This topic contains 16 replies, has 1 voice, and was last updated by 
-
Topic
-
Ég ákvað að vekja umræðu á muninum á milli vefsvæðanna hjá Ferðaklúbbnum 4X4 og Jeppaspjallsins.
Nú er það þannig að umræðurnar eru mikið til þær sömu og oft sömu hlutirnir auglýstir á báðum síðunum.
Það eru margir einstaklingar (þar á meðal ég) sem eru skráðir á báðar, enda viljum við margir hafa sem besta yfirsýn yfir „bransan“.Þvi miður var ein af ástæðum þess að menn skráðu sig á Jeppaspjallið sú að heimasíða f4x4 var óaðgengileg, erfitt að stofna nýja þræði og innsetning mynda var ekki auðveld.
Þetta hefur flest (ef ekki allt) lagast á undanförnum mánuðum.Önnur ástæða virtist mér vera sú að yngri jeppamenn fengu upp í kok af umræðum um ferðafrelsi sem voru ríkjandi á síðu f4x4.
Ég er alls ekki að meina að sú umræða hafi verið of mikil, síður en svo, en heimasíða klúbbsins hefur í augum yngri manna líklega litið út eins og umræður á alþingi í miðju málþófi.
Þeir hafa því frekar viljað ræða um sína jeppa og það sem var að gerast í skúrnum á Jeppaspjallinu en látið reynsluboltana sjá um pólitíkina.
(Enda var umræðan og deilurnar eins og versta hundahreinsun á köflum).
En ég held að margir ef ekki flestir þeirra hafi skrifað sig á undirskriftalistana um ferðafrelsi.
Ég setti reyndar inn smá skoðanakönnun á Jeppaspjallið þar sem spurt er um það.Ég vil hinsvegar benda á það að klúbburinn þarf e.t.v. að stunda svolítinn áróður gagnvart meðlimum Jeppaspjallsins og reyna að fá þá inn í klúbbinn sem ekki eru þar nú þegar.
Fyrir utan eldsneytisafsláttin er varahlutaafslátturinn örugglega stór gulrót, enda þarf ekki að taka nema eitt drif í gegn og þá er árgjaldið búið að borga sig í formi afsláttar.
Einnig er um að gera að benda á mikilvægi VHF fjarskiptakerfisins og hve mikil vinna liggur þar að baki í uppbyggingu og viðhaldi.
-
Replies
-
Ég veit ekki betur en að Jeppaspjallið hafi verið stofnað því flest allt var orðið læst hér fyrir aðra en félsagmenn, þetta með ferðafrelsið byrjar seinna jeppaspjallið orðið til fyrir þá tíð, sjálfur fer ég daglega inn á jeppaspjallið og einu sinni í viku hér, því hér skeður lítið og nóg að fara inn einu sinni í viku en á Jeppaspjallinu er líf sem þarf að fylgjast með daglega, en klárlega eiga þessar síður að vera saman sem ein heild með miklum fróðleik
Kv Snorri
Ferðafrelsi hefur líka í hávegum þá reglu um vefsíður að titilsíða breytist títt þar sem þar má sjá nýjustu spjallþræðina og smáauglýsingar.
Sælir,
Já þetta spjall hérna dó þegar ákveðið var að loka á alla nema greiðandi félaga og erfitt er að ná í þá sem fóru í fússi, síðan hafa menn verið hreinlega skammaðir hérna á spjallinu fyrir að deila sínum skoðunum af einhverjum aðilum hérna áður fyrr. (heimild frá fyrrv félaga sem ég fékk í dag).
