This topic contains 31 replies, has 19 voices, and was last updated by 
-
Topic
-
Laugardaginn 17. maí næstkomandi ætla félagar í Ferðaklúbbnum 4×4 að bjóða meðlimum í félaginu Einstök börn með í jeppaferð. Um er að ræða 60 til 70 einstaklinga, börnin ásamt fylgdarfólki þeirra, og er áætlað að þurfi 30 til 40 jeppa til að anna þessum fjölda.
Hugmyndin er að fara úr bænum klukkan 9 að morgni, keyra sem leið liggur að Geysi þar sem verður stoppað. Því næst verður farið að Gullfossi og eftir það upp á Bláfellsháls og inn að Skálpa. Þar verður eitthvað brallað og hugmyndin er svo að fara upp á Jökulinn þar og sjá til hvað færið býður upp á.
Fjölmiðlafólk verður með í för og er reiknað með að ferðinni verði gerð góð skil í fjölmiðlum. Þetta fellur vel að ímyndunarstarfi klúbbsins og hentar einnig vel fyrir þá sem vilja gjarnan fara í skemmtilega ferð og láta gott af sér leiða í leiðinni. Um er að ræða sjálfboðaliðastarf, þar sem þátttakendur leggja til bíla, tíma sinn og eldsneyti. Hugmyndin er að verðlauna þátttakendur með einhverri uppákomu eftir ferðina, en slíkt hefur ekki verið útfært ennþá. Við munum setja nánari upplýsingar inn á vefinn síðar.
Ef þú vilt leggja þessu góða málefni lið þá vinsamlegast farðu inn í skráningarformið sem má finna ( hér ) og skráðu þig í ferðina.
Nánari upplýsingar um félagið einstök börn má finna á veraldarvefnum undir: http://einstokborn.is/Default.asp?Sid_Id=28730&tId=99&Tre_Rod=&qsr
-
Replies
-
Góðan daginn,
Ekki finnst mér þáttakan vera góð hjá félagsmönnum í þessa ferð og er það miður. En Sturla Þengilsson hversu asnalegt sem það er þá verður þú að skrá þig út til að sjá listann. Hann hverfur ef maður er innskráður. Svo þegar maður er búinn að skrá sig út til að sjá listann og fer svo hér inn til tjá sig þá verður maður að vera innskráður. Meiri þvælan það.
Kveðja Hjörtur og JAKINN.is
Góðan daginn, ég þarf því miður að afskrá mig þar sem ég verð óvænt erlendis næstu helgi.
Davíð Örn Svavarsson – Grand Cherokee
Anonymous- Umræður: 3
- Svör: 3
Góðan daginn, ég þarf því miður að afskrá mig þar sem ég verð óvænt fyrir norðan næstu helgi.
Guðni Þorberg Svavarsson – Toyota Hilux
Sælir
Verð því miður að skrá mig út því bíllinn hjá mér verður ekki tilbúinn fyrir helgina.
Halldór Freyr – Toyota Hilux 36″
Sælir
Vorum að koma í bæinn eftir vel heppnaða ferð. Það komu ekki eins margir í ferðina og áætlað hafði verið en við mættum með fylktu liði og enduðum með lausa bíla. Nokkrir okkar manna fengu því frí. Veður var bara fínt hjá okkur og mikil gleði allra sem komu með. Færið var leiðinlegt. Vorsnjór, frekar vatnsósa með fullt af krapapyttum. Fórum ekki upp á jökul, það hefði tekið allt of langan tíma.
Við vorum að skila af okkur ánægðu fólki eftir góðan dag.
Takk fyrir mig. Þetta var mjög gaman, flottur hópur og gaman að taka þátt með skemmtilegum félögum
Kveðja
Friðrik
Ég sá engann fjölmiðlamann í ferðinni,
er búið að senda þeim fréttatilkynningu?
NEi
MHN
Sælir
Tek undir það, vel heppnuð ferð og ég sá bros á börnum og fullorðnum allt í kringum mig.
Takk fyrir okkur,
Hafliði
Góðan daginn,
þakka innilega fyrir mig.
Hér er slóð á meiri fréttir úr ferðinni…… http://www.jakinn.is/?album=ferd-med-einstok-born-17-mai
Kveðja Hjörtur og JAKINN.is
Sæll Hörtur.
Ég er dálítið dapur yfir að þurfa að fara út um allt net til að geta séð góðar myndir frá aðburðum sem Ferðaklúbburinn og félagar hans standa fyrir. Sérstaklega vegna þess að þær myndir sem settar eru hér fá margfalt meira áhorf en ella. Auk þess sem þær lifa en hinar hverfa fljótt.Hjörtur kæri vinur.
Ég er búin að fá ofanígjöf fyrir að gagrýna tengla sem settir eru hér yfir á aðrar síður. Því held ég áfram hvort sem ég er í vefnefnd eða ekki.
Kv. SBS.
Sæll Hjörtur.
Nú getur SBS tekið gleði sýna á ný. Þakka þér kærlega fyrir að leyfa okkur að njót frábærra mynda frá þér úr ferðinni með Einstök Börn.
Ég sé að þú hefur fengið Hjart-næmt þakklæti frá þínu samferðafólki.
Ég vel myndir á forsíðu þegar vinnudegi er lokið
Kv. SBS.
You must be logged in to reply to this topic.