Félagsgjöld

2 gistingar í Setrinu gáfu þér strax 1000 kr til baka.
Einnig geri ég ráð fyrir því að bílinn þinn noti bensín eða dísel og með því ð nota félagskortið á Skeljungsstöðum færðu afslátt, ásamt smurningu.
Og eins og formaðurinn okkar hann Benedikt benti á hér að ofan kostar að passa upp á okkar hagsmuni, reka vhf kerfið, skálana, starfsmann og félagsaðstöðu.
kv
Agnes Karen
Gjaldkeri

Hvað á eiginlega að gera við alla þessa peninga.???
kv:Kalli smáaðspekúlera.
úps.einu núlli of mikið

Eins og Hlynur benti á hér að ofan, þá er þetta tillaga. Og það er aðalfundur sem hefur síðasta orðið um það. Enda fer aðalfundur með æðsta vald klúbbsins. Síðast þegar félagsgjaldinu var breytt, þá komu fram margar hugmyndir og varð núverandi gjald loka niðurstaðan í þeim viðræðum.

Mér finnst alveg magnað að lesa það hér að mönnum finnist þetta of mikil hækkun.

Ef að Klúbburinn hefði ekki staðið vörð um okkar hagsmuni undanfarin ár þá er harla ólíklegt að við værum að stunda þetta sport eins og við gerum í dag. Og ég er þess fullviss, sérstaklega eftir þetta starfsár sem er að líða, að ef við ekki stöndum vaktina áfram og af meiri krafti en áður þá er þess ekki langt að bíða að við fáum á okkur boð og bönn sem skerða ferðafrelsi okkar verulega.

Forsenda fyrir því að hægt sé að standa vörð um okkar hagsmuni af einhverri alvöru er að hafa fólk í fullri vinnu við þetta. Ég hef, ásamt öðrum í stjórninni verið að vinna undanfrið ár fyrir klúbbinn með okkar hefðbundnu vinnu. Flestir eru þannig settir að þeir geta ekki verið frá sinni föstu vinnu á daginn, en hins vegar er það einmitt á þeim tíma sem sinna þarf flestum fundum, t.d. gagnvart ríkinu. Ég er þannig settur að ég stjórna mínum tíma sjálfur og því gat ég farið frá þegar hentaði – en það er ekki sjálfgefið að svo sé alltaf. Auk þess er til mikils ætlast að ætla formanni að gefa 20 – 30 tíma vinnu á viku við að sinna störfum sem góður framkvæmdastjóri gæti allt eins gert.

Ég hef stýrt mörgum félaga- og hagsmunasamtökum í gegnum tíðina og Ferðaklúbburinn 4×4 er lang tekjulægsta og undirmannaðasta félagið sem ég hef komið nálægt – en gegnir samt hagsmunagæslu fyrir gríðarlega stóran hóp.

Svo er gaman að segja frá því, úr því að menn minnast á það að þeir hafi greitt atkvæði með 5.000 kr í tillögunni. Þá sat ég að spjalli með nokkrum af upphafsmönnum klúbbsins í fyrra og þeir voru allir á því að það ætti að hækka félagsgjöldin upp í a.m.k. 10.000 og hætta að reka klúbbinn með sníkjum og afsláttarhugsun eins og gert hefur verið hingað til. Og ég er algerlega sammála þeim – enda greiddi ég atkvæði með "hærri upphæð"

En svo ef maður skoðar þetta aðeins frá annari hlið,þá er verið að leggja til hækkun upp á 1.800 kr frá því sem nú er. Þetta samsvarar um 15 lítrum af eldsneyti – já eða tveim bjórkippum

Ég hef ekki trú á því að það sé nokkur heilvita maður sem mun segja sig úr klúbbnum vegna þessa – viðkomandi hefur þá fallið illa í stærðfræði því að afsláttur af eldsneyti á fjölskyldubílinn einan ætti að duga til að endurgreiða árgjaldið.

Benni

En Gísli hvar eru myndirnar af cherokeeinum sem þú lofaðir mér???

njé ekki rétti tíminn núna, maður er að byggja á fullu. Samt væri nú allveg til í kvikindið en ég verð nú kominn með allmennilegan skúr um áramót og þá fer maður í smíða-gírinn og býr til flottan Jeep. Væri samt gaman að fá myndir af bílnum þínum á fjöllum.

