Ferðafrelsi – Átakshópur um skynsamlega náttúruvernd

Átakshópur um alvöru aðgerðir í skynsamlegri náttúruvernd er komin í gang.

Skráið ykkur inn og sendið Facebook síðuna Ferðafrelsi http://www.facebook.com/group.php?gid=80694601603&ref=nf til allra ykkar Facebook vina og bjóðið þeim að skrá sig. Þá geta þeir og þú fylgst með stórum viðburðum sem eru framundan. Markmiðið með átakshópnum er að vernda íslenska náttúru fyrir því að verða að gömlum minjum sem fáir eða bara útvaldir geta heimsótt.

Facebook síðan Ferðafrelsi verður það sem tengir þennan átakshóp saman. Þar geta þeir skráð sig sem vilja áfram njóta íslenskrar náttúru án þess að þurfa að kaupa ferðir hjá íslenskum ferðagönguklúbbum og vilja leggja sitt af mörkum til að vinna gegn órökstuddum lokunum á ferðaleiðum í gegnum fallegt íslenskt landslag.

Á næstu vikum munu fara í gang fjölþættar aðgerðir sem allar hafa það að markmiði að stöðva framgang stjórnvalda í ólýðræðislegum vinnubrögðum varðandi lokun á ferðaleiðum í Vatnajökulsþjóðgarði og friðlandinu í Þjórsárverum. Við ætlum að koma í veg fyrir að stjórnvöld hafni athugasemdum frá meira en 6000 aðilum og hunsi Árósarsáttmálann sem á að tryggja frjálsum félagasamtökum og einstaklingum að hafa eðlilegan aðgang að ákvörðunum stjórnvalda.

Guðmundur G. Kristinsson
Ferðafrelsinefnd/Litlunefnd