This topic contains 48 replies, has 28 voices, and was last updated by 
-
Topic
-
Hjálagt er sett inn á Innanfélagsmál og ekki ætlast til að menn séu að flagga kaupverði né setja upplýsingar um málefnið annarstaðar en hér eða á póstum til stjórnar.
Eins og margir vita hefur stjórn Ferðaklúbbsins 4×4 verið á fullu að skoða kaup á húsnæði fyrri starfsemi klúbbsins. Nú er svo komið að við höfum samþykkt kauptilboð frá eiganda fasteignarinnar við Síðumúla 31 í Reykjavík
Tilboðið hljóðar upp á kr. 47 millj. sem greiddar verða með þremur greiðslum:Víð undirritun kaupsamnings greitt með peningum kr. 10.000.000,-
Við undirritun kaupsamnings greitt með láni kr. 27.000.000,-
Hinn 10. sept 2014 greitt með peningum kr. 10.000.000,-Stjórn hefur rætt málið og ákveðið að boða til auka Aðalfundar hinn 7. júlí, sem er mánudagur, kl. 20:00.
Við höfum farið yfir málið og er okkur það ljóst að þetta hentar illa fyrir þá sem þurfa jafnvel að taka flug til Reykjavíkur og þurfa að taka sér frí í vinnu. En ástæða tímasetningar er að um helgar í júlí þá er enginn í bænum og ljótt ef aðeins 5 – 10 félagsmenn tækju svo stóra ákvörðun.
Ég legg mikla áheyrslu á að þið kynnið ykkur málið vel. Einhuga samstaða um þetta mál skiptir okkur miklu máli til að efla klúbbinn og koma honum í dagsljósið, þ.e að hætta að fela skrifstofu og aðstöðu klúbbsins í bakhúsi í Iðnaðarhverfi. Klúbburinn ætti að verða sýnilegri og innrastarfið ætti að eflast og verða betra , sem þýðir að sjálfsögðu aukningu í félögum.
Að vísu þarf alltaf að skoða alla hluti og endilega notum þennan póstlista sem er með öllum nefndum til að koma með athugasemdir og spurningar. Alveg sama hver spurningin er þá endilega látið hana flakka. Einnig er vert að athuga að kostnaður við eignina verður meiri í framtíðinni en til að byrja með er aðalmálið að klára það sem þarf til að flytja starfsemi klúbbsins frá Eirhöfðanum í Síðumúlann. Draumur væri að flytja fyrir áramót.
Ps. Við bjuggum til nefnd sem heitir fasteignanefnd og er hún skipuð eftirfarandi:
Friðrik Halldórsson gjaldkeri (bankastarfsmaður).
Albert Sveinsson endurskoðandi (fjármálastjóri og Endurskoðandi félagsins frá upphafi)
Rúnar Sigurjónsson Varamaður í stjórn (Smiður, fyrrverand Skálanefd)
Logi Már Einarsson Varamaður í stjórn (Smiður, fyrrverandi Skálanefd)
Árni Bergsson Meðstjórnandi (félagsmaður frá upphafi)
Þórður Helgason fyrrv. skálanefnd (Húsasmíðameistari)
Gunnar Ingi Arnarson meðstjórnandi (Fjármálastjóri)
Ágúst Birgisson fyrrv. stjórnarmaður (Verkfræðingur)
Einnig hefur Benidikt Magnússon verið Ágústi innan handa við teikningar og fl.
-
Replies
-
Til hamingju með þennan áfanga, þetta er mikill áfangi fyrir félagsmenn, og verður spennandi að sjá hver niðurstaðan verður svo á aukaaðalfundinum.
Ég hef skoðað húsið utanfrá, en eru til myndir og teikningar af húsnæðinu sem hægt væri að skoða?
Húsnæðinu verður breytt mikið að innan, margir milliveggir rifnir og aðrir smíðaðir.
Já loksins segja sumir, tóm vitleysa segja aðrir.
