Felguboltar í Patrol

Sælir

Það er eina vitið að láta renna af nöfunum þegar jeppinn fer í breytingu og það skiptir ekki máli hvort brúnin sé rennd niður því felguboltarnir halda þessu öllu saman og aðal atriðið er að herslan sé nægjanleg og jöfn og tekið sé á af og til. Ef þú ættlar bara að vera á 38" þarftu ekki endilega að stækka boltanna en það er ekki verra að vera með sverari bolta svo menn þurfi ekki að bæla neitt í þessu. Ég er að keyra bæði á 38" og 44" en hef ekki enn farið í að skipta út boltum en maður er alltaf með auga á þessu en ég er reyndar bara á orginal stálfelgum. (sem ég tel mun betri en aðrar felgur) Hinnsvegar hefur mér sýnst að í flestum tilvika þegar menn eru að brjóta bolta hafa þeir ekki verið hertir nægjanlega og brotnað þessvegna.

Svo er bara að vona að það fari að snjóa……

Hlynur

Ég er nýbúinn að vera í svipuðum málum. Sleit felgubolta á 38" dekkjum (reyndar Parnelli-Jones sem eru víst mun þyngri dekk en önnur). Ég kenni því nú að hluta til á kæruleysi af minni hálfu, þ.e. að vera ekki nógu duglegur að fylgjast með herslu o.fl. En ef þú horfir á orginal Patrol bolta við hliðina á Land Cruiser boltum þá er Patról dótið hlægilegt í samanburði. Mér var líka tjáð af Fjallasporti að það væri búið að mæla báðar þessar tegundir bolta og að Toyota boltarnir væru um helmingi sterkari.

Það kom síðan í ljós að það þurfti ekkert að öxuldraga bílinn til að bora fyrir nýju boltunum. Málið er bara að finna rétta stærð af bor og láta svo vaða. Óli vinur minn gerði þetta á "no time". Boltarnir sitja mjög vel á eftir. Ég get komist að því hvaða stærð af bor við notuðum í þetta ef það hjálpar.

Það er reyndar eitt að varast við þessa leið, en það fer aðeins eftir felgunum sem þú notar. Ég veit um strák sem lenti í vandræðum af því að hálsinn á boltanum (vona að það skiljist hvað ég meina) sem er þykkari en sá hluti sem er með skrúfganginum er lengri hjá Toyota en í Patról boltunum og þurfti hann að leysa málið með "spacer-um". Sá var með stálfelgur en ég er með þykkari álfelgur hjá mér og þar var þetta ekki vandamál. Ég á reyndar Weld felgur líka sem ég ætlaði fyrir 44" síðar meir og var einmitt að spá í hvort ég mundi lenda í vandræðum með þær felgur.

Varðandi þessar Weld felgur þá hafa þær farið undir Patról, en til þess að það gengi þurfti einmitt að renna aðeins af nöfunum. Mér skildist að það hafði verið einfalt mál – leyst heima með slípirokk.

Ég áður en þú byrjar mundi kanna það hvað er til af boltum hjá Toyota. Ég keypti nánast um heila sendingu (þurfti að bíða í nokkra daga) þegar ég fór í þetta og kláraði rærnar.

Svo er víst hægt að nota ameríska bolta frá Bílanaust líka en ég lagði ekki í það.

Kveðjur – Ragnar

Eldri gerðir af Toyotum nota felgubolta af sömu stærð og Patrolinn notar, og á 44" dekkjum hafa Toyoturnar einnig verið að brjóta boltana. Nýjustu Land-Cruiserarnir eru aftur á móti með verulega stærri og sverari bolta (en nota bara 5 í staðin fyrir 6).
Þá held ég að Rover noti sverari bolta, og væntanlega þá nokkuð sterka einnig.

Það eru til amerískir boltar (9/16 að stærð held ég) í ýmsum gerðum, sem er mjög algeint að séu notaðir til skiptana. Eru reyndar hundleiðinlegir, erfitt að fá rærnar til að skrúfast rétt upp á boltana.

R2018 (jafn þunglyndur og áður..)

Sælir Steini og Ari.

Endilega ekki blanda saman ammmmerísku dóti í þetta japanska sem hægt er að nota. Hvernig heldurðu að þér gangi að selja Datsunin ef þú nefnir að það sér snefill af FORD í honum??? Það hrökklast auðvitað allir frá, enda almennt ekki jákvætt ef menn gera þær kröfur að komast klakklaust á leiðarenda…

Þessir FORDdómar mínir eru ekki brot á stjórnarskrá;-)

Hafið það gott um helgina!!

BÞV

Sæll Hlynur og gleðilegt ár.

Ég verð að viðurkenna að ég er orðinn langþreyttur á snjóleysinu líka. Ef þú ferð úr landi, skal ég koma með og hjálpa þér að leita!

Annars hef ég lengi spáð því að allt verði komið á kaf í snjó um 25. janúar. Vonum bara að það rætist…

Með ferðakveðju,

BÞV