Félagatalið á vefinn

er góð hugmynd

Þetta gera nú Eyfirðingar líka.. sleppa reyndar myndunum sem er kannski bara ágætt 😉

Er þessi hugmynd eitthvað í tengslum við upplýsingaöflunarblaðið sem var í síðasta Setri?

Þetta er annars fínasta hugmynd, flest af þessu er þá þegar skrað á vefinn undir "Mínar upplýsingar" en það mætti vera auðveldara að leita, t.d. ef einhver hefur aldrei skrifað á spjallið og á engin myndasöfn er dálitið djúpt á þessu. Fínt að þetta sé lokað á sama hátt og pappírútgáfan væri bara send til félagsmanna en ekki allra landsmanna.

Ég mæli með félagatali þá á þann hátt að það komi fram
skirnarnafn og félagsnúmer hjá viðkomandi, ekki aðrar
uplýsingar um viðkomandi á vefinn ( og kannski GSM númer: Að vísu eru sumir búnir að gefa upp meiri upplýsingar en ég hef talað um hér á vefnum)
kv,,, MHN

Væri ágætt byrjun að nota það sem þegar er á vefnum, það er þá undir félagsmanninum sjálfum komið að setja inn viðbótarupplýsingar umfram þann grunn sem félagið þarf að hafa til að senda greiðsluseðlana.
Viss um að vefnefndin er ekki lengi að búa til síðu sem sýnir helstu upplýsingar úr þeim sem eru skráðir og svo hægt að smella á viðkomandi til að fá allan prófílinn. Þeir sem eiga ekki prófíl myndu svo koma sem nöfn og heimilisföng eingöngu.
Held að það sé langlíklegast til að virka, menn vilja ekki halda utan um sömu upplýsingar tvisvar og með þessu móti eru félagsmenn sjálfir ábyrgir fyrir viðbótarupplýsingunum sem sparar vinnu fyrir starfsmenn/sjálfboðaliða klúbbsins.

Já gleymdi…. á mínum vinnustað er búið að þróa mjög öflugt nafnleyndarkerfi sem þeir allra hörðustu gætu notað, allt dulkóðað til helvítis og til baka. Spurning um að semja um afnotarétt 😉

En hafa þetta lokað fyrir öðrum en félagsmönnum,einnig ætti að loka á notanda upplýsingar fyrir öðrum en félagsmönnum.
Þeir sem eru ekki félagar í 4×4 klúbbnum yrðu bara að skrá sig í klúbbinn,ef þeir vildu skoða þessar upplýsingar.
Kv
Jóhannes

Trikkið var nú bara að komast í næstu kvennaferð

Þetta er nú bara ágætis hugmynd. Þetta er gert á fleiri stöðum. En vandamálið er að þetta hefur einnig verið tekið niður vegna misnotkunar ýmissa fyrirtækja. [url=http://www.sorli.is/felagatal.htm:vjclak6w][b:vjclak6w]Sörli[/b:vjclak6w][/url:vjclak6w] ef þið farið inn á linkinn og smellið á félagatal kemur eftirfarandi melding um að það sé búið að taka það niður vegna misnotkunar. Þannig að ég er bæði hlyntur og á móti. Hvernig sem það er nú hægt :þ

Góðan dag. Mér finnst það frábær hugmynd að hafa félagatal á vefnum. Ég hef einmitt lent í því að þurfa að ná í félaga sem hafa ekki verið með myndir á vefnum og þar af leiðandi ekki nokkur leið að finna þá hér. Upplýsingarnar úr skráningunni okkar hér á vefnum eru ekki aðrar en þær sem finna má í símaskránni og því finnst mér þær varla vera neitt til að fela, ég segi eins og einhver hér að ofan, ég skammast mín ekki fyrir að vera í 4×4, finnst það frekar flott. Hitt er að með misnotkun á svona upplýsingum þá má koma í veg fyrir þær að mestu leyti með því einu að gera eins og vefnefnd breytti í upplýsingum, að setja netföng fólks inn með (hjá) í stað at-merkis. Mesta vandamál varðandi upplýsingaöflun á vefjum er einmitt vegna leitarvéla sem leita uppi netföng í þeim tilgangi að pósta rusl á þau. Það er ekki hægt að gera nema þau séu skráð með at-merkinu. Ég myndi halda að þeir sem notuðu þetta aðallega, og sennilega nánast eingöngu, væru fólk sem fyrir er í klúbbnum og þarf að finna síma eða netfang einhvers félaga. Svo endilega, skellið félagatalinu inn á netið.

Skaafjarðardeild er með félagatalið sitt á netinu mjög aðgegnilegt. Ég sé ekkert að því að allt félgatalið sé á netinu.

Einhver sagði hér að ofan að aðeins hafi verið bent á gallana, þ.e. misnotkunina en allt hefur kosti og galla. Kostir við að hafa félagatal á netinu:
1. Útgáfa á félagatali á pappír eða í bók er kostnaðarsöm og úreldist fljótt. Ekki hægt að uppfæra nema gefa allt upplagið upp aftur meðan félagatal á netinu er hægt að breyta í hvert skipti sem nýr félagsmaður bætist við eða einhver hættir.
2. Gott aðgengi félagsmanna að félagatali með netföngum og símanúmerum auðveldar samskipti félagsmanna og ætti því að auka félagsandann og lífið í klúbbnum.
3. Þegar upp koma vandamál á fjöllum getur lausnin oft falist í að ná í einhvern, t.d. einhvern félagsmann sem vitað er að sé á ferðinni, býr í nágrenninu eða sem gæti átt varahlutinn sem vantar. Að vísu ekki ennþá orðið netsamband á fjöllum en yfirleitt hægt að hringja í einhvern heima til að fletta viðkomandi upp.
4. Auðveldar stjórn og nefndum sína vinnu.

Sjálfsagt hægt að láta sér detta eitthvað fleirra í hug. Á móti kemur þessi ókostur um hugsanlega misnotkun, þá væntanlega af hálfu ruslpóstsagenta sem leita uppi netföng til að bjóða Viagra, óska eftir aðstoð við peningaþvætti eða það nýjast að senda morðhótanir, en það er búið að benda hérna á leiðir til að draga úr þeirri hættu. Kannski líka hugsanlegt að svona væri misnotað af félagsmönnum sem eru að bjóða eitthvað dót til sölu, en ég sé það ekki sem stóra hættu.
Svo er bara spurningin hvort kostir eða gallar eru yfirsterkari.
Kveðja
Skúli H. Skúlason, sími 894 2920, netfang skulihs (hjá) internet.is, teg bíls Land Rover Defender 1997, (eitthvað fleira sem vert er að komi fram?)