Ég er nýkominn sem varamaður í stjórn og ætla að reyna að hafa einhver áhrif á þann veg að þetta geti komist í svipað horf og áður og að þetta verði einfaldlega staður fyrir menn með sama áhugamál : að ferðast um flotta landið okkar á fjórhjóladrifnum farartækjum í sátt við allt og alla… eða flesta , og síðan flottar og skrautlegar aðferðir við að breyta farartækjunum, því fleiri aðferðir því betri og við getum allir lært af hvorum öðrum í þeim efnum
Ég hvet því menn til að stofna nýja þræði með það sem þeir eru að bralla þessa dagana í skúrunum og verkstæðunum… ég mun hefja þráð um minn í sumar hér á f4x4, stefnan er tekin á nýjan cj7 framenda plast, lengja boddyið í unlimited lengd, uppa hestöflin í 300-400, baja fjöðrun með 8 dempurum allt í allt og 60 cm fjöðrun að aftan og 30cm að framan og auðvitað nota ég bara geim flugvélaál í þetta allt þar sem ég vinn í Málmtækni sem á þetta allt til semsagt CJ7unlimitedv8baja46" bifreið…. ætli ég þurfi að breyta skráningunni hehe.
K kv
Gunnar Ingi
JEEP wrangler/CJ7/unlimited blanda.
Eins og ég sagði frá hér að ofan þá setti ég inn könnun á Jeppaspallið þar sem ég spurði hvort notendur þar hafi tekið þátt í umræðum og undirskriftalistum varðandi ferðafrelsi.
Í stuttu máli þá tóku 31% þátt í umræðum og skrifuðu undir, en 64% skrifuðu bara undir.
Þetta þýðir að 95% notendanna skrifuðu undir sem verður að teljast nokkuð gott, og þó að notendur Jeppasjallsins láti "stórnotendur" á F4x4.is þrefa um réttindin á opinberum vettvangi þá styðja þeir við réttindabaráttuna.[img:ppkg7iy8]http://i.imgur.com/Fpbw5Uk.jpg[/img:ppkg7iy8]
Ég er alfarið á því að það eigi að sameina þessar síður svo hægt sé að standa þéttar saman.
Má ekki gleyma því að jeppaspjall er einhverskonar samkomusalur netsins en f4x4 er klúbbur sem m.a. berst fyrir réttindum og breytingum í hag jeppamanna. Spjallið hér hefur dalað mjög mikið undanfarna mánuði að mínu mati og kem ég hér inn á 1-2 vikna festi.Ég er með eina tillögu og hún er að vera með þrískiptan aðgang að 4×4 klúbbnum og f4x4.
Fyrsta væri fullgildur fullgreiðandi meðlimur eins og er í dag. Með þessu væri ódýrari aðgangur að setrinu, aðgengi í ferðir 4×4 og afsláttarkjörin.
Næsta skref væri hlutgreiðandi. Engin fríðindi önnur en afsláttakjörin kæmu í þessu en með þessu væri viðkomandi að styðja við bakið á baráttumálum jeppamanna. Ferðafélag akureyrar er með svona félagsaðild og borga ég t.d. 2200kr í ár til þeirra. Fyrir vikið nýt ég ekki aðgangs í ferðir og fæ ekki bók en styrki málstaðinn þeirra og félagið og nýt einhverra afsláttakjara sem ég nota hvort sem er aldrei.
Þriðja er að vera skráður ókeypis á síðu f4x4 án þess að vera í félaginu (eða vera ógreiðandi félagsmaður til að stækka félagatalið?) og fær þá viðkomandi ekkert annað en aðgang að síðunni (sem væri sameinuð f4x4 og jeppaspjall)
Gæti trúað því að þetta væri sniðugt því við þurfum nýliðun og við þurfum fjöldann.Ef ekki verður spornað við þessu og komið á fót söfnun nýrra og jafnvel ungra félagsmanna dalar klúbburinn á næstu 15-30 árum niður í lítið sem ekkert.
Keyrum þetta í gang
Góð hugmynd hjá Ívari hér að ofan.
Til að mynda, væri ekki hægt þá að setja til dæmis flokk undir spjallið sem heitir bara eins og á jeppaspjallinu Jeppinn minn?
Sæl/ir.
