Felgur fyrir 44″

Sælir.

Á sameiginlegum fundi Húsavíkurdeildarinnar og Austurlanddeildarinnar sem var hérna í haust urðu ýmsar umræður um þessar felgubreiddir.

Meðal annars sem kom þar fram var sú skoðun manna að gúmmí sem stæði uppá röð gerði ekkert gagn. Var þetta reifað á ýmsan máta og reynsla austurmann var sú að eftir því sem felgan væri breiðari því betra. Þeir hafa meðal annars komist að því að t.d. 38" dekk færi best á 16" felgu og 44" dekk færi best á 18" felgu. Ástæðan fyrir þessu væri það að dekkið krumpaðist ekkert (eða minnst) með þessum felgubreiddum og því færi minna vélarafl í að snúa dekkinu ef það krumpaðist ekki. Og þá væri það flotið, því meira af gúmmíinu sem væri á jörðinni því betra, og að það þyrfti ekki að hleipa eins mikið úr t.d. 44" dekki til að það gæfi sama flot og t.d. 44" dekk á 16" felgu.

Hvað mig sjálfann varðar þá er ég farinn að spá í felgur og ég mun setja mín 44" dekk á 18" breiðar felgur. Svo sannfærður var ég eftir spjallið við greifana að austan.

Nú annað sem kom fram í spjallinu líka var efnið sem sett er í breikkunina, eða tunnuna eins og þeir kölluðu efnið sem sett er í felguna eftir að hún er skorin í sundur. Eftir því sem þynnra efni er sett í tunnuna því léttari er hún. Þetta er rökrétt, og þeir voru búnir að láta reikna stirkleika efnisins sem dygði til þess að tunnan væri sterk. Minnsta þykkt sem má setja í tunnu er 0,9 mm. Ha….já ha. Við vorum náttúrulega vantrúaðir á þetta en þá var tekið dæmi um bjórdós……sem óvart var til þarna á staðnum. Og þeir sýndu hvernig styrkleikinn væri í dósinni uppá kant og á hlið. Eftir þá yfirferð gátu menn svona almennt……kannski viðurkennt spekina um að 0,9mm mundi duga í tunnuna. En til þess að vera vel yfir öllum viðmiðunarmörkum þá væri 1,5-2 mm nóg. Ég man nú ekki nákvæmlega muninn á felguþyngdinni þegar 2mm stál er notað eða 3-4 mm. Þetta voru einhver 6-8 kíló sem felgan var þyngri með stáli uppá 3-4 mm.

En hvað um það, það koma til með að fara 2 mm í mínar felgur. En varðandi beatlokk og svoleiðis er ég enga ákvörðun búinn að taka um. En það kom fram hjá einhverjum hérna á spjallinu um daginn að hann hefði límt dekkin á felgurnar með einhverju dúkalími eða flísalími og sá hinn sami hefði verið með þetta í eitt ár án þess að affelga eða að dekkið hefði snúist í felgunni.

Kveðja Oddur Örvar Húsavík …Þ-450 4X4

settu 17 25/32" breiða sérð ekki eftir því
kv catman

Ég er alveg sammála Óla með reimskífurnar. Er sjálfur búin að keyra á 18 tommu breiðun felgum í 4 ár og efnisþykktin í þeim er 1,5mm. Þær hafa verið undir 2,3 tonna landcruiser og aldrei komið brestur í þær. Bíllin var óstöðvandi á þessum skóbúnaði og ég vil sjá annað!!

Sælir…

Ég er með bíl uppá 2470 kíló. Ef ég kemst hjá því að bæta við þyngdina þá geri ég það. Hann flýtur betur léttari. Ég er búinn að tína úr honum allskonar óþarfa hluti og ætla ekki að þyngja hann meira. Bara þessi 44" dekk þyngja hann nóg, svo það er um að gera að hafa felgurnar eins létta og kostur er. 30 kíló er mikið að burðast með í hverri ferð ef maður getur verið laus við það.

Kveðja Oddur Örvar Húsavík……..Þ-450