This topic contains 11 replies, has 1 voice, and was last updated by 
-
Topic
-
Fagurt er á fjöllum Halla,
fönnin hylur veröld alla.
Svo voru Fjalla-Eyvindi lögð orð í munn.
Nú er ferðafæri fínt, Skálpanesvegur auður að skálanum og glerhart færi en lítilsháttar lausamjöll. Og meiri snjór auðvitað inni á jöklinum. Reyndar var einn ferðalangur á leiðinni upp á Grímsfjall í fyrradag held ég, en snéri frá eftir sundlaugarferð í rúmlega 1100m. hæð.
Semsé, fagurt færi en forblautt undir niðri.
Gleðilega hátíð, góðir samferðamenn!
Ingi
-
Replies
-
Þetta var auðvita LandRover sem snéri frá. Stefnan er að komast að því hvað er fallegt á fjöllum milli jóla og nýárs.
Góðar stundir
nýárs, en nú skilst mér á mönnum að stefnan sé sett á byrjun janúar 2008.
.
Heyrist að a.m.k. Jói, Anton og einhverjir fleiri ætli þá.
Verður ekki bara allsherjar túristalaust flandur á hálendið þá?
Baddi,
ég treysti þér til að halda utan um þetta.
Hljómar ekki illa. Höldum til fjalla!
Læt fylgja restina af hendingunni sem kom í byrjun þráðar:
Fagurt er á fjöllum, Halla!
Fönnin hylur veröld alla,
þótt sólarglætu gefi varla
þá gleði fyllir sali skalla.
G.Ó.
Ingi
Var á Langjökli v/Skálpa í dag, í góðu færi og snjókomu.
Um tvöleitið kom þessi líka fína hundslappadrífa, fullkominn jólasnjór.Gleðileg Jól.
Börkur, sem er alltaf með túrista.
Það er alltaf sama vælið í þessum touristabílstjórum. Fyrst á að fara á fjöll um haustið, svo milli jóla og nýárs, svo eftir áramót og svo árið 2013. Haldið bara áfram að refsa malbikinu og teljið ykkur trú um að ferð í Skálpanes sé að fara á fjöll.
Jólakveðja.
Hangikétssuðumaðurinn
Er ekki málið bara að fara þá og að þú Ingi planir fyrir okkur óvissuferð úr gríðarlegum viskubrunninum?
A-abb babb. Allt skemmtanahald bannað fram til 6.00 á annan í jólum. Hann sagði það biskupinn og ekki hefur hann rangt fyrir sér. Svo takið bara svisslykilinn úr aftur og bjórkippuna og hundskist inn aftur. Nema þið séuð að fara í Trúðaferða enda er það ekki talin skemmtun.
bara fastur í 2007?
Við strákarnir erum komnir fram yfir áramót nú þegar 😉
Já Baddi,
líst vel á þessa daga. Þegar allir hinir lúsiðnu andskotarnir hanga í sinni hundleiðinlegu vinnu þá getum við farið út að leika, -á fullum launum vel að merkja.
Hönnum góða hálendisferð saman, og skiljum Hlyn hangikjétssauð heima.Andskotinn í Helvítinu hóar
hinum megin við Esjuna snjóar
Mýramenn í koppa sína kúka
og klóra sína lúsugu búka.Jólakveðjur,
Ingi
Hmm, hver ætlar að borga?
Sagði ég á launum, meinti á lyfjum auðvitað. Og ég borga búsið.
Ingi
You must be logged in to reply to this topic.