Þetta er næsta skref í uppbyggingu félagsins.
Þetta verður mikil vinna en hefur mikið gildi fyrir framtíðina.
En fyrst skulum við halda aðalfundinn.
Skiptast á skoðunum endilega enda hið besta mál.
Þetta er gott framtak ég er búinn að skoða húsnæðið, slatti vinna við að koma þessu saman en ég hef fulla trú á að við getur gert þetta að gælsilegri aðstöðu sem við getum verið stoltir af. Ef við höfum efnin á þessu er þetta gott skref fyrir klúbbinn
Sælir Félagar.
Sveinbjörn, hér vantar alveg hvar á að mæta á þennan aukaaðalfund, ertu með staðsetningu?
Ég er búinn að skoða þetta hús ásamt fleiri stjórnarmeðlimum móðurfélagsins og landsbyggðardeilda og er alveg til í að skoða þetta frekar. Ég hvet alla til að mæta og taka þátt í þessu stóra skrefi.
Kv Matthías Sigbjörnsson
Formaður Suðurnesjadeildar.
Tek undir með Matthíasi, þetta er stórt skref fyrir klúbbinn og eins og Árni Bergs segir skiptar skoðanir. Það er mikilvægt að menn mæti á aukaaðalfundinn og komi sinni skoðun á framfæri, ekki gefa sér hvaða afgreiðslu málið fær á fundinum.
Ég ætla allavega að mæta svo framalega að ekkert komi upp á og vona að ég sjái sem flesta þar.Kv. Hafliði
Til hamingju með þetta framtak. Auðvitað alltaf spurning hvort á að kaupa eða leigja. Væntanlega er búið að fara yfir báða þessa kosti og meta hvor er hagstæðari. Ef þetta verður niðurstaðan þá efast ég ekki um að það mætir vaskur hópur manna til að gera það sem gera þarf og koma húsnæðinu í það horf sem við viljum hafa það. Ferðakveðjur, Jói R78
Það væri Gaman að fá einhverjar nánari lýsingar á húsnæðinu. Hvað er það stórt í fm, á hvaða hæð er rýmið jafnvel fá grunnteikningu. Á að nota það undir mánudagsfundi eða bara sem félagsmiðstöð og skrifstofur. Eru nógu mörg bílastæði o.s.frv.
Það væri gaman fyrir okkur almenna félagsmenn að vita þetta. Verður þetta kynnt eitthvað nánar fyrir fundinn eða bara á honum. Það er betra að fá nóg af upplýsingum til að geta myndað sér skoðun.kv Hilmar
Fundarboð er nú þegar komið í póst.
Mánudaginn 7. júlí kl 20 00 á Eirhöfðanum.
Vitum að þetta er vondur tími fyrir flesta en þurfum að klára þetta mál.
Hvetjum félagsmenn til að mæta og taka þátt í þessari ákvörðun.
http://fasteignir.visir.is/property/107192
Hérna er slatti af myndum.
Þessi staðsetning mun gjörbreyta ytri ásýnd félagsins, loksins fáum við almennilega „framhlið“ þar sem við getum verið með merki félagsins á flennistórum glugga sem snýr út að fjölfarinni götu.
Og eins og sést á myndunum þá eru næg bílastæði á baklóðinni, og á kvöldin eru mörg bílastæði í kring galtóm.
Verði kaupin samþykkt á auka-aðalfundi klúbbsins verður það lyftistöng og framfaraskref fyrir félagsmenn hans. Staðsetning við fjölfarna götu og velhugsuð ásýnd húsins lyftir allri starfsemi okkar upp úr eilitlum doða sem legið hefur yfir félagsmönnum.
Til hamingju allir, verði þessi óskastaða að veruleika.
Kv. SBS.
Er komið kostnaðarmat á endurbætur á bakhúsi?
Ég ætla að leyfa mér að birta fyrsta grófa kostnaðarmatið sem gert var vegna endurbóta innanhúss, og sent á nefndir (vona að formanni sé sama).