Það geta allir fengið aðgang að spjalli F4x4. Menn þurfa bara að sækja um aðganginn. Við hliðina á flettimyndinni á forsíðu er, Ganga í klúbbinn. Þar er valmöguleiki, Gerast félagi í F4x4. Þar velja menn já eða nei, hvort menn vilja gerast félagar eða ekki. Það er að menn þurfa ekki að gerast félagar til að fá spjallaðgang.
Nú eru á leiðinni miklar breitingar á vefsíðunni. Reynt verður að líkja eins og hægt er útliti eins og er á FaceBook. Byrjað verður á myndaalbúminu og síðan haldið áfram. Búið er að vinna töluverða undirbúningsvinnu til að koma þessu af stað. Stjórn klúbbsins leggur mikla áherslu á að þetta gangi fljótt og vel í gegn. Við erum jú allir í stjórn, deildum og nefndum að vinna fyrir félagsmenn. Þá eru allar hugmyndir vel þegnar en þessar breitingar hafa forgang núna.
Kv. SBS. Vefnefnd.
Það mætti alveg ímynda sér samvinnu milli f4x4 og jeppaspjalls, þó ekki væri nema í fyrstu að hafa áberandi gagnkvæma linka, jafnvel linka á þræði með nýjustu innleggin (eins og nú er forsíðu beggja). Í framhaldinu mætti alveg spá í að skipta verkum t.d. umhverfis og hagsmunamál 4×4 megin og almennt spjall jeppaspjallsmegin. Einhver samþætting notendaaðgangs væri þá líka sniðug þó það sé væntanlega meira en að segja það.
kv.
ÞÞ
Ég myndi nú gjalda varhug við að reyna einhversskonar yfirtöku á jeppaspjallinu frá hendi klúbbsins. Það eru margir sem eru meðlimir á báðum síðunum og svona "samkeppni" (ef svo má kalla) er af hinu góða.
Jeppaspjallið og heimasíða F4x4 eru með mismunandi áherslur.
Ég myndi líkja þessu saman við útimarkað og skipulagðan fund.
Hvort tveggja er gott til sinna hluta.
[quote="SBS":2rmdkwfd]Nú eru á leiðinni miklar breitingar á vefsíðunni. Reynt verður að líkja eins og hægt er útliti eins og er á FaceBook. Byrjað verður á myndaalbúminu og síðan haldið áfram. [/quote:2rmdkwfd]
Þetta lýst mér ekki vel á, sérstaklega ekki ef myndaalbúmið á að vera eins og á Facebook en framsetningin þar á myndaalbúmum/myndum/notanda er glatað og alls ekki hannað í þeim tilgangi. Ef þetta á að vera eins og á Facebook, af hverju þá ekki að nota bara Facebook ?
Vonandi eruð þið að hugsa þetta aðeins lengra og aðeins öðurvísi ……
[i:336c7zf2]nei[/i:336c7zf2]
nei
[b:336c7zf2]NEI !!![/b:336c7zf2]Ef síðan fer að líkjast þessari bannsettu síbreytandi síhringlandi fésbók þá flytur maður endanlega yfir á Jeppaspjallið !
Jæja. Góð viðbrögð. Það sem verið er að hugsa með myndaalbúmið er að geta "Líkað" á myndirnar. Einnig að geta skapað umræðu um hverja mynd eða myndamöppu. Þrátt fyrir þetta eiga menn að upplifa sig á vefsíðu F4x4 en ekki á Facebook. Mér skilst að mögulegt sé að vinir þeirra sem setja inn myndir og spjalla, geti fylgst með og jafnvel tekið þátt. Mér var sagt þar sem þetta var gert hafi umferð aukist sexfallt. Líklega ykist umferðin hér á myndagalleríinu sextíufallt. Þennan möguleika þarf að hugsa vel. Síðan eru videoin sem vista má líka eins og þau séu á síðu F4x4.
Síðan er innsetningin á myndefninu. Menn þurfa þá ekki að kunna tvær aðferðir til setja það hér á síðuna.
