Ferðafrelsið er tapað?

http://www.umhverfisraduneyti.is/hvitbok

Þetta er að sjálfsögðu ekki einkamál einhverra nefndar eða stjórnar. Hér er einfaldlega of mikið í húfi. Ef einhvertímann er þörf á að þétta raðirnar og snúa bökum saman. Þá er það núna. Þær breytingar sem eru í farvatninu í Hvítbók, eiga sér ekki samsvörun í þessum málaflokki hvað okkur varðar. Því þarna er farið um víðan völl í málaflokknum okkar og aðkoma okkar að Hvítbók var enginn á vinnslustigi hennar.

Heil og sæl.

Á kynningarfundi sem haldinn var á Akureyri kom fram að skilafrestur athugasemda við "Hvítbókina" væri allt of stuttur. Bæjarstjórinn á Akureyri tók undir það og óskaði eftir svörum um hvar sveitarfélögin stæðu í þessu máli.
Stjórn og/eða ferðafrelsisnefnd verða að ræða við ráðuneytið og fá það á hreint hvort athugasemdir við skilafrest hafi borið árangur.

Bestu kveðjur,
Elli.

Við verðum að gera ráð fyrir óbreyttri dagsetningu þangað til annað kemur í ljós.
Tíminn er stuttur og við verðum að virkja sem flesta.

Það sem hinn almenni félagsmaður getur gert er að ná í eintak af hvítbókinni og lesa. Þar sjáið þið framtíðina sem verður ef ekki koma athugsasemdir og tillögur frá útivistarfólki sem ferðast á eigin vegum.

Norska leiðin er mikið nefnd í hvítbók. Þar er allt bannað nema það sem er leyft. Nú eru svo illa komið með þekkingu norsku þjóðarinnar á ferðatækni nútímans að þeir eru að kaupa jeppabreytingar af Íslendingum í stórum stíl. Norðmenn kunna alveg að smíða en þá vantar þekkinguna til að hanna breyta jeppa og vita hvað virkar.

Það er vegna þess að norska þjóðin hefur ekki fengið tækifæri til að ferðast á vélknunum tækjum um eigið land á snjó eins og hér hefur verið leyft. Tónninn í hvítbók er að banna þetta líka hér.

Ég veit að meðal þúsunda félagsmanna F4x4 leynist fólk sem hefur þekkingu og getu til að láta til sína taka í þessum máli. Fólk sem vill leggja sitt af mörkum en hefur ekki fundið sér vettvang innan F4x4 til að leggja málunum lið. Fólk sem ann ferðafrelsi einstaklinga, fólk sem vill ferðast áfram á eigin vegum. Þetta er ákall til ykkar, hér er tækifærið, gefið ykkur fram og tökum á þessu saman.

Snorri
R16

Ég renndi aðeins í gegnum almannaréttinn í Hvítbókinni og setti hér að neðan það sem snéri að vélknúnum farartækjum. Akstur vélknúinna ökutækja virðist ekki falla undir undir almannarétt um ferðafrelsi og réttur okkar er því gjörsamlega fyrir borð borinn í Hvítbókinni. Þarna er eitt af þeim grundvallaratriðum sem við þurfum að berjast fyrir og ef við gerum það ekki, verðum við réttlaus sem ferðamenn til lengri tíma. Skoðið þetta hér að neðan.

Guðmundur G. Kristinsson

_____________________________________________________________

[b:5sx7m7jw]19.4.1 Umfang almannaréttarins og hugtakið útivist[/b:5sx7m7jw]
Með tilkomu vélknúinna ökutækja og vegalagningu opnaðist almenningi aðgangur að stórum svæðum landsins sem áður voru flestum ókunn. [u:5sx7m7jw]Hvorki hér né á hinum Norðurlöndum leiddi þessi þróun til rýmkunar almannaréttarins á þann hátt að hann næði almennt til farar á vélknúnum ökutækjum.[/u:5sx7m7jw]