Ég tek fram það þetta eru fyrstu drög!Viðgerð Rafmagn 2.500
Viðgerð pípulögn 1.000
Viðgerðir máling 1.000
Milliveggir rífa 500
Milliveggir smíða 1.000En það er víst rétt, að viðgerð utanhúss er ekki inni í þessu.
Eitthvað var í upphafi talað um að skipta þyrfti um glugga, en í vettvangsferð þann 19. júní sást að þeir voru flestir í mun betra lagi en haldið var.
Er ekki reiknað með að verslunarhúsnæðið (framhliðin) verði sett í leigu ?
Gott mál að félagið komi sér fyrir í varanlegri aðstöðu til framtíðar.
Góðar stundir
Flott framtak. Líst vel á þetta. Finnst þó kostnaðaráætlun viđ endurbætur vera ónákvæm. Vantar magntölur á verkliði. Mæli með þetta verði skoðað betur. Svona framkvæmd hefur mjög oft tilhneigingu til að fara verulega fram úr áætlun ef ekki er vandað til hennar strax í upphafi. Það gæti heyrst í einhverjum síðar ef tölur fara margfaldast þegar í framkvæmd er komið.
Ég hefði nú haldið að félagsmenn hristu þetta verk auðveldlega fram úr annarri erminni. Flestir harðduglegir fagmenn. Það er ekki eins og menn ætli upp í Setur á miðju landsins. Hér getum við komið hjólandi, gangandi, í strætó eða á frúarbílnum sparneytnum. Þetta verk er því varla mikið meira en efniskostnaður. Það er auðvelt að reikna þessháttar dæmi.
Kv. SBS.
Er hlynntur því að klúbburinn eignist húsnæði fyrir starfsemina og mæti á fundinn til að taka afstöðu með eða á móti kaupum á Síðumúla 31. Hér slóð á teikningasafn byggingafulltrúans í reykjavík. Í leitarreitinn þarf að slá inn Síðumúli 31:
http://teikningar.reykjavik.is/fotoweb/Grid.fwx
Mér lýst vel á þetta en væri til í að heyra meira um hvernig menn sjá fyrir sér að nýta húsið? Rúmar þetta mánudagsfundi eða bara opin hús? Er rýmið á neðri hæðinni með innkeyrsludyrunum hugsað sem viðgerðar/bón aðstaða fyrir félagsmenn eða bara geymsla? Er búið að teikna rampinn sem á nota til að keyra inn um innkeyrsludyrnar á efri hæðinni? 😉
Sæl.
Við munum vera með opið hús í síðumúla 31 fyrir félagsmenn á fimmtudagskvöldið frá kl. 20:00 – 20:30,þar sem menn geta fengið að skoða að innan og spá í málin. Eftir það verður farið upp á Eyhöfða á opið hús þar sem menn geta rætt málin.
Það er áætlað að leigja hálfan „frontinn“ og hluta bakhússins. Hugmyndir eru uppi um að fjarlægja stóru dyrnar á efri hæð bakhússins og setja þar svalahurð og glugga. Stóru dyrnar yrðu svo notaðar á neðri hæð hússins við hlið hinnar (tvær innkeyrsludyr hlið við hlið).
Annað af þeim bilum yrði leigt út (helst til sama aðila og yrði uppi), og hitt bilið yrði notað sem geymsla fyrir klúbbinn.Mér skilst að þegar klúburinn var í Mörkinni hafi mánudagsfundir verið haldnir þar með endalausu veseni.
Erfitt var að fá menn til að mæta fyrr til að stilla upp borðum og búnaði, og enn erfiðara að fá menn til að vera eftir og ganga frá.
Sjálfum finnst mér fundirnir á Loftleiðum gríðarlega þægilegir og ég efa að félagsmenn hafi eitthvað meiri nennu í að undirbúa stóra fundi nú frekar en áður.
You must be logged in to reply to this topic.