This topic contains 11 replies, has 1 voice, and was last updated by 
-
Topic
-
Sælir félagar.
Hvaða útivistarverslanir eru menn að versla mest við ?
og hvar eru bestu legghlífarnar að ykkar mati ?Jón Emil
R-3128
-
Replies
-
Ég versla nú við allar,allt eftir þvi hvað ég er að kaupa.
Það er ekki neinn að nota legghlífar lengur hélt ég. En annars skiptir ekki máli hvaðan þær koma ég mundi þó hafa eftirfarandi í huga, ekki kaupa Goretex nema að þú ætlir að nota þær við göngu, það er óþarfi í jeppamennskuna. Fáðu þér legghlífar sem eru með vír undir sólann.
Jæja, fyrst menn eru hættir að nota legghlífar er þá ekki best að ég fleygi mínum í ruslið og sætti mig við það að vera blautur og kaldur á löppunum… nú eða haldi mig bara inni í bíl, það er sjaldnast blautt og kalt þar en ef svo er þá er næsta víst að eitthvað er ekki alveg eins og það á að vera.
Seldu þær frekar,það er allavega einn að leita
Ég er alltaf í sandölum. Þeir sem ég þarf að draga geta bundið í mig sjálfir.
Góðar stundir
Sæll,
Það er greinilega misjafnt hvort menn noti legghlífar eða ekki. Ég keypti legghlífar fyrir ekki svo mörgum árum síðan, kannski svona 3 í 66° Norður á fínan pening, síðast þegar ég vissi voru þær en á fínu verði. Þar sem ég notaði þær mjög mikið, mjög mjög mikið þá entust þær í ca. 3 ár sem mér fannst bara fínt, en þær voru ekki með vír og það var sumsé ólin sem gaf sig. En þær voru renndar við kálfann og mjög þægilegar. Miðað við notkun og verð þá fannst mér endingin ágæt.
Ég keypti mér svo aðrar ekki fyrir löngu og þær eru með vír en aftur á móti frönskum rennilás og smellum til þess að ná saman og er það framan á. Þær kostuðu líka sitt…
Helst er að kíkja í 66°Norður eða Fjallakofann, jafnvel Everst líka. En forðastu Útilíf, það er bara okurbúlla, því miður.
Þetta er allavega mín reynsla, góðar stundir.
Kv.
Otti S.
Enginn verður maður meiri
Sem mjakast í snjó og steinvölum
Þótt karlmannlega um hann keyri
Kokhraustur í sandölum
.
Kveðjur, Logi.
aldrei er góð vísa of oft kveðin
kv Heiðar
Ég er mjög sáttur með mountain hardwear legghlífarnar í Everest.
Hér eru tvennar hlífar Mér hefur dugað að vera með minni hlífarnar og vill ekki coritex miðað við notkun hafa þær dugað mér ég sé ekki ástæðu til að kaupa dýrar hlífar .
Hér eru myndir af misstórum hlífum stærri er coritex en hinar ekki[img:ci1sdm54]http://www.keela.co.uk/images/products/gaiters.jpg[/img:ci1sdm54]
Minni[img:ci1sdm54]http://www.backcountrygear.com/images/ORCelestialGaiters.jpg[/img:ci1sdm54]
Stærri
Kv,,, MHN
Hlífðarfatnaður
Gore-Tex er besta filman sem þú getur fengið á þennan fatnað. til eru nokkrar tegundir af Gore-Tex filmu og er Pro-Shell filman sterkust af þeim. Gott að hafa þetta í huga við kaup á fatnaði. Ég hef aðhyllst þá nálgun að vera í góðum jakka og þá slakað aðeins á gæðakröfum er varða buxur. Ég er með 600 gr. Gor-Tex skel sem jakka með Pro-Shell filmu og hann virkar mjög vel, bæði gegn vindi og vatni.
——–
Hvað varðar legghlífar þá hefur mér fundist best að hafa þær rendar að framan. Ef þú vilt halda þér þurrum á fótunum þá mundi ég splæsa í góðar Gore-Tex legghlífar t.d. frá Mountain Hardware.
—————–
Kveðja Lobbi
Hvað hentar fer náttúrulega eftir notkuninni. Fyrir venjulegar jeppaferðir sé ég ekki þörf á rándýrum legghlífum og keyri ég þó á Defender og snjódýptin inn í honum kannski meiri en á mörgum öðrum. Fyrir Hlyn á sandölunum dugar t.d. að klippa til gamla smokka, þá er hann kominn með fullgóðar legghlífar. En ef menn ætla að vera að ösla snjó gangandi tímunum eða jafnvel dögum saman er náttúrulega sjálfsagt að horfa til þess að kaupa það sem er sterkt en um leið með viðunandi öndun. Ef þú ert að fara að labba með brodda þá myndi ég samt ekki kaupa það dýrasta því sjálfur er ég allavega sá klaufi að eyðileggja legghlífarnar mínar í slíkum göngum.
Kv – Skúli
You must be logged in to reply to this topic.