Felgubreidd 38″?

Ég hef verið á 14" breiðum felgum og finnst það hafa komið vel út. Ég held að 15" geti líka gengið þokkalega. 13" er að ég held ekki fremleidd sem standarbreidd, þ.a. þá þarf að breyta mjórri felgum. 12" er hugsanlega í mjórri kantinum og 10" allt of mjótt.

Með kveðju,
Þrándur

Eg hef verið á toyota XC og dc bæði með 12"14"15 og 16.5.

12 er of lítið fyrir 38.
14 er allt í lagi.
15 er allt í lagi
16.5 er gott ef það er góður kantur á þeim. :)) skiljanlega.

Ef eg væri að velja fyrir mig um þetta mundi eg taka 14.5 eða 15.

En gagni þér vél.

Er með 12" undir sumardekkin og 14" undir vetrardekkin á Toy DC. Áberandi meira flot á 14", en hin eru skemmtilegri í sumarakstri og hlífa legunum meira.
Kv,ÓAG.

settu 38" á 17"breidd það virkar
ferðakveðja HSB U119

En 36" hvaða felgur fara best við t.d.Ground Hawk af þeirri stærðinni?

Ég var á hilux og er búinn að vera með 12" 13" og 14" og mig langaði alltaf í breiðari svo ég myndi taka allavega 15" ef ekki breiðara. Vinur minn er með 16" breiðar undir hilux og það virkar mjög vel.

En hvað 66Bronco varðar myndi ég segja 14".

Kveðja Snorri.

Ekki er ég alveg sammála ykkur.
Ég er með 12" breiðar felgur (Eagle 589) á 38" mudder og er búinn að ferðast talsvert í slæmu færi. Ekki hef ég setið eftir í þeim ferðum nema síður væri. Mudderinn virðist fletjast vel, en ég þekki reyndar ekki hvernig önnur 38" dekk haga sér á 12 tommu breiðum felgum. Ég hef aldrei affelgað dekkk þegar menn á mjög breiðum felgum hafa lent í því. Það þarf reyndar ekki að vera bókstaflegt samhengi þar á milli, kannski að brúnin skipti meira máli. En mín reynsla er sú að 12" breiðar felgur gagnist vel á 38" Mudder. Kannski ekki eins stórkallalegt ásýndum en vel nothæft.
Kv,
Lalli.

Mjög breiðar felgur virka örugglega vel í ákveðnu færi, við aðrar aðstæður skila þær litlu fram yfir þær sem mjórri eru og sumir vilja meina að stundum séu þær verri þar sem þær gefi meiri fyrirstöðu (s.s. þegar þarf að ryðja för). Allskonar trúarbrögð í gangi í þessu, en eitt er alveg öruggt og það er að þær orsaka mun meira álag á legur og fleira þar sem þú ert að fá mikið vogarafl, meiri hætta á að brjóta eitthvað þegar eitthvað gengur á. Vogaraflið eykst eftir því sem ytri felgubrún er fjær náinu. Þess vegna eru margir sem fara ekki yfir 14" og halda sig jafnvel við 12". Þetta verður þú bara að vega og meta, ávinningur vs. gallar.

Kv – Skúli

Sælir

Að mínu mati er 12" breiðar felgur passlegt undir 33" allavega ekki mjórra, þetta segi ég af eigin reynslu.

16-17" breiðar er málið undir 38". Ok kanski aðeins meira slit bæði á kantinum á dekkjunum og á drifbúnaði.
En hitt er svo annnað mál að flotið er, tel ég, meira í öllum tilvikum. Ef að hætta er á því að það verði vandræði að ryðja slóða þá er bara að dæla aðeins meira í við þær aðstæður…
Þeir sem ég þekki (og ég líka) sem hafa prófað að nota breiðar felgur einu sinni fara í það aftur næst. Því hvað erum við að sækjast eftir með þessum stóru dekkjum? Jú flot og drifgeta. Ef menn hafa áhyggjur af drifbúnaði þá er bara að skella minni dekkjum undir, mikið ódýrara

Kveðja
Izeman

Sælir félagar.

12" breiðar felgur gagnast kannski alveg, en þegar maður ætlar að drífa e-ð að ráði og komast áfram í vondu færi verður maður að vera allavega á 14" breiðum felgum á 38" dekkjum.
Í flest öllu færi fer maður samt meira á 15" breiðum felgum.