Færð Skagaf. Laugafell -Eyjaf.

Vorum að þvælast þarna síðustu daga með aðsetur í Laugarfelli. Skruppum við inn að Ingólfsskála og þurftum því að fara Hnjúkakvísl á vaði á Skagafjarðarleiðinni, en það er af henni að segja að óvenju mikið vatn hefur verið í henni undan farið að sögn skálavarðar í Laugarfelli. Vatnadýpið var upp fyrir stigbretti á 38" Runner en hjól fóru þó aldrey á kaf. Er hún því að verða varasöm minnstu jeppum. Fjórðungskvíslinn við Nýjadal var vatns lítil og fær öllum, en þó eru leiðindar bakka við hana og áttu rútur í erfiðleikum með hversu krappt vaðið var.
Við kíktum einnig á Vestari Jökulsá á Eyfirðingaveg við Ingólfsskála og var hún einungis fær Bátafólkinu.
Jón Snæland.

Sælir

Mig langaði aðeins að leggja orð í belg varðandi vaðið við Ingólfsskála. Það virðist vera ansi erfitt á stundum, í fyrra í byrjun ágúst vorum við þarna á ferð nokkur úr vesurlandsdeild, og vaðið var algjörlega ófært eins og sjá má á þessari mynd.

[img:38zdmnp0]http://www.aknet.is/eiki/m1.jpg[/img:38zdmnp0]

Við vorum að koma frá Skiptabakka og það reyndist lítið mál að fara yfir tvær vestari kvíslarnar

Við fórum hins vegar upp með austustu kvíslinni, langleiðinna upp undir jökul og þar var fínt vað, reyndar í tveimur kvíslum.

[img:38zdmnp0]http://www.aknet.is/eiki/m2.jpg[/img:38zdmnp0]

Þegar við komum austur yfir duttum við nánast beint inn á nýlegan slóða sem liggur þarna með ánni og mínar heimildir segja að þetta sé á vegum Landsvirkjunnar. Við fylgdum honum svo að Ingólfsskála.

Trakkið lítur svona út.

[img:38zdmnp0]http://www.aknet.is/eiki/m3.jpg[/img:38zdmnp0]

Þessar ár sem verið er að vitna í verða ekki á þinni leið. Ég veit ekki alveg af hverju menn eru að setja þessar slóðir inn sem þeir eru að vitna í en mjög mikið er til í því sem þeir segja. Það á bara ekki við í þessu tilfelli að öðru leiti en að vera bara smá fróðleiks innskot um aðra leið sem einnig er til en er ekki beint fyrir minni jeppa og reyndar mjög varasamar stundum.

Notaðu þetta sem viðmiðun, þetta leiðir þig áfram rétta leið frá Skagafirði niður í Eyjafjörð.

65.18.094N
19.04.301W (Vesturdalur)

65.01.840N
18.19.119W (Norðan við Laugafell)

65.03.385N (Nýjabæjarafrétt niður í Eyjafjarðardal)
18.15.251W

Mundu að þetta eru einungis punktar til viðmiðunnar og eru skekkjumörk einhver.

Kv.
Benni

Síðustu 15 árin hefur [url=http://www.os.is/vatnam/vatnam04.html:3c4c16li]Orkustofnun[/url:3c4c16li] farið 2-4 leiðangra ár hvert til mælinga á Höfsjökli. Yfirleitt er gert út frá Ingólfsskála, vegurinn frá skálanum að jökli hefur verið notaður í sumar og haust leiðöngrum. Leiðin upp Sátujökul fyrir sunnan Ingólfskála er mjög góð, hóflegur bratti og engar sprungur fyrir utan fá afmarkaða sprungukolla sem auðvelt er að varast.

Hvað var þetta stór hjólreiðamaður?

Annars er búið að vera svo hlýtt undanfarið að það má búast við að jökulár séu frekar í stærri kantinum.

Kv – Skúli

Var að heira í Stefáni og Co og eru þaug nú á leið niður Skagafjörð og lentu ekki í neinum vandræðum með óbr.jeppan sem með þeim var, þarna er ekkert mál að fara um eins og einhverstaðar hefur komið fram áður…

Kv.
Benni

Sæll félagi Ofsi.

já ég tek undir það, það verður spennandi að fylgjast með því ég er ekki viss um að Vestari Jökulsá sé mjög spennandi núna án þess að vita það fyrir víst.

Þú lofar okkur að fylgjast með ef þú færð fréttir.

Kv.
Benni

Var að koma úr ferð sem farin var upp úr Skagafirði, að Ingólfsskála, þaðan til Laugarfells og niður í Eyjafjörð. Jökulárnar á þessum slóðum voru mjög vatnsmiklar og varasamar. Vaðið yfir Hnjúkskvísl liggur á móti straumnum þegar ekið er vestur-austur. Ég myndi ekki treysta neinum jepplingi þarna nema í taumi alvöru jeppa.