[u:5sx7m7jw]Allt að einu er ljóst að almannarétturinn verður ekki túlkaður svo að hann veiti fólki almennan rétt til farar á vélknúnum ökutækjum um fjöll og firnindi utan skipulagðs vegakerfis. Í þessu sambandi er einnig rétt að hafa í huga að af umferð vélknúinna ökutækja stafar hávaði sem skerðir mjög þá friðsæld sem annað ferðafólk sækist eftir með útivist.[/u:5sx7m7jw]

[b:5sx7m7jw]19.4.3 Form og efni kaflans um almannarétt[/b:5sx7m7jw]
[u:5sx7m7jw]Nefndin telur að ákvæði um akstur utan vega og á vegslóðum eigi ekki vel heima meðal greina um almannarétt enda fellur akstur á vélknúnum ökutækjum almennt ekki undir almannarétt eins og hann hefur verið túlkaður og afmarkaður í íslenskum rétti.[/u:5sx7m7jw] Flytja mætti þá grein sem fjallar um akstur utan vega aftast í kaflann og láta fyrirsögn kaflans endurspegla það að hún falli ekki innan almannaréttarins. Einnig mætti fjalla um akstur utan vega í sérstökum kafla.

[b:5sx7m7jw]19.4.8 Heimild til að takmarka umferð í óbyggðum[/b:5sx7m7jw]
Ástæða væri til að íhuga hvort hægt væri að koma upp rafrænu ábendingakerfi þannig að ferðalangar gætu sent stofnuninni ábendingar um ástand svæða. Slíku kerfi hefur t.d. verið komið á laggirnar vegna ágengra plantna, þ.e. lúpínu og skógarkerfils. Hins vegar telur nefndin nauðsynlegt að auk heimildar til að loka svæðum að undangenginni málsmeðferð samkvæmt 19. gr. sé í lögunum heimild til skyndilokunar.
Íslensk náttúra er almennt séð viðkvæm fyrir ágangi og því er [u:5sx7m7jw]nauðsynlegt að til staðar séu heimildir til að bregðast skjótt við ef sérstakar aðstæður skapa verulega hættu á tjóni af völdum umferðar. [/u:5sx7m7jw]Nokkrum sinnum hafa á síðustu árum komið upp tilvik þar sem þörf hefði verið á slíkri heimild. [u:5sx7m7jw]Sem dæmi má nefna ástand sem skapaðist vegna mikillar ásóknar ferðamanna að nýju hrauni á Fimmvörðuhálsi. [/u:5sx7m7jw]Dæmi um hliðstæðar heimildir eru í 48. gr. vegalaga nr. 80/2007 um skyndilokun vega og í 11. gr. laga um veiðar í fiskveiðilandhelgi Íslands nr. 79/1997 um skyndilokun veiðisvæða.

Það kemur ekkert svar frá stjórn Ferðaklúbbsins 4×4 við fyrirspurn Ólafs Magnússonar um vinnu varðandi athugasemdir um Hvítbókina eða aðra hluti sem eru í gangi. Er í gangi bann til stjórnarmanna um að tjá sig eða hafa stjórnarmenn ekkert fram að færa um okkar stærstu hagsmunamál?

Hvers vegna taka stjórnarmenn ekki þátt í tölvupóstsamskiptum innan klúbbsins eða hér á opnu spjallumhverfi?
Hvers vegna hefur stjórn ekki svarað þeim aðilum sem hafa boðið fram vinnu?
Hvers vegna hefur stjórn ekki sett af stað vinnuhópa til að fara kerfisbundið yfir Hvítbókina?
Hvers vegna hefur stjórn ekki sett í gang lögfræðilega úttekt um heftingu á Ferðafresli í Hvítbókinni?
Hvers vegna hefur stjórn ekki sett í gang markvissa vinnu innan nefnda hjá klúbbnum?
Hvers vegna hefur stjórn ekki staðið fyrir opnum fundi innan klúbbsins um náttúruverndarlögin?
Hvers vegna hefur stjórn ekki svarað efnislega tillögum frá formönnum nefnda um aðgerðir?

