This topic contains 55 replies, has 1 voice, and was last updated by 
-
Topic
-
Ég var að lesa Setrið yfir hádegismatnum áðan og staldraði aðeins við smá texta. Tillaga stjórnar um að hækka félagsgjaldið í 6000.
Nú spyr ég afhverju?
Og svona til að minna á það, hvað er maður að fá fyrir félagsgjöldin?
Kv
Snorri Freyr
-
Replies
-
Sæll Snorri
Þú ert nú ekki lengi að spara þér 6000 kr. á aflsáttum sem þú færð þegar þú ferð að gera "nýja" fjósið upp.
Ég hef til dæmis aldrei farið í ferð á vegum f4x4 eða gist í skálum félagsins en ég er skráður félagi, og hef "hagnast" um félagsgjaldið amk. einu sinni á heilu ári bara við það að fá afslætti hér og þar (meira að segja fengið afslætti hjá fyrirtækjum sem ekki hefur verið samið um afslátt hjá).Kv.
Ásgeir
Ég sé bara ekkert athugavert við að félagsgjaldið hækki í 6000 kr núna, félaggjaldið er búið að vera óbreitt í amk 2 ár.
Ef þú nýtir þér þá afslætti sem þér bjóðast við að nota félagskýrteinið þá ertu ekki lengi að borga upp félaggjöldin margfalt.
Kveðja
Addikr
R-1435
Félagsgjöldin
Hvað fær maður eiginlega fyrir félagsgjöldin. Ég held að það mikilvægasta sem maður fær fyrir félagsgjöldin, sé það að maður fær marga tugi félagsmanns sem vinna að hagsmunum jeppa og ferðamanna almennt. Sem berjast fyrir ferðafrelsi og frelsi til þess að fá að aka áfram um á breyttum jeppum. Síðan kemur bónusinn, sem er möguleikunum á því að vera meðlimur hinna ýmsu deilda félagsins. Og svo má ekki gleyma, eftirtöldu:
Aðgangur að fjallaskálum: Setrinu, Sultafit, Símahúsinu á Urðum, Skiptabakkaskála, Álkuskála, Réttartorfuskála, Árbúðum,
Afslætti í tugum fyrirtækja, Vefsíðuna f4x4.is, Félagsritið Setrið, VHF kerfið, Tugi uppákoma af ýmsu tagi, Árshátíð, Sumarhátíð, Landgræðsluferð, ferðir Litlunefndar, Nýliðaferðir, Um 10 félagsfundi, Um 40 opin hús, Þorrablót, Vetrarslútt, Aðstoð hjálparsveitar 4×4, Aðgang að starfsmanni 4×4, hægt að leigja vhf stöðvar,
Hef ekkert við hækkun félagsgjalda að athuga. Að vera í 4×4 hefur gefið mér kost á svo mörgu skemmtilegu að gera í góðum félagsskap sem ég hefði ekki gert annars og ekki viljað missa af.
Fyrir mér eru félagsgjöldin hverrar krónu virði og hef ekki litið á þau sem íþyngjandi kostnað.
Siggi Pálma.
Er þá VHF gjaldið innifalið í þessari tölu 6000 og greitt af F4x4?
Mé finnst Ofsi segja allt sem segja þarf um ágæti þessa félagsskapar. Félagsgjald upp á 6000 er ekki mikið fyrir að fá allt þetta.
Ég borga 45þús á ári fyrir að fá að leika mér með golfkylfur á nokkrum hekturum. Í golfklúbbnum eru ekki margir staðir sem þú færð afslátt. Þetta er eðlileg hækkun og samrýmist auknu álagi á klúbbin og aðför að okkar sporti. Ef við verjumst ekki sjálf þá mun enginn gera það, það kostar peninga.Kveðja:
Erlingur Harðar
Ég er ekkert að finna að þessu en ég spyr AF HVERJU leggur stjórninn til þessa hækkun?
Er það vegna þess að félagsgjaldið hefur verið óbreytt í 2 ár?
Er það vegna þess að það er orðið svo dýrt að reka VHF kerfið?
Er það vegna þess að það er orðið of dýrt að reka skálana?
Kv
Snorri Freyr
Sælir félagar.
Ég er algjörlega sammála Ofsa með það að við sem almennir félagsmenn erum að fá mjög mikið fyrir árgjaldið sem er í raun mjög lágt.
Ég velti því þó fyrir mér að hvort ekki eigi að hækka gjaldið enn frekar og hafa skálagjöldin innifalin í árgjaldinu. Einnig vildi ég sjá Setrið koma í hverjum mánuði og eru örugglega margir félagsmenn tilbúnir að greiða hærragjald fyrir að fá það inn um lúguna hjá sér í hverjum mánuði. Ágætt dæmið hér að ofan um kostnaðinn við að vera í golfklúbbi. Það mætti hugsa sér að gjaldið hjá okkur væri kanski í þremur þrepum.