Ég hef verið að setja efni á Facebook síðu F4x4. Þegar ferðafrelsisbaráttan stóð sem hæðst fór talningin upp í 26,000 heimsóknir á einni viku. Stöku myndasería og myndbönd halda henni í 6 – 8000 heimsóknum. Nú hef ég ekki verið að setja inn efni í nokkurn tíma og er talningin innan við 1000.Nú geta talnaglöggir reiknað út breitinguna sem hér verðu ef þessi breiting kemir hér inn. Fb. umhverfið er fyrir unga sem eldri og forgamla. Ég er sannfærður um að umsókn félaga í klúbbinn muni stóraukast við velhugsaðar breitingar. Annars er þetta allt í huglægu ferli og gott að fá bæði jákvæð viðbrögð og neikvæð.
Kv. SBS.
Ég er svo sannarlega opinn fyrir nýjungum og þetta eru sumhverjar áhugaverðar pælingar en þegar þú tengir þetta svona sterkt við Facebook þá gefur það fulla ástæðu til að maður hefur smá áhyggjur þar sem myndaumhverfið þar hentar engan vegin fyrir svona myndasafn eins F4x4 á (safn af notendum þar sem hver notandi er með sitt safn af albúmum). Það er fínt að henda inn einni og einni mynd eða myndaseríu inn á Facebook sem síðan hverfa niður News feed-ið í gleymskunar dá en að byggja upp svona risa albúm þar sem fljótlegt er að finna myndir eftir notendum og/eða albúmum er bara eitthvað sem Facebook ræður ekki mjög vel við.
Reyndar finnst mér ekkert að uppsetningunni á spjallinu hjá F4x4, það er bara myndaalbúmið sem er ekki að virka.
Ég vona því að þetta verði ekki ALVEG EINS og Facebook heldur nýti sér frekar helstu kosti þess en verði byggt þannig upp að gott sé að leita í myndaalbúminu og skoða.
Maður bíður svo bara spenntur eftir að fá að sjá eitthvað af nýju síðunni, alltaf gaman að breytingum þegar þær heppnast vel
Það eru margir hlutir sem ég er að hugleiða. Það eru random-myndirnar á forsíðu. Leitun að myndum eftir nafni eigenda eins og var á eldgömlu síðunni. Þá það að til sé listi yfir þá alla sem leita má eftir. Listi yfir nýjustu innsettu myndirnar. Listi yfir nýjustu umfjöllun um myndir. Kanski listi yfir mest skoðuðu myndirnar og svo mætti áfram telja.
Eins og þið sjáið er hann nokkuð bjartsýnn húsgagna og innréttingasmiðurinn. 😉
Nú er þess að meta sem vinnur fyrir okkur verkið hvort Fés – bókin henti eða hún ráði við þetta hjá okkur.
Kv. SBS.
Þið ættuð að skoða myndakerfið á trukkasíðunni http://www.geirinn.is Þar er stórt myndasafn með alskonar möguleikum, einfalt að setja inn myndir og gott myndaspjallkerfi. Allavega rekst maður ekki á kvartanir vegna kerfisins.
Kv.
STG
Sælir
Mér finst leiðinlegt að fétta í mynda söfnum sem ég þarf að skolla til að sjá myndir.
þetta er það sem mér fynst best að nota, og það er eidnig notað á Facebook.
[url:z2sqeufa]http://www.flickr.com/photos/golf-mk3-vr6/8682364769/in/set-72157633293591803/[/url:z2sqeufa]Til þess að njóta myndana þá verður maður að geta flétt þeim án þessa skrolla niður og svo kanski upp til að finna takkan fyrir næstu mynd.
FB safnið er flott og myndir tínast ekki þar eins og ert talað um hér að ofan því myndir er í möppu og til að sjá myndir hjá vinum þá fer maður í hlekk sem ber nafnið myndir og þar eru allar möppur.Við verðum að hrfa fram á vegin, ef við gerum það ekki værum við ekki á fjöllum að leika okkur
Kveðja
Elvar Eyberg
You must be logged in to reply to this topic.