Fyrir þá sem yfir höfuð fara eitthvað á fjöll á jeppanum sínum er þessi hækkun hrein lækkun því sama hvort ferðast er að vetri eða sumri er VHF stöð með aðgang að endurvörpum eitthvað sem menn ættu að vera með í bílunum. Fastur út í á í júlí og þá getur VHF stöðin komið þér í samband við aðra jeppa í næsta nágrenni sem koma umsvifalaust og redda málinu.
Það getur hins vegar verið að einhverjir greiði núna félagsgjaldið sem eiga kannski óbreyttan jeppa og fara í einstaka tjaldferð yfir Kjöl og um Fjallabak í góðra vina hópi, en finnst þessi hækkun yfir mörkum þess sem þeir eru tilbúnir til að styrkja klúbbinn. Ég veit ekki hvað það er stór hópur, en efast um að hann sé einhver 20% félagsmanna.
Ég hef efasemdir um þrepaskipta félagsaðild. Annars vegar er líklegt að þetta myndi flækja allt utanumhald töluvert. Hins vegar og það sem er mikilvægara þá finnst ekki rétt að búa til svona uppskiptingu á félagsaðild í svona klúbb. Allir félagsmenn eiga að vera jafnir gagnvart klúbbnum í svona félagsstarfi, þó svo menn séu mis virkir í starfi. Með því að setja upp fyrirkomulag þar sem þú færð mismunandi réttindi eftir því hvað þú borgar mikið, er komin upp sú staða að sumir félagsmenn eru ekki jafn miklir félagsmenn og aðrir og þá er kominn upp mórall sem ég held að sé klúbbnum ekki hollur.
Styð tillögu stjórnar heilshugar.
Kv – Skúli

Auðvitað á að hækka félagsgjöldin.
Ég væri bara fjandi sátt þó ég þyrfti að borga 10.000 kr. Við erum að fá svo rosalega mikið í staðinn. Ef menn eru virkir í klúbbnum og eru að ferðast um á fjöllum, nánast hverja helgi(sem er nú ekki það ódýrasta), þá hljóta menn að geta borgað örlítið meira í félagsgjöld.
Það eru jú við félagsmenn sem fáum þetta allt aftur í vasann. Hærri gjöld þýðir einfaldlega fleiri kostir og valmöguleikar fyrir okkur = Betri klúbbur.
Ég held að það sé akkúrat það sem við viljum.
–
Takk Benni fyrir þitt frábæra starf og framlag til klúbbsins. Margir mættu taka sér þig til fyrirmyndar.

–
Smellum svo X við Grimmhildi Jóakims
X-A
Verðugur fulltrúi á ferð, konan sem gerir góðu hlutina.
Kveðja úr sveitinni
IMV

Ég er hlynntur hækkun á félagsgjaldinu því ég veit að það kemur til baka í einhverju formi. 10000 kr hefðu verið í lagi mín vegna.
Agust

Nú langar mig aðeins til að tjá mig um þessi félagsgjöld. Mér finnst þessi hækkun upp í 6.000 kr. svo sem vera í lagi. 6.000 kr er töluverður peningur fyrir mig. Ég er ekki að nota þessa afslætti. Ég hugsa að á þessum sl. 4 árum sem að ég hef borgað í þennan klúbb hafi ég gist í Setrinu 4-5 sinnum. Ég held hins vegar að ég sé ekkert eins dæmi með þetta. En hvað um það þetta er mitt val. Ég er svolítið þreytt á að heyra hvað ég er að græða ofboðslega. Málið er að ég kýs að borga í þennann klúbb af því að ég vil styrkja hann allt hitt sem kemur (ekki) er svo bónus. Þess vegna vil ég segja við þá sem að eiga nóg af peningum látið þið klúbbinn fá frjáls framlög umfram 6.000 kr. ég er viss um að þið getið fengið nöfnin ykkar einhversstaðar birt á netinu með kærri þökk.

P.s. nú er ég að spöglera minnkar umfang hagsmunamálanna ef að það fækkar í klúbbnum? (er ekki að segja að það muni fækka, bara að spöglera).

Kv. stef.