Ef stjórn Ferðaklúbbsins 4×4 hefur ekki dug til að standa í lappirnar og leiða okkar hagsmunabaráttu, þá þarf að boða til aukaaðalfundar og fá inn fólk sem er tilbúið að standa að nauðsynlegum aðgerðum til að koma í veg fyrir að á Íslandi skapist sama ástand og er í Noregi, allt bannað.

Það er engin tilviljun að í Hvítbókinni er talað um norræna náttúruvernd og vísað til Noregs og Danmörku. Hvers vegna haldið þið að ekki sé rætt um Svíþjóð (sem líka er norrænt ríki)? Ástæðan er einfaldlega sú að í Svíðþjóð náðist sátt um að tryggja ferðafrelsi og réttindi hins almenna ferðamanns til að fara um eigið land. Þetta hugnast ekki miðstýringarliðinu í ákveðnum stjórnmálaflokkum sem hafa það að leiðarljósi að útrýma öllu á hálendinu sem ekki gengur á tveimur fótum.

[u:1uewy2sm]Í Hvítbókinni er talað um að ekki þurfi að skilgreina rétt þeirra sem aka um á vélknúnum ökutækjum og slík farartæki skerði mjög þá friðsæld sem annað ferðafólk sækist eftir.[/u:1uewy2sm] Lesið þetta vel, því þetta er grunnurinn í Hvítbókinni sem skrifuð er af einkavinum ákveðins stjórnmálaflokks, fyrir einkavini þess flokks í ákveðnum “Göngu” elítu samtökum sem hafa nýlega sagt sig úr samstarfi við alla aðra útivistarhópa á landinu.

Guðmundur G. Kristinsson – ferðamaður sem vill jafnrétti á hálendinu

Umhverfisráðuneytið virðist nánast eingöngu horfa til Noregs, þar sem allt er bannað, nema það sé sérstaklega leyft.

Það er náttúrulega einfaldast að banna allt, það einfaldar alla stjórnsýslu….

En að öllu gamni slepptu;
Fær stjórn klúbbsins ekki að koma nálægt nokkrum sköpuðum hlut í þessu ferli ?
Er klúbburinn hafður algjörlega útundan ?
Skyldi það vera vegna þess að klúbbmeðlimir eru ekki jábræður umhverfisráðherra ?
Við hvað eru stjórnvöld hrædd ?
Hverjir hafa tangarhald á möppudýrum umhverfisráðuneytisins ?

Ég aðhyllist náttúruvernd, en eins og maðurinn sagði; fyrr má nú rota en kviðslíta. Hættan er sú að þegar búið er að setja boð og bönn einu sinni, er oft ansi erfitt að fá hróflað við þeim seinna meir.
Í Svíþjóð er hverjum manni leyfilegt að ferðast um landið, óháð eignarhaldi, svo framarlega sem ekki hlýst tjón eða ónæði af. Sömu reglur ERU í gildi á Íslandi, ennþá.
Í ríki Þórhildar gilda aðrar reglur; þar má enginn ferðast yfir land í eign annars nema að fengnu leyfi landeiganda, sveitavegir eru margir í einkaeigu og umferð um þá bönnuð nema með leyfi eiganda, skógarnir eru margir í einkaeigu en vegna sérstakrar lagasetningar er umferð heimil um flesta skóga, en strangar reglur gilda um vernd náttúrunnar, t.d. máttu ekki tína sprek, blóm eða sveppi í skógum í einkaeign, eða á nokkurn hátt nýta þér gæði skógarins til eigin hagsmuna/framdráttar. Sömu sögu er að segja um Jósku "heiðarnar" sem er lítið spillt heiðarland sem liggur á hæstu hryggjum Mið-Jótlands. Það hefur lyngið verið friðað í áraraðir og er svo komið að það er að hverfa í gras!!! Það er vegna þess að þar er engin beit eða áníðsla sem heldur lífi í lynginu. Það skortir umferð!!!