1. 6000 kr þá væri aðeins um rautt félagsskýrtein að ræða og ekkert innifalið nema afslættir.
2. 12.000 Gullt skýrteini og þá Setrið innifalið.
3. 18.000 Grænt skýrteini og þá allt innifalið, Setrið í hverjum mánuði,skálagjöld og svo framv.
Hvað finnst mönnum um þetta?bestu kveðjur,
Jói Jó
Tillagan er tilkomin vegna fjölmargara þátta.
Einn þeirra er að félagsgjöld hafa ekki fylgt verðlagsþróun og voru t.d. 2500 kr árið 1989 en eru 4200 kr í dag. En það er ekki ástæða ein og sér.
Það sem er megin ástæðan eru auknir útgjaldaliðir og meira vinnuálag á skrifstofu og stjórn með stækkandi klúbbi.
Einnig fjölgar þeim stöðugt þeim hagsmunamálum sem klúbburinn þarf að sinna. Sem dæmi má nefna nú nýverið er umfjöllun um Kjalveg, Vatnajökulsþjóðgarð, utanvegaakstur, ferlasöfnun, breytingar … o.s.frv.
Þetta er farið að verða það mikið að félagsmenn geta einfaldlega ekki ætlast til þess lengur að það sé unnið að öllum þessum málum í sjálfboðuavinnu fyrir þá.
Þess vegna þarf klúbburinn að hafa tekjur sem standa undir rekstri hans og því að hafa tvo starfsmenn í fullu starfi á skrifsstofu.
Einnig þarf klúbburinn að eiga ákveðna fjárhæð aflögu á hverjum tíma til að geta brugðist við brýnum hagsmunamálum, eins og t.d. að greiða lögfræðikostnað, láta fara fram rannsóknir o.s.frv.
Þessi klúbbur er bærilegasti hagsmunagæsluaðili í dag – en hann þarf að vera, og getur orðið mikklu mun öflugri ef að við sjáum sóma okkar í að greiða eðlileg gjöld fyrir þá þjónustu sem hann hefur og mun veita jeppamönnum.
Þetta var bara hagsmunagæslan – Svo er það nú einfaldlega þannig að hver einasti félagsmaður ætti að fá félagsgjaldið til baka í formi þeirra afslátta sem eru í boði – það tekur mig ekki nema þrjár áfyllingar á bílinn að ná þessu í dag. Þannig á ég óskaplega bágt með að trúa því að félagsmenn muni ekki fagna, og samþykkja þessa tillögu umyrðalaust á aðalfundi og fá mun öflugri klúbb í staðinn.
Aukinn kostnaður er líka til staðar – Við erum komin í stærra og betra húsnæði, en þurfum að sjálfsögðu að greiða fyrir það. Nú VHF málið er eitt – þar eigum við von á að þurfa að greiða rúma hálfa milljón umfram það sem áður var og síðan eykst rekstrarkostnaður að sjálfsögðu í samræmi við aukin félagafjölda.
Benni
Sæll Snorri.
Það eru í raun margar ástæður fyrir þeirri tillögu um hækkun félagsgjalda.
Sem tengist rekstri 4×4.
Við erum með skála sem þarfnast viðhalds. (nokkra)
Húsnæði sem kostar sitt v/félagsfunda og opins hús.
Starfsmannakosnað.
Sumarhátíð.
Árshátíð
Fjarskiptabúnaðs sem þarf að endurnýja og bæta við.
Umhverfismálin, tæknimál og lengi má telja upp.
kv
Agnes Karen
Gjaldkeri
Nokkuð góð hugmynd hjá nafna.
En með rauðu teini verða VHF rásir að fylgja með.
Kv JÞJ
Stæðsti hluti hækkunarinnar er til kominn vegna VHF kerfisins þar sem klúbburinn greiðir ákveðið gjald fyrir hvern skráðan notanda, áður greiddum við sjálfir fyrir stöðina 2400kr að mig minnir á ári þannig að kanski hefði hækkuninn mátt vera meiri en þetta var niðurstaðan.
Eina hættan við að hækka félagsgjaldið er að ef það er of hátt þá getur það fælt frá félaga. Við þurfum að hafa sem mestan fjölda til að hafa nógu marga á bak við okkur í hagsmunabaráttuni. Ég held að 6000 sé ekki það há tala að hún fæli frá ef fólk veit af þeim hlunnindum sem fylgja aðild að félaginu. miklir afslættir eru fljótir að borga upp félagsgjaldið, aðgangur að VHF, og tala nú ekki um það starf sem er unnið í sjálfboðaliðastarfi fyrir hagsmunum okkar.
