This topic contains 48 replies, has 28 voices, and was last updated by 
-
Topic
-
Hjálagt er sett inn á Innanfélagsmál og ekki ætlast til að menn séu að flagga kaupverði né setja upplýsingar um málefnið annarstaðar en hér eða á póstum til stjórnar.
Eins og margir vita hefur stjórn Ferðaklúbbsins 4×4 verið á fullu að skoða kaup á húsnæði fyrri starfsemi klúbbsins. Nú er svo komið að við höfum samþykkt kauptilboð frá eiganda fasteignarinnar við Síðumúla 31 í Reykjavík
Tilboðið hljóðar upp á kr. 47 millj. sem greiddar verða með þremur greiðslum:Víð undirritun kaupsamnings greitt með peningum kr. 10.000.000,-
Við undirritun kaupsamnings greitt með láni kr. 27.000.000,-
Hinn 10. sept 2014 greitt með peningum kr. 10.000.000,-Stjórn hefur rætt málið og ákveðið að boða til auka Aðalfundar hinn 7. júlí, sem er mánudagur, kl. 20:00.
Við höfum farið yfir málið og er okkur það ljóst að þetta hentar illa fyrir þá sem þurfa jafnvel að taka flug til Reykjavíkur og þurfa að taka sér frí í vinnu. En ástæða tímasetningar er að um helgar í júlí þá er enginn í bænum og ljótt ef aðeins 5 – 10 félagsmenn tækju svo stóra ákvörðun.
Ég legg mikla áheyrslu á að þið kynnið ykkur málið vel. Einhuga samstaða um þetta mál skiptir okkur miklu máli til að efla klúbbinn og koma honum í dagsljósið, þ.e að hætta að fela skrifstofu og aðstöðu klúbbsins í bakhúsi í Iðnaðarhverfi. Klúbburinn ætti að verða sýnilegri og innrastarfið ætti að eflast og verða betra , sem þýðir að sjálfsögðu aukningu í félögum.
Að vísu þarf alltaf að skoða alla hluti og endilega notum þennan póstlista sem er með öllum nefndum til að koma með athugasemdir og spurningar. Alveg sama hver spurningin er þá endilega látið hana flakka. Einnig er vert að athuga að kostnaður við eignina verður meiri í framtíðinni en til að byrja með er aðalmálið að klára það sem þarf til að flytja starfsemi klúbbsins frá Eirhöfðanum í Síðumúlann. Draumur væri að flytja fyrir áramót.
Ps. Við bjuggum til nefnd sem heitir fasteignanefnd og er hún skipuð eftirfarandi:
Friðrik Halldórsson gjaldkeri (bankastarfsmaður).
Albert Sveinsson endurskoðandi (fjármálastjóri og Endurskoðandi félagsins frá upphafi)
Rúnar Sigurjónsson Varamaður í stjórn (Smiður, fyrrverand Skálanefd)
Logi Már Einarsson Varamaður í stjórn (Smiður, fyrrverandi Skálanefd)
Árni Bergsson Meðstjórnandi (félagsmaður frá upphafi)
Þórður Helgason fyrrv. skálanefnd (Húsasmíðameistari)
Gunnar Ingi Arnarson meðstjórnandi (Fjármálastjóri)
Ágúst Birgisson fyrrv. stjórnarmaður (Verkfræðingur)
Einnig hefur Benidikt Magnússon verið Ágústi innan handa við teikningar og fl.
-
Replies
-
Sæl.