Nóg um útlönd; Íslendingar verða að hugsa um sitt eigið land á forsendum landsins, ekki erlendra lagasetninga. Skynsamleg stjórnun umferðar er einungis af hinu góða. Svo er aftur spurningin um hvernig "skynsamlegt" er skilgreint. Það má samt ekki gleymast að hefðir er erfitt að brjóta og það er mörgum okkar í klúbbnum í blóð borið að geta ferðast um allt land, allan ársins hring, með fullri virðingu fyrir náttúrunni og þannig viljum við hafa það í framtíðinni.
Ég veit svo sem ekki hvað ég get gert til hjálpar frjálsu ferðafólki, til að vernda þann rétt sem mér finnst ég og aðrir landsmenn vera fæddir til að njóta. Það þarf samt að vera þannig að við eigum í vændum framtíð þar sem við getum sýnt börnum okkar og barnabörnum landið sem við elskum og berum virðingu fyrir, með berum augum, hallandi sér fram í vindinn, þurrkandi rigninguna af gleraugunum, berjandi sér til hita og baðandi sig í heitum laugum á framandi stöðum.
Landið er ekki vermætt á myndum eða í sjónvarpi, heldur fyrst og fremst af eigin reynslu. Ekki útiloka komandi kynslóðir frá því að upplifa Íslenska náttúru af eigin raun, óháð ferðamáta.
Höfum eftirfarandi í huga: Segðu mér og ég gleymi, sýndu mér og ég man, láttu mig gera og ég kann…

Ég er ekki í neinni aðstöðu til að dæma um það hvort stjórnin er að vinna í málunum eða ekki, en ég á bágt með að trúa því að þessi mál séu látin reka á reiðanum. Það er ekki nóg að krefjast aðgerða af hálfu annarra ef maður vill ekkert gera sjálfur, en allt aðhald er af hinu góða.

Með jólakveðju frá Danmörku
Steinmar

Ég held að menn þurfi aðeins að slappa af. Við getum ekki bæði verið að berjast innbyrðis sem og út á við, það eyðir öllum kröftum og er einungis til þess fallið að draga úr þreki viðkomandi aðila sem standa í þessu.

Það er mikið í gangi, og á eftir að koma betur í ljós á næstunni. Ég og Didda áttum t.d. ágætan fund með Samgöngu- og umhverfisnefnd á miðvikudagsmorgun ásamt fulltrúum Útivistar og FÍ. Augu stjórnvalda virðast vera að opnast hægt og rólega fyrir mikilvægi þess að samráð sé haft við alla hópa. Við megum ekki gleyma því heldur að náttúruvernd tengist ekki bara okkar hagsmunahópum heldur einnig skógræktarfélögum, náttúrufræðistofnunum og þess háttar hópum.

Ég mæli með að fólk lesi umsagnirnar sem komið hafa fram á vef Alþingis er varða ný náttúruverndarlög. Þarna er meðal annars kallað á akstursbann á Langjökli. Þetta verður að taka alvarlega og skoða til hlítar.
[url=http://www.althingi.is/dba-bin/erindi.pl?ltg=140&mnr=225:2hyq4rqr]Hér má sjá umsagnir þeirra sem sent hafa inn.[/url:2hyq4rqr]
Þess má geta að okkar athugasemdir eru ekki þarna inni, en engu að síður hafa þær komist til nefndarinnar í gegnum fundinn sem ég minntist á hér að ofan.

Það er líka þannig að mikið mæðir á fáum einstaklingum sem eru að vinna að þessum málum, samanber hvítbókina, það vantar fleiri til að lesa yfir og skoða þessi mál. Við erum því miður ekki öll lögfræðilega menntuð og ekki með stjórnsýslukerfið á tæru en það vantar meiri mannskap. [b:2hyq4rqr]Því hvet ég alla þá sem hafa áhuga á málinu að skipta sér af eins og þeir geta, lesa hvítbókina, finna athugasemdir sem við eiga og koma þeim á framfæri við stjórn, umhverfisnefnd eða ferðafrelsisnefnd.[/b:2hyq4rqr]
Það er líka mikið meiri kraftur í því ef samtök senda frá sér umsagnir, mótmæli eða athugasemdir heldur en ef einstaka aðilar séu að því, án þess að ég sé að mæra það starf, allt hefur einhverskonar áhrif og ættu einstaklingar vel að geta sent inn athugasemdir og haft áhrif.

