Færð á kili ?

Ég brenndi norður Kjöl á Þorláksmessukvöld eftir að hafa spjallað við Loft og Vilborgu í Myrkolti(Loftur sér um skálana við sunnanverðan Kjalveg).
Hleypti úr 35"-unum niður í ca 14 pund til að mýkja aðeins og setti í framdrifið til að hafa smá jólaljós í mælaborðinu. Semsagt, það var nánast alveg snjólaust fyrir utan nokkra gaddfreðna skafla sem ekki markaði í.
Færið minnti svolítið á mína fyrstu fjallaferð með pabba gamla á Landróvernum(óbreyttur stuttur, X236), þetta gæti hafa verið 1986, á eftir að afla heimilda til að staðfesta hvenær ég smitaðist varanlega….það var reyndar í Janúar og töluvert meiri snjór undir en svona rosalega massíft harðfenni, fórum í Fremstaver og hituðum okkur kaffi. Festum bílinn á línuveginum á heimleið en náðum að moka hann upp og komast heim fyrir myrkur.

Aftur til Desember 2009:
18 stiga frost, stjörnubjart, hægur vindur = frábært ferðafæri.
Síðan þá hefur trúlega snjóað slatta, púður eins og stendur hér að ofan.
Kannski helst að minnast á að þetta er varasamt færi fyrir dekk; fyrsti snjór á grýtt undirlag er bara uppskrift fyrir rifnar hliðar.

Óvenjulegt að fara um þetta svæði á þessum árstíma svona gersamlega snjólaust. Þetta var samt alveg eðal dæmi, skilst að það hafi verið fljúgandi hálka á no.1, þannig að það var klárlega fljótlegra að fara Kjöl yfir til Siglufjarðar heldur en að taka krókinn fyrst við vorum komin upp í Gýgjarhólskot.

TungnaJólaKveðja

Grímsi