Felgur!!

Kæri Snake

Hvernig í ósköpunum færð þú það út að bíllinn hjá þér fljóti meira eftir því sem það er breiðara á milli hjóla. Þetta er eitt mesta bull sem ég hef nokkurn tíma heyrt á mínum 13 ára jeppaferli. Heldur þú að ef þú stendur í snjó að þú sökkvir minna ef það er gleiðara á milli lappanna á þér. Hinsvegar gæti þetta virkað ef þú ert að keyra yfir snjóbrú eða slíkt.
Ég er búinn að prófa flestar felgubreiddir (10"-16") og í dag er ég með 10" allann hringinn á stuttum LandCruiser og þessi bíll hefur verið kallaður litli bigfoot vegna þess að mönnum þótti ótrúlegt hvað hann dreif oft mikið og því vil ég að miklu leyti þakka mjóum felgum.

Með von um minnkandi felgubreidd
Hvati

Hvað duga dekkin lengi hjá þér undir krúsernum?
Ég er ekkert að reyna að vera leiðinlegur en maður hefði haldið að 38" dekk á 10" felgu myndi fara frekar illa á köntum þegar er verið að hleypa úr niður í ca. 2 pund. Mín reynsla á þessu er sú að ef að 38" er á 14" breyðri felgu þá bælist dekkið síður þegar er mikið hleypt úr og felgukanturinn er ekki að hamast eins mikið á dekkinu. En það er kanski bara ég, akandi um á 36" og 12" breiðri felgu.

Fjallakveðja REX

Sæll Hvati!

Fórstu aldrei í skóla??? Ertu virkilega svo "blindur" að þú skilur ekki að breiðari bíll er með MEIRA flot en mjórri bíll???!!…Og þú breikkar náttúrulega bílinn með því að vera með ÚTVÍÐAR felgur…Og ef þú sérð ekki að þetta breytir bílnum meira heldur en bara útlitinu þá er ekki alveg í lagi með þig.

Hvar lærðir þú "common sence" eða hefur þú aldrei lært það??..Það segir sig bara sjálft að breiður bíll flýtur betur..

Kv
Snake

Skelfilega ertu vitlaus snake. Ef þú spyrð einhvern með greindarvísitölu yfir 75 um þetta mál, að þá á hann eftir að svara þér eins. Af þessum skrifum þínum að dæma hefur þú einstaklega litla reynslu af fjalla- og jeppamennsku og ættir af þeim sökum ekki að vera tjá þig mikið um þessi mál. Hvort sem þú hefur 1 metra eða 2 á milli dekkjanna á bílnum hjá þér að þá er snertiflöturinn alltaf sá sami. Ég ætla að biðja þig um að opinbera ekki heimsku þína svona á almannafæri og að nefna þessa vitleysu ekki við nokkurn mann. Annars höfum við félagarnir skemmt okkur mikið yfir þessu sem þú ert að segja og þú hefur opnað augu okkar fyrir því að það eru ekki til takmörk fyrir heimsku. En ég ætla nú samt að óska þér gleðilegra jóla og farsældar á komandi ári með von um að þú sjáir nú að þér og breytir þessari skoðun þinni sem er algjört einsdæmi. Annars nenni ég ekki að standi í orðaskaki við svona foráttu vitleysinga þannig að þetta verður mitt síðasta bréf í þessari umræðu.

kv
Hvati

Sælir allir,
Ég reyndi að senda póst hér fyrr í morgun en hann virðist ekki hafa komist alla leið svo ég endurtek innihaldið að mestu hér.
Ég segi nú bara eins og Salómon gamli, þið hafið báðir rétt fyrir ykkur (Snake og Hvati) en hvor með sínum hætti. Það er rétt að flotflötur dekks eykst ekki við það að færa það lengra frá hinum dekkjunum og það gefur alltaf sama flot hvar svo sem það er staðsett (nema sem varadekk). En hægt er að auka flotgetu/drifgetu jeppa með því að færa dekk utar eða aftar. Sem dæmi má nefna fullhlaðinn "orginal" 80 Cruser sem er með þyngdardreyfinguna 60% aftan og 40% framan. Með því að færa aftur hásinguna aftar fæst næstum 50/50 þyngdardreyfing. Sömu dekk, sami bíll jafn þungur, en flýtur sammt mun betur og drífur meira vegna þess að þyngdin dreyfist jafnar á dekkin.
Eitthvað álíka gerist en þó í minna mæli þegar farið er af innvíðum felgum á útvíðar, sérstaklega ef bíllinn er hár og mjór. Þyngdarpunkturinn færist til, þyngdin jafnast betur á dekkin, bíllinn verður rólegri í öllum hreyfingum og stöðugri og því flýtur hann og drífur betur.

Kveðja
Siggi_F

Það að ásaka og segja að einhver sé heimskur lýsir kunnáttu þeirra sjálfra til mannlegra samskipta.

Ekki hef ég kallað einn eða neinn heimskan og ráðist á þá persónulega eins og sumir hér inni og þar af leiðandi hagað mér eins og barn.

Þó svo að ég hafi grínast með skólagönguna…þá virðist sem að ég hafi ekki haft rangt fyrir mér í þeim efnum.

En svona er þetta víst. Mannskepnan er víst misjöfn hvar og hvaðan sem hún er!

Kv
Snake

snake eins og þú veist best sjálfur eiga allir í skóginum að vera vinir og ég er með lausnina gefðu bara hvata vini þínum 13" breiðar felgur í jólagjöf .fjallakveðja BOLI.gleðileg jól.

Það er margt að athuga varðandi kosti og galla. Kostirnir geta verið meira flot í ákveðnu færi. Gallarnir eru helzt mun meiri áreynsla á legur og öxla, ef öll breikkunin er út. Flugferðir verða hásingunum hættulegar, legur haugslitna og ef affelgast er ekki fyrir hvern sem er að redda því á staðnum nema með startspray aðferðinni. Mér sýnist 12 – 13 tommurnar komi svona jafnbest út og menn sleppi við mörg vandamál. Hef sjálfur prófað 10, 12 og 16 tommu felgur á 38 tommum án þess að finna afgerandi mun á drifgetu.
Kveðja, Kolli