felguboltar

Öxlarnir mega bara vera á sínum stað…þú tekur bara driflokurnar og bremsudælurnar(losar helst ekki slöngurnar) af, skrúfar rærnar af nástútnun og þá á draslið að koma framaf. Ég man hins vegar ekki hvort diskarnir eru festir við nafið með felguboltunum eða sér boltum, en það sérðu auðvitað strax og þetta er komið út á gólf.

Ég mæli eindregið með því að hafa slatta af tuskum og einnota hönskum við þetta bras (ekki tvist), bæði til að hlífa lúkunum fyrir feitinni (pjatt kannski segja sumir) og ekki síður til þess að maður sé ekki að bera sand og drullu í legurnar.

Alveg ótrúleg bylting, verð ég að segja, þegar ég fattaði að nota svona hanska, kassinn fæst á ca 500 kall í Rekstrarvörum (glærir ópúðraðir vilyl-hanskar, ekki nota latex, þeir detta strax í sundur í feiti og olíu), þvílíkur vinnusparnaður að þurfa ekki að skafa endalausa drullu af sér og ná jafnvel að svara í símann áður en hann hringir út….nóg um það.

En svona fyrir forvitni sakir, af hverju þarftu að skipta um felgubolta? Losnaði uppá eða var hert of mikið?

Svo er annað tengt þessu sem ég hef lengi velt fyrir mér, það er með smurningu á felguboltum. Af hverju stendur alls staðar að það MEGI EKKI smyrja felgubolta? Þetta hljómar svo voðalega órökrétt þar sem ósmurðir boltar rífa oft gengjur og herðast falskt….kann einhver skýringu á þessu eða er þetta kannski til að feiti/olía berist ekki í bremsur?

kveja
Grímur R-3167

Ég hef oft heyrt hjá mönnum meira segja reyndum fjallamönnum að ekki megi smyrja felgubolta því að þá geti þeir losnað. En það er bara bull. Það hefur til dæmis aldrei losnað dekk af hjá mér þó að ég sé óspar á feitina og ekki heldur hjá pabba en hann hefur líka alltaf smurt sína bolta. Og það er alveg rétt að ef maður smyr ekki boltana þá geta gengjurnar skemmst og rifnað

Dekkjasérfræðingurinn sem ég tek mark á (hann er bara einn) setur alltaf aluslip á felgubolta. Hann fullyrðir að rétt hertur felgubolti losni ekki af sjálfsdáðum en þetta tryggi að það sé alltaf hægt að losa boltana, því þeir geti annars bitið sig ansi mikið fasta og orðið erfitt að losa þá úti á þjóðvegi með venjulegum felgulykli, því maður er nú ekki alltaf staddur rétt hjá dekkjaverkstæði þegar dekk verður loftlaust hjá manni. Hinsvegar er hann með fyrirvara gagnvart því að nota venjulega feiti á boltana, því í hana vilji setjast óhreinindi. Aluslip (og copaslip) fylgi minni hætta í því efni. Best sé að nota grafít. Ég held þetta komi bifreiðategundum ekkert við, ég er búinn að eiga Willys, Scout, LandRover, UAZ Rússa, Lada Niva, Bronco, Toyota og Mitsubishi (gleymi vafalaust einhverjum) og ég held það sé enginn merkjanlegur munur hvað þetta snertir. Konan mín hefur ekið á hinum ýmsu afbrigðum Volkswagen frá 1966 og þar er þetta jafnvel enn brýnna, þar sem boltinn skrúfast inn í bremsuskálina/flangsinn.
kv.