Ég hjó eftir einu hjá Agnesi, en það er kostanður vegna sumarhátíðar og árshátíðar.
Eru þetta ekki liðir sem eru að standa undir sér með þátttöku gjöldum einum og sér, og ef ekki, hvað vantar mikið upp á?Svo aftur varðandi húsnæðismál, er t.d. Setrið (skálinn) ekki að reka sig á skálagjöldum einum og sér og ef ekki, hvað vantar mikið upp á?
Kv. Atli E.
6000. kall er meira en sanngjarnt þó ég hafi sett í skoðunarkönnunina að ég vildi óbreitt félagsgjald þá var það nú frekar til þess að menn færu ekki offari í hækkunum og ef það er rétt að vhf gjaldið sé inní félagsgjaldinu þá er þetta bara snylld eins og þessari stjórn er von og vísa.
kv:Kalli sátti
ps Rautt Gullt og Grænt það fynnst mér mjög góð hugmynd hjá Jóa Jó því ég er einn af þeim sem gleimi svo mörgu til dæmis skálagjöldum og mig grunar að ég skuldi einhverjar nætur þar og það væri gott að þurfa ekki að muna neitt eða þannig.
Kostnaðarliðir klúbbsins. Stundum hefur klúbburinn borið einhvern kostnað að skemmtanahaldi, bæði sumarhátíðum og árshátíðum. Þó það hafi ekki verið algilt
Hvað Setrið varað. Þá hefur verið mikið gert í Setrinu á undanförnum árum. Af stærri framkvæmdum má nefna fyrst pallasmíði, anddyrið og síðan nýja klósettið ( Soffíubúð )
Þetta hefur samtals kostað nokkrar miljónir. Þess vegna meðal annars borgar klúbburinn með Setrinu. Sama má segja um flesta aðra skála klúbbsin. Þeir hafa ekki borið sig.
T,d hefur eyjafjarðardeild lagt í mikla vinnu og kostnaði við Réttartorfu, sama má segja um Sultafit. Og skálann á Urðum. Ég held að þessum fjármunum hafi verið vel valið. Og á klúbburinn fjölda mjög góðra skála.
Síðan má velta fyrir hvort halda eigi áfram á sömu braut. Ég veit að það er áhugi á því að byggja sökkla við nýbygginguna í Setrinu. Og verður sennileg farið út í þá framkvæmd í sumar.VHF gjaldið. Það er auðvita komið í lög að einstaklingar fá ekki reikninga fyrir vhf talstöðvum. Því eru gjöldin innifalin í félagsgjöldum. Hinsvegar koma þeir hópar sem eru með einkarásir til með að fá reikning fyrir sínum rásum. U.þ.b 15000 kr fyrir hverja einkarás ef ég man rétt.
Það er aðalfundar á ákveða félagsgjald næsta árs. Það má koma með aðrar tillögur á fundinum og síðan er kosið um þær ef menn eru ekki sammála.
Okurvexti áfram– ekkert stopp X-B
Takk fyrir svörin
Ég styð stjórnina og mér lýst alveg gríðar vel á að Agnes bjóði sig til embættis formanns. Á sama hátt verð ég að lýsa aðdáðun minni á fráfarandi formann og tel ég að mikill missir sé af honum.
Ég set bara smá spurningar merki við það að hækka félagsgjöldin, ef megin ástæðan er niðurgreiðsla á skemmtunum fyrir fáa félagsmenn og uppihald á fasteignum sem kannski ekki allir nýta.
Ég óttast að ef gjöldin hækka um of að það fæli minna virka félaga frá og því náist ekki tilsettur árangur.
t.d.
1.000 manns greiddu 4.800kr. = 4.800.000kr.Gjaldið hækkað í 6.000kr. og 20% hætta að greiða gjaldið.
800 manns greiða 6.000kr. = 4.800.000kr.Kv. Atli E.
Ég er hræddur um að einhverjir munu hætta að styðja félagið með félagsgjöldum ef hækkunin er þetta mikil. Mér hefur sínst að 5000 kr. sé svona sálfræðilegur múr sem margir vilja ekki fara yfir. Hvort það verða svo margir að öll hækkunin fari í það er svo spurning
.
JHG
Ég kaus að félagsgjald yrði hækkað í 5000 kr.
Ég er alveg sammála Atla hér að ofan.Sjálfur hef ég aldrei notað VHF kerfið, 2 sinnum gist í Setrinu, og kannski 5 sinnum notað afsláttarkjör F4x4 á um 4 árum eða í kringum það.
Hvað mitt leyti varðar þá getur vel verið að ég hugsa mig 2 um áður en ég greiði 6000 kr í félagsjöld þar sem ég nota nánast ekkert þessi fríðindi sem félagsmenn fá.
Kv
Snorri Freyr
You must be logged in to reply to this topic.