotið sér leið gegnum varnagarðinn neðan gömlu brúarinnar og liggur að Þórsmerkurveginum. Ef til vill áhugavert að fara inn á Mörk um helgina og skoða atganginn undanfarið.
Kv. Árni Alf.
Var að koma úr Þórsmörk í dag, gleymdi alveg að kíkja á Fljótið við Litlu-Dímon (þykir vænt um að heimamenn kvenkenni Dímonurnar tvær).
Allir lækir hafa andskotast út um allt en það er búið að stinga í gegnum aurruddann með traktor þannig að það er ekki alvont inn á Þórsmörk. Steinsholtsá er búin að kasta sér til vesturs og hún ásamt Krossá þrengja sér inn á neðri veginn neðan Gígjökuls. Við Langadal liggur aðaláll Krossár meðfram "bílaplaninu" og haldi hún áfram að grafa sig þar niður verður fátt um fín vöð.
Já, það er aldrei leiðinlegt að búa á Íslandi.
Ingi
Það er spáð mikilli rigningu á þessu svæði í nótt og fyrramálið. Það er a.m.k. ekki leiðinlegt að þvælast um á þessu svæði þegar allt er á floti. Ætluðum reyndar að smala á morgun en höfum frestuð því til sunnudags.
Kv. Árni Alf.
You must be logged in to reply to this topic.