Fjallabak

Vafalaust er maður bara illa gefinn, en manni er samt ekki ljóst hversvegna það er í lagi að erlendir túristar spóli sig áfram í bleytu og drullu á fjallvegunum löngu áður en Vegagerðin opnar þá, björgunarsveitir þurfa að nálgast allskyns smábíla á ótrúlegustu staði. Nú, sumir koma á fjórhjóladrifsbílum og sumum stórum og þungum og þeir fara það sem þeim sýnist og segja bara hróðugir að íslenskir vesalingar kunni ekki að keyra í drullu. Það er eins og það komist ekki til skila að reglur séu til að fara eftir þeim og lokanir okkar á hálendisvegum séu partur af náttúruvernd. Svo vantar algjörlega að gera þetta fólk ábyrgt gerða sinna, ekki hef ég heyrt af því að Selfosslögreglan sekti erlenda ferðamenn, hvað þá hinir sektaglöðu á Blönduósi. Ég hef heyrt að samtök ferðaþjónustunnar vinni gegn því með öllum ráðum að það verði settar reglur um akstur á lokuðum leiðum því það hafi svo slæm áhrif á businessinn. En ég spyr nú bara: Hver græðir á þessu ferðafólki, sem kemur með bensínið og matinn með sér og kaupir ekki nokkurn skapaðan hlut hér og veldur bara kostnaði? Hverskonar dulur eru í samgöngu- og dómsmálaráðuneyti að setja ekki um þetta reglur sem hægt er að fara eftir, ef það er það sem vantar? Ég reyndar efa að reglurnar vanti, allavega eru heimildir til að sekta og dæma íslandsmanninn.

Tekjur af erlendum ferðamönnum – hræddur um að þarna sé verið að oftúlka. Þarna er að mér skilst um að ræða skilgreiningu Hagstofunnar á því sem kallast ferðaþjónusta og þarna er líka innifalin velta ferðaskrifstofa af sölu á ferðaþjónustu til íslendinga svo eitthvað sé nefnt. – En það má afvegaleiða alla umræðu og í því eru íslendingar sérfræðingar. Ég er að tala um þann hóp erlendra ferðamanna, sem kemur til landsins með ökutækin meðferðis og ferðast hér um allt, leggur bílunum yfirleitt ekki á tjaldstæðum, losar skolptankana í læki og ár út um allt, ekur þar sem því sýnist og eins og því sýnist og tekur ekkert tillit til íslenskra laga og reglna, enda er þeim ekki framfylgt gagnvart þeim. Við gerum okkur öll ljóst að lokaður vegur er lokaður vegur, en þá spyr ég, af hverju er ekkert gert í því að framfylgja þeim reglum nema gagnvart okkur íslendingum sjálfum? Og ekki að snúa út úr, auðvitað eigum við að fara eftir þessu og langflest okkar gera það.

Svona af því að það er búið að stela þessum þræði einu sinni þá er ég að hugsa um að gera það aftur.

En ég er sammála því að þessir "blessuðu" túristar eru bara til vandræða hérna og ætti að setja veruleg takmörk á ferðalög þeirra á eigin vegum.

Í gær kom keyrandi inn í reykjavík stór hópur bíla af Rover gerð, bæði Land og Range. Allir voru þeir með stýrið vitlausu megin og hlaðnir af farangri og ég giskaði á að þeir væru að koma frá Dópflutningaskipinu fyrir austan. En það var svo sem ekki það sem kom mér á óvart heldur hitt að þetta voru allt óbreyttir bílar, en þó búnir snorkelum og spilum o.fl. sem gæti átt heima á jeppa og þeir voru Drullugir upp fyrir topp líkt og þeir hafi verið að keyra drulluflögin í torfærukeppni. Ég fór því af þessu tilefni inn á vef Vegagerðarinnar til að sannfæra mig um að það væri búið að opna hálendið – en viti menn svo var ekki. Þessir bílar gátu hvergi hafa komist í svona drullu á þjóðvegi 1 frá Seyðisfyrði – því þykir mér líklegt að þeir hafi ekið annað hvort Kjöl eða Sprengisand – lokaða.

Ég hef líka margoft komið að Unimog trukkum eða sambærilegu með útlendinga um borð lengst úti í móa….