Ég vil þó biðja alla um að vera málefnalegir og reynum að aðstoða hvort annað í að koma okkar sjónarmiðum á framfæri. Sameinuð stöndum við, en sundruð föllum við.

kkv, Samúel Úlfr Þór.

Sæl öll

Var að senda þennann póst á ferðafrelsisnefndina og ákvað að réttast væri að birta hann hér líka.

Til ferðafrelsisnefndar

Ég hef áhuga á að leggja ferðafrelsisbaráttunni okkar lið með því að vinna eitthvað í þessum málum. Það liggur í augum uppi að viðfangsefnin eru mörg og sum hver umfangsmikil og vonlítið að fárra manna nefnd nái yfir þetta allt þrátt fyrir góðan vilja og gott fólk.
Væri ekki ráð að leita til almennra félagsmanna með ákveðin og afmörkuð verkefni til að létta álaginu á ykkur og auka umsvifin í baráttunni? Þá myndi ferðafrelsisnefndin stýra baráttunni og hafa yfirumsjón með hlutunum en hinn almenni félagsmaður tæki virkari þátt og ynni að ákveðnum verkefnum sem hann tæki að sér (er að sjálfsögðu ekki að tala um að þröngva verkefnum upp á menn heldur auglýsa t.d. á síðunni okkar eftir fólki).
Það væri t.d. hægt að:
-Deila köflum úr Hvítbókinni niður á félagsmenn sem hafa áhuga á að lesa hluta Hvítbókarinnar ýtarlega og koma með ígrundaðar athugasemdir í kjölfarið. Þannig yrði yfirferðin markvissari meðal klúbbmeðlima heldur en ef hver og einn blaðar eitthvað í hvítbókinni hér og þar.
-Fá fólk til að fara á kynningar/fræðslufundi um þessi málefni víðs vegar um landið og skila nokkurs konar útdrætti til ferðafrelsisnefndar eftirá og jafnvel láta fylgja uppástungur um aðgerðir í kjölfarið ef þörf er á slíku.
-Hugsa um það hvort við jeppamenn getum gert eitthvað fleira á borð við stikuferðir, landgræðsluferðir og litlunefndarferðir til þess að bæta ímynd okkar út á við gagnvart stjórnvöldum og almenningi. Mér dettur t.d. í hug að það væri hægt að skipuleggja ferðir til að lagfæra skemmdir eftir utanvegaakstur (skarast á við umhverfisnefnd, ræða svona hugmynd við þá nefnd) og hvort við getum gert eitthvað til auka fræðslu til ungra/óreyndra jeppamanna og svo útlendinga um það hvernig á að umgangast náttúruna. Ég trúi ekki öðru en að oft á tíðum komi skemmdir utanvega til vegna vanþekkingar og kunnáttuleysis frekar en ills ásetnings.
Til að sýna vilja minn í verki þá vil ég að bjóða fram krafta mína til að aðstoða ykkur í ferðafrelsisnefndinni, hvernig get ég aðstoðað???

Kv. Freyr Þórsson r-3671

Munum í þessu samhengi að barátta okkar er ekki bara fyrir einhverja örfáa jeppamenn.

Jeppar til notkunar í ferðir á hélendinu að sumri eru ekki leiktæki fárra eins og ýjað hefur verið að, heldur samgöngutæki nútiímars. Veiðimenn, fjallgöngumenn, ísklifurfólk, fjallahlauparar, göngufólk osfr, nær allir sem njóta útivistar á hálendinu nota jeppa sem samgöngutæki. Trússbílar fyrir göngufólk í þúsundavís eru jeppar.

Meira að segja hjólreiðamenn nota margir jeppa til að komast yfir ár, allavega hef ég ferjað marga örmagna hjólreiðamenn sem bíða við árbakka eftir "jeppa". Gott fyrir þá að ekki var búið að loka þeirri leið fyrir "jeppamönnunum" sem svo margir virðast vilja losna við af hálendinu.

Barátta okka er fyrir allt þetta frábæra útisvistarfólk sem vill njóta hálendisins.

Snorri
R16