Ferðir fyrir „sérfélaga“ á vegum klúbbsins.

Sælir

Þessi ferð á Grímsfjall var kynnt á félagsfundi 2. febrúar og þá gátu menn byrjað að skrá sig….

Mæta á fundi…

BM

Sæll BM

Það er gott að vita að þetta var kynnt á félagsfundi og ég hef oft mætt á þá, reyndar alltaf þegar ég get en það er nú stundum þannig að það er ekki tími til að mæta á fundi og þá væri nú gott að þetta væri sett á sama tíma á heimasíðuna svo að allir félagsmenn eigi jafna möguleika á að fylgjast með og þá skrá sig í ferðir.

Kv.
Dóri Sveins
R-2608

Það var nú þannig, að úr því að maður var ekki með þeim fyrstu fram í kaffihléið á þessum fundi var þegar orðið fullt í ferðina og kominn biðlisti. Vegna plássins á Grímsfjalli munu ekki nema örfáir komast í ferðina, er mér sagt.
V

Af hverju er ekki hægt að hafa sama fyrirkomulag og umhverfisnefndin hafði með net skráningu, Gaman að vita hver félagsnúmirin eru í þessa Grimsfjalla ferð eru öruglega ekki yfir 1500. þetta er ekki í fyrrsta skipti sem þetta gerist.

Og eiga þá bara þeir sem eru nettengdir að komast í þessar ferðir? Er ekki ákveðin mismunun þar líka?

Mér finnst þessi skráning á fundum vera ágætis hvatning fyrir menn að mæta að mánudagsfundi.

Bjarni G.

Ótrúlega er ég sammála ykkur. En við verðum reyndar að líta á það að þessir "sérfélagar" eru flestir á mikið breyttum bílum og eru komnir til ára sinna og því ekki með mikla tölvukunnáttu.

En auðvitað er ástæðan fyrir þessu sú að þeir vilja ráða því sjálfir hverjir fara í þessar ferðir. Ekki vilja þeir eiturgrænan Scout í hópinn! Það er bara ekki nógu flott á pappír. Skilyrðin eru: 44", ekki eldri en 6 ára og helst LC eða Patrol.

kv, Ásgeir
Enn einn forvitinn félagsmaður

Sælir

Hvað eru mörg gistirými þarna á Grímsfjalli? þetta virðsit vera eina ferðin sem er með 3 farastjóra, það virðist að dugi að vera með einn farastjóra í hinar ferðinar.
Nú þekki ég ekki aðstæður að Grímsfjalli, er ekki nógu jeppaður(lesist sjóaður) til að þekkja þá leið en finnst samt mikið að hafa 3 í fararstjórn.

Kv.
Dóri Sveins
R-2608

Það eru alveg örugglega fleiri fararstjórar í hinum ferðunum. Í þessum ferðum er yfirleitt fararstjóri fyrir hverja 4 til 6 bíla.

Ég skil ekki þetta skot um að það séu bara nýjir LC og Platrollur sem farastjórar eru á. Ég var nú "aðstoðarfararstjóri" í nýliðaferðinni í Setrið fyrir jól og þar voru fararstjórarnir á elstu og ljótustu bílunum.

Bjarni G.

Takk fyrir þetta Ýktur, maður veit ekki nema spyrja;o)

Kv.
Dóri Sveins
R-2608

Þessi ferð var kynnt á síðasta fundi 2. febrúar og jafnframt kynnt að tekið yrði við skráningum í hléi. Undirritaður er einn af "fáum sérfélögum" sem náði að skrá sig í þessa ferð en gistirými er ekki nema max 24 á Grímfjalli að ég held.

Það skal tekið fram að ég er ekki í neinni klíku innan félagsins né hef verið í stjórn eða nefndum. Félagsnúmer er vel á þriðja þúsundið og ég á bara gamlan Patrol 1992. Ég veit um tvo aðra sem náðu skráningu einnig og báðir eru þeir með félagsnúmer hærra en 2000! Aðra í hópnum þekki ég ekki en ég er viss um að þetta er mjög blandaður hópur. Það var einnig alger tilviljun að ég mætti á þennan fund.

Hvort svona ferðir eru kynntar á félagsfundi eða netinu skiptir held ég litlu máli. Það verða aldrei allir ánægðir.

Með kveðju,
Bjarni
R2541