Við skulum vona að við kaup á þessu húsnæði verði hægt með tímanum að koma starfsemi klúbbsins á einn stað. Það mun ekki gerast strax því það yrði allt of dýrt fyrir okkur. Aðalatriðið er að koma skrifstofunni í gott horf og útbúa félagsaðstöðu í bakhúsinu fyrir fimmtudagskvöldin, önnur nýting kemur hægt og rólega. Á jarðhæðinni verður geymsluhúsnæði eins og Jón bendir á hér að ofan. En best væri fyrir þá sem hafa áhuga að koma á fimtudaginn kl 20:00 niður í síðumúlann og hitta okkur þar og spyrja okkur spjörunum úr, þvíþað styttist í aukaaðalfundinn. Endilega haldið áfram að koma með komment á þetta mál. Þetta er stórt mál og skiptir alla félagsmenn klúbbsins máli, sama hvar þeir búa.Kveðja
Sveinbjörn
Sælir.
Ein spurning. Er byggingaréttur fyrir neðan eða í áframhaldandi af bakhúsinu? Sýndist ég sjá teiknaðar línur í framhaldi þar.
Kv. SBS.
Sæl.
Þetta hefur ekkert verið skoðað og er ekki á dagskrá. Ef það er hægt að byggja við þá er það að sjálfsögðu bónus. Það sem þarf að hugsa í þessu máli líka er að með þessum kaupum þá erum við líka að fjárfesta í steypu sem hefur alltaf þótt gott. Eina sem þarf að passa er að klúbburinn hafi nægilegt fé til að klára verkefnið og eiga peninga til að standa undir rekstri félagsins og ferðafrelsismálum.
Bruðl sem kannski borgar sig á nokkrum árum? Samt þörf á þessu og vera meira sýnilegir og geta komið okkar betur á framfæri í baráttu um ferðamensku á hálendinu.
MHN
Sælir,
Já þetta er skref framávið að mínu mati fyrir klúbbinn. Hann hefur falið sig of lengi í einhverju skúmaskoti á bakvið haug af bílasölum. Þessi nýja staðsetning hentar okkur mjög vel, með tilliti til bílastæða og stærð húsnæðis. Það ætti ekki að vera erfitt að manna einhvern mannskap þarna niðureftir í vinnu til að koma þessu í starfhæft ástand sem síðan má bæta á næstu árum.
Við erum að borga helling í leigu á Eirhöfðanum sem er ekki mjög hentugt húsnæði að mínu mati fyrir klúbbinn.
k kv
Gunnar Ingi
Hvernig er það hvað er verið að borga í leigu?
Er það eitthvað svipað og það yrði að borga af láni,fasteignagjöldum,tryggingum,hita og rafmagni?
Kannski spurning um að geta sparað á stöðum eins og með mánudagsfundina?Sammála því að þetta sé skref fram á við ef klúbburinn hefur bolmagn í svona. Tala nú ekki um ef næg eru bílastæði og svo framvegis.
Kv Bjarki
Eins og fram kemur í fréttum og tilkynningum verður opið hús í Síðumúla 31 á fimmtudaginn kl 20 til 20:30. Það er um að gera að koma og kynna sér húsnæðið og hvaða möguleika það hefur. Mín skoðun er sú að staðsetning sem má segja að sé miðsvæðis í Reykjavík, góð aðkoma, næg bílastæði, skrifstofu sem er á jarðhæð sem snýr að Síðumúlanum sem gerir klúbbinn sýnilegri og ásættanlegt verð séu meðal annars þeir kostir sem við fáum með þessum kaupum. Að sjálfsögðu er töluverður kostnaður og vinna sem við félagsmenn þurfum að leggja á okkur til að standsetja húsnæðið en við höfum gert annað eins t.d öll sú vinna sem við höfum lagt á okkur upp í Setri.
Kv. Rúnar fasteignanefnd.
Framsýnt, rétt og öflugt skref í sögu klúbbsins, ef af verður. Vonandi að takist að afgreiða þetta sem fyrst.
kv,
Bergur Pálsson
Styð eindregið að klúbburinn eignist húsnæði á góðum stað þar sem hann er sýnilegur. Aðalatriðið er að afborganir verði ekki of strembnar. Ég kemst ekki á aukaaðalfundinn en treysti stjórn og fasteignanefnd fullkomlega til að ganga frá þessu máli, verði það samþykkt á fundinum.