Ég er sammála Ólsaranum með það að tekjur af erlendum ferðamönnum á íslandi eru og hafa alltaf verið stórlega ýktar og sá skaði sem þeir valda með átroðningi á landinu er vaxandi vandamál.

Benni

Ég er auðvitað alveg hjartanlega sammáli Magnúsi H. Norðdahl að maður á að taka myndir, þ.e.a.s. ef maður er vitni að þessu. Hitt er annað mál, að við sem hlýðum reglunum erum bara ekkert á ferðinni á hálendinu á þessum tíma. En, ég er nokkuð kunnugur starfi björgunarsveita og ég veit að þegar þeir eru á svokallaðri hálendisvakt, þá taka þeir myndir af t.d. eindrifs bílaleigubílum, sem eru rækilega merktir með aðvörunarmiða um að þeir megi ALLS EKKI aka á F-merktum vegum. Einnig mynda þeir bíla sem aka utan viðurkenndra leiða og slóða og skilja eftir sig ummerki. Það er nú lítið gert með þetta, aldrei kært eða neitt. Ég tek undir með Benedikt hér fyrir ofan; déskoti er magnað ef enginn verður var við þessa og þvílíka ferðalanga. Þetta er nefnilega miklu algengara en sumir vilja viðurkenna og þetta er undantekningalítið liðið sem kemur með Norröna. Svo er okkur kennt um!

Myndatökur hjá Hjalpasveit því eru þær ekki birtar það er lítið gagn í þeim
geimdar ofaní skúffu og látnar rikfalla er þetta einkvað viðkvæmt sem má ekki
birta. þá þarf að breita vinnu reglum um svona myntatökur. Ég mun byrta þær
myndir sem við á í þessu efnum.

( Vill fá svör við þessu )

kv,,, MHN

1. Útlendingar er vondir.

2. Útlendingar á Landrover eru voðalega vondir.

3. Útlendingar á Landrover með stýrið vitlausu megin eru glæpamenn.

4. útlendingar á Landrover með stýrið vitlausu megin og hlaðnir af farangri eru stórhættulegir glæpamenn.

5. Útlendinga á óbreyttum Landrover með stýrið vitlausu meginn, snorkel og spil og hlaðnir farangri ber að taka úr umferð og meðhöndla sem Ísbirni.

Þori ekki að fara útí hvað á að gera við þá ef Landroverarnir eru þar að auki skítugir, spila fyrir þá Eurobandið í klukkutíma eða eitthvað álíka hræðilegt.

kv.

ÞÞ

Orðið impassable þýðir að viðkomandi leið er með öllu ófær. [i:cjf47tug](Skv. orðabók Webster: incapable of being passed, traveled, crossed, or surmounted)[/i:cjf47tug] Englendingar ættu að hafa þetta á hreinu. Aftur á móti er spurning hvort annara þjóða "kvikindi" skilji orðið rétt. Þannig ætti Vegagerðin að vera búin að koma sér upp lokunarskilti á fleiri tungumálum en bara ensku.

Eiginlega gerði ég mér ekki ljóst fyrr en ég las góðan pistil Skúla að vandinn liggur í því að skilgreind merki eru ekki til fyrir þessar séríslensku lokanir. Í Evrópsku umferðarmerkjareglunum eru líklega ekki til merki sem uppfylla þessi skilyrði, vegna þess að þar er þessi möguleiki ekki fyrir hendi. Svo er nú líka málið, að það spyrst fljótt út að hægt sé að komast upp með ýmislegt hér á landi vegna þess að lögreglan gerir ekkert í málinu, trúlega mest vegna skorts á mannafla og tíma. Ýmiskonar upplýsingar ganga milli fólks sem hyggur á ferðir hingað. Ég sá einu sinni fyrir tilviljun kort frá þekktri þýskri ferðaskrifstofu, sem hefur mikið komið við sögu í Íslandsferðum. Þar voru sérstaklega merktir skálar á hálendinu, þar sem EKKI var gæsla og tekið fram að þar væri hægt að gista án þess að borga nokkuð.

Óttalegur hringlandaháttur er þetta á Vegagerðinni, önnur vikan í röð sem þeir hætta við auglýsta opnun!

kv.

ÞÞ