Félagar F4x4

Tek undir orð þín Bjarki. Það eru mjög margir að leggja á sig mikla vinnu fyrir klúbbinn og við erum þakklát fyrir það. Eðlilega hafa menn mismunandi skoðanir á því hvernig hlutirnir og/eða starfssemin eigi að vera og það er mjög gott þegar menn koma fram með skoðanir sínar, en það er ekki sama hvernig það er gert. Við höfum skilmála um notkun vefsins (https://old.f4x4.is/index.php?option=com_con … Itemid=282) sem notendur vefsins hafa samþykkt að fara eftir. Það er von mín að við öll förum eftir þessum reglum svo ekki þurfi að grípa til aðgerða.
Skrif á vef eða í tölvupósti þarf að vanda, það er auðvellt að misskilja það sem er skrifað og það sem einum finnst móðgandi þykir öðrum ekki. En ef við öll förum öll eftir þeirri reglu að nota ekki orðalag sem við viljum ekki að sé notað á/um okkur, þá á þetta ekki að vera vandamál.

Það er á margan hátt sem við getum styrkt og aðstoðað klúbbinn með, ein leið er að koma með hugmyndir og skiptast á skoðunum, önnur er að taka þátt í starfi klúbbsins. Það fer að styttast í aðalfundinn í maí, það má gera ráð fyrir að það verði endurnýjun á ýmsum stöðum sem þarf fólk í og eins eru nefndir þar sem okkur vantar fólk. Til að nefna dæmi um undirmannaðar nefndir þar sem okkur vantar fólk þá eru það vefnefnd og umhverfisnefnd. Starf í nefndum er mikilvægt fyrir klúbbinn og þeir sem hafa áhuga á að taka þátt í þeim störfum eru hvattir til að bjóða sig fram.

Kveðja,
Hafliði