Held að þetta sé gott mál ef við höfum burði til að fjármagna þetta. Allir vita að standsetja svona hús tekur mikin tíma og kostar mikla peninga. Sveinbjörn talar um að samningurinn við Skeljung verði að vera í höfn næstu árin, ekki spurning að landa honum. Ef félagsmenn eru tilbúnir að fórna tíma sínum í þetta er það hið besta mál og gerir ekkert annað en að efla félagsandann.
Flott skref í þróunn klúbbsins og var kominn tími til að losna af Eirhöfðanum, sem hefur ekki hentað okkur að öllu leiti. Ég mæti á aðalfundinn.
Munið opna húsið í kvöld. Um að gera að koma í heimsókn milli kl. 20:00 – 20:30 og skoða hvað þarf að framkvæma og leggja fram tillögur að úrbótum. Allir iðnaðarmenn eru hvattir til að koma og segja okkur til.
Kveðja
Sveinbjörn
Það er alltaf spurning hvað langt á að ganga. Í upphafi var félagið stofnað til þess eins að veita viðspyrnu við Bifreiðaeftirlitið og að halda fram okkar sýn á jeppabreytingar. Einnig þurfti að halda á spilunum gegn Umhverfisrugludöllum. Engar skipulagðar ferðir, ekert annað var planað. Nú eigum við Setrið og stjórnum nokkrum skálum. Kannske er kominn tími á eigið húsnæði eftir öll þessi ár.
Takk fyrir góða mætingu í kvöld. Það var mjög gaman að fara yfir málin og fá góðar hugmyndir frá þeim sem komu. Á svæðið mættu: Málari, smiðir og pípari og ekki vafðist þetta mikið fyrir þeim, eins og þeir sögðu það. Rafvirkjameistari kemur á morgun til að taka út raflagnirnar og segja hvað honum fyndist. Vonandi verður nokkuð nákvæm kostnaðaráætlun tilbúin um helgina og kynnt hér á netinu þannig að hægt verður að skoða hana. Sú dýrasta hljóðaði upp á 40 millj. en þá var maturinn kominn á borðið þegar við flyttum inn. Það kemur að sjálfsögðu ekki til greina að fara í þvílíkar framkvæmdir enda höfum við lítið við það að gera að kaupa alla vinnu. Eins og fram kom í kvöld var mikill hugur í mönnum að framkvæma og er eðlilegt að setja sér markmið að félagið færi í húsnæðið ef við kaupum það um áramótin. Þá getum við unnið þetta í rólegheitum og gert allt sjálf.
Kv.
Sveinbjörn
Hvernig fór auka aðalfundurinn, var þetta samþykkt?
Sæl, og takk fyrir góðan fund.
Á þessum aukaaðalfundi var samþykkt að gefa fasteignanefndinni og stjórn heimild til að kaupa eignina að Síðumúla 31. Einnig var heimilað allt að 12 millj. til endurbóta á húsnæðinu til að koma allri starfsemi klúbbsins undir sama þakið. Stjórn og fasteignanefndin hafa ekki tekið endanlega afstöðu hvort af kauponum verði fyrr en við verðum búin að ganga frá kostnaðaráætlun (aðgerðaráætlun) og lánamálum. Við höfum enn 10 virka daga til að ganga frá lausum endum og þá verður endanleg ákvörðun tekinn.
Endilega eða það eru einhverjar spurningar eða ef félagsmenn hafa eitthvað til málana að leggja endilega látið heyra í ykkur.
Kveðja
Sveinbjörn
Það mættu um 60 manns á fundinn í gærkvöld og heimildin til stjórnar var samþykkt með öllum greiddum atkvæðum.
Snilld
Þetta er gott mál og verður f4x4 örugglega til heilla.
Hvað er að frétta af þessu?
You must be logged in to reply to this topic.