Félagsgjöld???

Sæll Halldór,
Aðalfundur 4×4 hækkaði félagsgjöldin í 6000 krónur síðastliðið vor en aðal forsendurnar voru aukinn kostnaður félagsins meðal annars vegna starfsmanns og húsnæðis. Að auki spila verðlagshækkanir inn í þannig að ljóst er að hækka verður félagsgjöld reglulega ef þau eiga ekki að lækka að raungildi.
Það sem þú færð fyrir félagsgjöldin þín er er ekki eingöngu afslættir heldur margt fleira, þar má ekki gleyma hagsmunabaráttu jeppamanna, öryggi í fjarskiptum á fjöllum sem liggur í fjölda endurvarpa á fjöllum og rásum 4×4.
Ef þú hins vegar telur bara afsláttinn sem þú færð af eldsneytinu sem þú notar á hverju ári er líklegt að þú borgir upp félagsgjöldin á því eingöngu.
Kv.
Barbara Ósk
gjaldkeri 4×4

þeir sem eru með VHF borga minna í dag heldur en var áður, þar sem klúbburinn fær reikning fyrir vhf en ekki einstaklingar. Ég hef ekki séð neitt flókið við afsláttinn af bensíninu, þeir bara renna félagsskiteininu í gegn og þá lækkar upphæðin um nokkra hundrað kalla í hvert sinn sem maður tankar
Kveðja Lella

Landsfundur já margt rætt og ekkert framkvæmt. Já Stefanía það er bara alveg rétt hjá þér. Hinsvegar er nauðsinlegt að þessir aðilar hittist einisinni á ári og efli tengslin. Og orð eru jú til alls fyrst. Og síðan gæti eitthvað gerst hver veit, hver veit.
Annars er oft verið að vinna að hagsmunabaráttumálum þó svo að þau séu ekki alltaf sýnileg. Reyndar mætti að mínu mati setja meira púður í hagsmunamálini og minna í annað. Síðustu daga hefur verið mikið unnið, vegna Póst og fjar málsins og verður unnið í því áfram. Fréttir af því máli ættu vonandi að liggja fljótlega. Af ferlamálum. Af því að að er á minni könnu og Óskars Erlings ofl, er það að frétta að gagnagrunnur klúbbsins er kominn vel yfir 20.000 km af sumarleiðum og vetrarleiðir eru komnar í um 10.000 km af hreinsuðum og flokkuðum ferlum. Svo það tottast nú sumstaðar í hagsmunarbaráttunni þó hægt fari.

Ég skil alveg þetta sem að Halldór er að tala um því að ég hef hugsað eins. Og þau svör sem að hafa farið mest í taugarnar á mér eru t.d. hvað ég er að græða ofboðslega mikið. Ég hef t.d. verið bíllaus nánast síðan í nóvember sl. Og hef því ekki verið að versla eldsneyti, varahluti e.þ.h. hluti og lítið sem ekkert ferðast nema þá á puttanum. Minn gróði hefur einmitt fólgist í því og svo fría tetravagnakortinu mínu. Ekki hjálpar upp á svona svör eins og bara fínt mál ;->.
Hins vegar held ég að Jón hafi tekið rökin saman í einni línu en ein lína er bara ekki nóg. ,, vinna að hagsmunabaráttumálum þó svo að þau séu ekki alltaf sýnileg,,. Það er nefnilega gríðarleg vinna og tími sem liggur á bak við öll þau hagsmunamál sem að klúbburinn er að vinna að. Fólk (t.d. stjórnin) er hlaupandi úr vinnu á fundi (sem þýðir tekjutap fyrir einstaklinginn) til að standa vörð um hagsmuni okkar. Þ.e.a.s. að ég hafi val til að geta notað góð fjarskipti að þau séu ekki bara lögð niður. Val að geta keyrt gamla og gilda (ferlaða) slóða en ekki að þeim sé lokað af því bara. Að ég hafi aðgang að gistingu á hálendinu og breyttann jeppa til að komast þangað o.s.frv.
Gallinn er að þetta er ekki mjög sýnilegt þannig að manni finnst oft ekkert vera að gerast. Og þá hugsar maður fyrir hvern andsk. er ég að borga 6.250 kr. (fyrir suma er þetta mikill peningur). En bónusinn er svo misgáfulegar en þó ákaflega skemmtilegar ferðir sbr. miðjuferðin, landgræðslu og stikuferðir, sumarhátíð svo og árshátíð og fleiri atburðir sem að ég get valið um að taka þátt í … eða ekki.
Ég hefði t.d. viljað sjá tengil (ekki þráð) á síðu f4x4.is sem að myndi kannski heita mál í vinnslu eða eitthvað (sbr. við fréttasíðuna) þar sem að maður sér samantekt á þeim málum sem að eru í vinnslu, hvar þau standa og jafnvel hvað fer mikill tími í þau, fundir hér og þar. Ekki að þessu sé dreift víðsvegar um spjallið.
Ég gerði það upp með mér að velja að styrkja klúbbinn með því að borga félagsgjöldin og sé ekki eftir einni krónu í það. Ég sé heldur ekki eftir þeim krónum sem að fara í landsfundinn, þetta bara tilheyrir starfi klúbbsins.

Kv. Stef….
p.s. þetta voru nú ekki nema 395 orð…