Ferlun fjallvega

„Fjallvegafélagið“ , (þ.e. endurvakning á því gamla félagi) væri kannski ágætis vinnuheiti á þeirri nefnd innan Umhverfisnefndar 4×4 sem heldur utan um ferlun fjallvega.

Ég geri það að tillögu minni að gerð verði gangskör að því að ferla skipulega í haust þá fjallvegi sem eftir eru.
Fyrir þá sem ekki eru inni í málinu þá fjallar þetta um að skrá feril allra þeirra mögulegu og ómögulegu vega og slóða sem við eigum. Þannig getum við tryggt okkur og afkomendum okkar rétt til að aka þessar leiðir, skv. reglugerð má aðeins aka merktar leiðir!!! Auk þess eru flestar leiðir sem þó eru á kortum ranglega staðsettar.

Legg ég því til að Umhverfisnefndin með fulltingi stjórnar 4×4 haldi utan um þetta þjóðþrifamál, -í samráði við þá Bessa Aðalsteinss. og Gísla Ólafs Péturss. og kýli á þetta með haustinu.
Ingi.