Félagsgjald

Vaninn er sá að þeir sem skrá sig á síðari hluta árs (félagsgjöld ef mig misminnir ekki miðast við 1.1 – 31.12) hafa verið að greiða hluta af gjaldinu vegna þess árs (2007 er með "gamla gjaldið"). Það gæti þó verið að einhverjir sem hafi skráð sig fyrir alllögnu séu ekki að fá greiðsluseðil fyrr en núna nýlega. Þetta miðast s.s. við skráningardag í klúbbinn. Þetta mætti alveg vera skýrara og í fastari skorðum og því mjög vert að benda á þetta. Svo er alltaf spurning hvenær sé heppilegt að fá svona reikning inn um lúguna, jafnvel gott að vera búinn með þetta fyrir jólavertíðina.

Til gamans má geta að nú er verið að rukka mig um gjöld í annað áhugamannafélag þessa dagana þar sem ég fæ talsvert minna fyrir minn snúð (eiginlega ekkert, jú aðgang að póstlista sem er hýstur á yahoo…) en greiði litlu minna en í F4x4, auk þess sem seðilgjöld þar eru hærri. Það er síðan spurning hvort með aukinni samkeppni í innheimtu hvort þessi seðilgjöld muni minnka eða hverfa með öllu. Það eru að koma inn minni og grimmari aðilar á þann markað sem vert er að skoða og það verður gert. Ég veit amk um einn aðila sem nýlega feldi niður seðilgjöld en það var bara að koma til núna á síðustu dögum. Innheimtukostnaður (hver svo sem greiðir hann) er verulegur þegar um svona marga greiðsluseðla er að ræða og því gott að smala þessu saman og reyna í krafti stærðarinnar að krefjast betri kjara í þeim málum eins og öðrum.

Annars sýnist mér nú fara talsvert hærri upphæð en blessað félagsgjaldið í viðgerðir hjá mér og fleirum eftir helgina. Verður maður einhvern tíma "dofinn" í veskinu eftir að maður er búinn að reka svona bíla nógu lengi ;)?

kíkti á síðurnar hjá þessum aðilum:
FÍB 4.560
FÍ 4.600
Útivist 4.500

Munar s.s. 1.500kr að hámarki, semer nú ekki stórpeningur á ársgrundvelli, 125kr/mánuði sem munar. Svo ef maður vill í alvöru fá sjokk þá gengur maður í gólfklúbb, t.d. GR og borgar (ef maður er karlmaður á bilinu 21-66 ára) 64.000kr/ári! Það er bara rúmlega eitt alvöru dekk!

Mórall sögunnar: Það er ódýrast að eiga fólksbíl og labba á fjöllum. Það er örlítið dýrara að eiga jeppa og keyra á fjöllum en að eiga golfsett og slá bolta er eiginlega bara dýrt!

Kveðja
Tryggvi, sem gekk úr FÍB eftir að þeir siguðu á mig tryggingasölumanni sem ég er ekki enn alveg laus við 8 árum síðar…

Þetta er hóflegt eins og margir að ofan eru búnir að telja upp,hins vegar á sínum tíma þegar ég gekk til liðs við 4×4,þá var það á seinni hluta ársins,og greiddi ég þar af leiðandi hálft gjald fyrir,en ég sé ekki eftir þessum 6.245,kr fyrir mína parta.Þó svo margir virðist sjá ofsjónum yfir þessari hækkun,því svo eru menn að tala um að þetta sé eiginlega bara sparnaður þegar upp er staðið,þ.e.a.s því þarna sé búið að dekka VHF gjaldið frá póst og fjar.En þá langar mig hinsvegar að spurja þessa sömu einstaklinga að einu,hvernig stendur þá á því,að ég sem er búinn að greiða félagsgjaldið mitt (mrira segja áður en ég fékk greiðsluseðilinn)með bros á vör,og mikilli tilhlökkun um að fara ferðast í vetur,afhverju er ég þá að fá sendan greiðsluseðil frá póst og fjar uppá 2.500,kr og það eftir að ég er búinn að greiða gjaldið sem á að vera innifalið í félagsgjöldonum mínum.Á ég að borga þennan seðil líka og vera þar af leiðandi að borga 8.745,kr fyrir að hafa VHF sem félagsmaður í f4x4.Ja nú bara spyr ég?

Kv.Púkinn

Hvernig er það nú, þegar þessi blessuðu Shell skírteini renna út, þarf maður að sækja um nýtt eða kemur bara nýtt af sjálfu sér…

Þetta er áhugavert, nú er spurning hvort allir verði rukkaðir um leyfisgjöldum eða u.þ.b 15000 aðilar ( óstaðfest ). 2500 x 15000 = 37.500.000 ?. Svo er spurning hvort allir sem ganga í fleiri félög samanber Útivist eða fái einkarásir verði rukkaðir um auka leyfisgjald svo er það spurningin hvort það sé leyfisgjald fyrir hverja einstaka stöð eða hvort leyfið sé á einstaklinginn óháð fjölda stöðva.

Fékk svör fá óþekktum aðila og eru upplýsingarnar óstaðfestar.
Leyfisgjald 2500 per stöð
Detti þér í hug að ganga í annað félag + 2500 humm hum

Auðvita allt óstaðfest að venju

Ég sé að sumir eru búnir að fá sent reiknign fyrir félagsgjaldi. Ég hef ekki en fengið mína rukkun en vona að hún komi fljótt þar sem ég mun borga þetta gjald strax. Ég sé ekki eftir 6250 kr í félgasgjald í f4x4
kv
Þórður Ingi

ég er nýr í þessu félagi og borgaði um 4.000 kall ef ég man rétt það var ekkert talað um að ég þurfti að borga 6.250 einum til tveim mánuðum síðar mér finst þetta frekar kuldalegar mótökur í fullri hreinskilni sagt

Þeir sem eru skráðir í deild, t.d. Eyjafjarðardeild eru að greiða 75% af sínu gjaldi til deildar en 25% til "móðurfélagsins". Fyrir R-númer fer þetta allt á sama stað.

Já það er rétt Kiddi, það stendur á Shell kortunum að þau renni út en samkvæmt (áreiðanlegum) heimildum frá Shell þá renna kortin/félagsskírteinin okkar ekki út þó það standi á þeim. Hins vegar ef kortin verða ónýt t.d. ef einhver á Wrangler með þotuhreyfil á toppnum skemmir kortið sitt þá er auðvelt að panta nýtt í gegnum skrifstofuna okkar.

Þegar ég heimsótti PFS í síðustu viku sá ég háa bunka af óafgreiddum tilkynningum um bæði nýjar stöðvar og breytingar á eigendum stöðva. Ef söluaðilinn hefur staðið sig og sent þetta inn og þetta hefur ekki týnst og allar upplýsingar voru til staðar þá ætti þetta að koma einhvern tíma. Mín tilkynning t.d. stoppaði vegna þess að álfurinn ég hafði ekki sett félagsnúmerið mitt sem kallmerki á tilkynninguna.
Ég gerði óformlega könnun á Landsfundinum um helgina og mér sýndist að það væri ekki nema svona um það bil helmingur fundarmanna sem hefðu fengið leyfisbréf frá PFS vegna sinna stöðva. Fyrir því geta auðvitað verið margar mismunandi ástæður, feill söluaðila að senda inn, gögn vantað, umsókn týnst hjá PFS, tilkynning gleymst við eigendaskipti og ýmislegt fleira.
Það komst reyndar skriður á þetta mál aftur í síðustu viku eftir dálítið hlé og það gætu því dottið eitthvað inn af eldri tilkynningum.