This topic contains 5 replies, has 1 voice, and was last updated by 
-
Topic
-
Góðan daginn gott jeppafólk!
Veðurspáin er eitthvað að tala um éljagang næstu sólarhringa
og þýska langtímaspáin á wetterzentrale.de virðist vera á því að veður fari kólnandi og í norðlægar áttir á næstunni, nema eitthvert smá frávik á að verða um næstu helgi. Nú, en aðalerindið var segja frá því að nokkrir kunningjar mínir fóru og teipuðu frá Hveravöllum og austur í Laugarfell og til baka, og það var alveg nógur snjór fyrir motturnar á þessari leið. Fóru aldrei upp á jökul. Eina sem var að fyrir bíla var að Blanda rann ofan á snjó og ís og þurftu þeir að aquaplana yfir á mottunum, sem var náttúrulega ekkert mál. Þarna var m.a. einn vanur jeppamaður með, sem ég er búinn að ferðast mikið með og hann veit hvað hann er að tala um. Sem sagt, færið á uppleið með vaxandi frosti og allt í góðum málum framundan.
-
Replies
-
Sælir félagar.
Sjáið pistla jong í þræðinum um þorrablót austurlandsdeildar. Greinilega fínt færi hjá þeim og eins norður með Vatnajökli.
Bendi líka á pistil Einars Kjartans á þeim þræði, þar sem hann sagði nógan snjó á leiðinni frá Keldum og austur fyrir Heklu. Nú er þetta allt að koma, enda er aðal ferðatíminn að ganga í garð. Hafið þið líka tekið eftir því að nú er farið að birta á morgnana og orðið bjart fram yfir kvöldmat
Ferðakveðja,
BÞV
Sælir allir…
Við vorum nokkrir félagarnir á Hveravöllum um helgina og deildum skála m.a. með mottuvinunum úr Skagafirði. Komum norðanmegin til Hveravalla og rennifæri alla leið til Dúfunefsfells, þar tóku svo við nokkrir krapapyttir með smá spiliríi og kippum en ekkert sem tekur að lýsa eftir undanfarnar lýsingar frá meintum "Íslandsmetum" í krapaakstri.
Fleygðum skiptingu í Toy-lett á laugardeginum og brenndum svo suður Langaskafl, upp hjá Djöflasandi í gær í hreint yfirgengilega góðu veðri og púðursnjó upp í kúlu.
Áfram með smjörið peyjar og píur allir á fjöll því færðin er greinilega ekki fyrirstaða þessa dagana!!!
Einn alveg sæmilega sáttur við góða helgi á fjöllum 😉
Kv. lilli
(myndir væntanlegar)
Var búinn að frétta af ykkur í gegn um mottarana – þeim þótti þið vera snöggir að setja skiptinguna undir Toyletið.
(PS.: Stendur þetta fyrir Toyota með Chevrolet motor svona eins og þeir hafa það í ammríku?)
Það stemmir…
Toy-let = Toyota spillt með Chevrolet veiki, Runner með 350ci, myndir í hádeginu…
Já, þetta tók ekki langan tíma. Byrjuðum að setja hana í um eittleytið og áttan var farin að spóla um allt rétt um kl. fimm.
Kærar þakkir fyrir að setja þessar frábæru myndir inn í albúmið. Ekki laust við að maður kannist við tvo norðanmenn þarna Björn+Björn. Þetta eru forfallnir teiparar og mottueigendur, en sérdeilis góðir félagar í alla staði.
Sé á síðustu myndinni að þeir hafa engu logið um veðrið á sunnudaginn!
En….. það var ekki laust við að gamli maðurinn (undirritaður) kannaðist við krapapyttina þarna í grennd við flugvöllinn við Dúfunefnsskeið. Það bar við að maður hafi nokkrum sinnum þurft að synda í þeim á gamla KT 376 á sínum tíma og stundum einbíla með spilið og snjóakkerið eitt sér til hjálpar. En þá var heldur engin brú á Seyðisá og ekki hraðbraut þangað inneftir eins og núna.
Kveðja
You must be logged in to reply to this topic.