This topic contains 67 replies, has 1 voice, and was last updated by 
-
Topic
-
Sælir félagar. Samkvæmt frétt frá skemmti og skálanefnd klúbbsins verður farin ærslaferð í Setrið helgina 24 – 26 febrúar næstkomandi. Nánari fréttir af þessum heimsviðburði koma hér á spjallþráðinn eftir því sem þær verða til og andinn blæs okkur nefndarmönnum í brjóst. Ýmislegt kann að verða til skemmtunar, s.s. gítargaul skemmtinefndarmanna sem að meginuppistöðu mynda hinn geysivinsæla sönghóp, Stjórnina, en koma samt ekki fram sem Stjórnin, bingóspjöldum í boði Einars Sól kann að verða dreift, golfhippinn tekur sjöjárnið með og þrumar hvítu kúlunnni niður á sléttuna fyrir neðan Setrið, fundarlaun í boði fyrir þann sem finnur hana í snjónum. Svo er nokkuð víst að einhver önnur heimska verður í boði en það á eftir að koma í ljós, kannski „finnið bjórinn með bundið fyrir augun í myrkrinu“. Svo er það matseðill laugardagkvöldsins sem eins og sakir standa samanstendur af Burtflognum hænum með teiknuðum kartöflum og loftsósu í boði sænska kokksins en kann að breytast þegar líður á mánuðinn. En þeir sem eru skráðir í ferðina eins og er eru:
Svinbjörn Halldór +1
Logi Ragnars +1
Logi Már +1
Rúnar Sigurjóns +1
Guðm.Sigurðs +2
Ágúst Birgiss. +2
-
Replies
-
Takk fyrir mig, þetta var mjög skemmtileg ferð og vel skipulögð af SS (skála og skemmtinefnd). Bingo-ið var skemmtilegt og við veltum mikið fyrir okkur hvað fólk hefur haldið sem hlustuðu á rás 47 á þeim tíma
Maturinn var hrein snilld og allir sem komu að honum fá hæðstu einkunn.
Enn og aftur, takk fyrir mig.
Kv. Hafliði
Takk fyrir okkur, snilldarferð í alla staði.
Mínar myndir má sjá hér: https://old.f4x4.is/index.php?option=com_jfu … mId=313454
Við Andri Berg þökkum líka kærlega fyrir okkur. Þetta var frábær ferð og skemmtun, maturinn var alveg ógeðslega góður og eiga kokkarnir heiður skilið og bílabingóið var sniðugt
Einhverjar myndir voru teknar og má sjá þær hér.: https://www.facebook.com/home.php#!/med … 785&type=1
og hér líka frá Villa í Grindavík : http://vilhelm.123.is/album/default.aspx?aid=222482Kveðja
Agust Þór
[quote="logimar":3etute5a]Ferðalangar í ærslaferð skála og skemmtinefndar eru nú allir komnir til byggða. Nema Seinagengismenn held ég,,,,, en það er nú ekkert nýtt að þeir séu seinir. [/quote:3etute5a]
Ég veit ég tala fyrir hönd okkar í Seinagenginu þegar ég segi að þetta hafi verið mjög vel hepnuð helgi, skipulagið var til fyrirmyndar og veitingarnar frábærar.
Við vorum ekki búnir að fá nóg af snjó þegar þið purruðuð malbikið í bæinn svo við ákváðum að sigla Búðarhálsinn og komum heim rétt fyrir myrkur.
Takk fyrir samveruna.
Já takk fyrir mig. Þetta var príðis skemtan hjá ykkur og ekki voru vinningarnir slæmir ekki síst sá síðasti sem endaði hjá mér eftir mikið röfl og nöldur í fyrverandi formanni klúpsins, en það varð mjög sanngjarn endir á þessu öllusaman.
Strákarnir í Seinagenginu + Einar berg voru ekki búnir að fá nóg að göldrum svo ég lagaði færðina og lét okkur hverfa úr hópnum.Kveðja Túri
Sem skemmtinefndarfulltrúi get ég allavega sagt að það var mjög gaman að taka þátt í undirbúningi og þessu ferðalagi alveg frá upphafi til enda,,allt frá A-Ö gekk upp fannst manni…sumt ansi smellið eins og uppákoman þegar dregið var úr bingóspjöldunum og Hjörtur var svo heppinn að vinna vinning vinar síns…eða þannig. Galdrakarlinn átti góða innkomu og svo var ansi spaugulegt að fylgjast með varafomanninum og háttvirtum formanni þegar þeir reyndu að leysa þá þraut sem fyrir þá var lögð…ekki meira um það. Snjórinn sveik ekki, sennilega upp undir 40cm jafnfallið að morni sunnudagsins eftir snjókomu næturinnar. Skálinn er alveg súper og augljóst á öllu að skálnefndin hefur sinnt sínu stafi vel hvað alla þætti skálans varðar og svo kunna þessir karlar líka að útbúa mat ofan í heilu herdeildirnar eins og sannaðist í þessari ferð. Takk fyrir samveruna félagar.
Logi Ragnarsson
R148
Sælir
Takk fyrir frábæra ferð.
Skemmtinefnd á heiður skilið fyrir undirbúning og framkvæmd á þessari skemmtilegu ferðar. Bílabingo er málið.
Flottur hópur þarna á ferð og gaman að nýta skálann okkar, sem er þvílíkt glæsilegur og allt í topp standi. Ljóst að skálnefnd hefur staðið í ströngu.
Af mörgum sem lögðu mikið á sig langar mig að þakka Loga Má sérstaklega hér. Hann var alltaf að og dinnerinn var flottur.Takk fyrir mig
Friðrik
You must be logged in to reply to this topic.