Félagatal og félagsskírteini

Hvað með að gefa út alvöru félagsskírteini!!!!!!!!!!!!!!!!!!!!!!!!

Í mínu skjalavörslukerfi eru reikningar og kvittanir eitt og félagsskírteini annað og ekkert pláss fyrir svona pappíra í veskinu. Þess vegna hef ég ALDREI notið góðs af afsláttum sem félagsaðild býður upp á, reyndi það einu sinni og týndi þá kvittuninni.

En ég hef svosem blásið um þetta áður án þess að hljóta hljómgrunn.

Kv – Skúli

Án þess að ég viti hver kostnaður við félagsskírteini er þá finnst mér það veigalítil rök.

Ég er m.a. félagi í Kvartmíluklúbbnum (og sjálfsögðu þessum ágæta klúbb) en hann er töluvert minni en þessi hér (og hefur úr minni fjármunum að spila). Þar fá allir sent sitt skírteini. Skírteinin eru örugglega ekki dýr en duga vel.

Er ekki hægt að fá kostunaraðila í svona verkefni? BMW klúbburinn fékk B&L til að gefa út skírteini fyrir sig.

Það er með mig eins og fleiri, ég borgaði minn reikning í heimabanka, en þar sem ég fæ mína afslætti m.a. útá Kvartmíluklúbbinn þá hef ég ekkert gert í því að fá gíróseðilinn stimplaðann (hann er eflaust löngu kominn í ruslið).

JHG

Það má vera að ég sé eitthvað að misskilja þessa umræðu og bið ég því bara forláts á því svona fyrirfram. En ég fæ minn greiðsluseðil sendan í pósti og hef hvort heldur sem er greitt hann í gegnum heimabanka(prenta út staðf. á greiðslu) eða farið með hann í banka og greitt og fæ þá að sjálfsögðu greiðslustimpil. Greiðsluseðillinn er hins vegar ekki hið eiginlega félagsskírteini það fæ ég svo sent ca. 2-4 vikum eftir að ég hef greitt greiðsluseðilinn og þar stendur skírum stöfum "félagsskírteini oktober 2003 – oktober 2004. Þessu hef ég allsstaðar veifað þar sem ég hef verslað og aldrei fengið athugasemd. þess má þó geta að á félagsskírteininu stendur þó "Athugið: skírteinið er ógilt ef greiðslustimpil vantar". Ég vil líka minnast á eitt atriði sem ég hef bent á á þeim stöðum sem ég versla(sem eru nú reyndar ekki margir)að ég sé skráður inn sem 4×4 félagi svo að ég fái þennan afslátt hvort sem að ég versla á staðnum eða þarfa að panta í gegnum síma því þetta hefur svolítið brunnið við á vissum stöðum þar sem að maður gleymir að minnast á afsláttinn.

kveðja Indriði

Tek heils hugar undir með þeim sem vilja fá félagsskírteini sem passar í veski. Kreditkortastærð er þægilegust. Og ég sé heldur ekkert að því að leitað verði til utanaðkomandi aðila með kostun, í heild eða að hluta.
Allt í lagi að taka þátt í 21. öldinni að þessu leyti þó verið sé að brúka gamlan jeppa………

Kv. Guðjón

Afsakið að ég skuli fara út fyrir efnið en ég er alltaf að bíða eftir greiðsluseðli. Nú er sennilega orðið hálft ár síðan ég skráði mig sem félagsmann og ég fékk félagsnúmer nánast strax en aldrei fengið rukkun.
Maður sér að það er svolítið talað um það að klúbburinn hafi ekki efni á hinu og þessu og satt að segja finnst mér það nú ekki mjög undarlegt ef þetta er algengt í innheimtukerfinu.
Ég vona að þeir sem stjórna þessu lesi þetta því ég vill fara að borga. Manni finnst maður ekki vera fullgildur meðlimur fyrr.

Kv Hjalti