f4x4 tekin á beinið

Í 1. grein [url=http://www.f4x4.is/bokasafn/Log_F4x4_20091107.pdf:1vstm1je]laga Ferðaklúbbsins 4×4[/url:1vstm1je] stendur "Félagið heitir Ferðaklúbburinn 4×4 og hefur aðsetur í Reykjavík. Ferðaklúbburinn 4×4 er samtök [b:1vstm1je]um ábyrga ferðamennsku á hálendi Íslands[/b:1vstm1je] og búnað fjórhjóladrifsbifreiða."
Auk þess stendur m.a. í 2. grein um markmið félagsins:
* að standa vörð um ferðafrelsið
* Að gefa gott fordæmi um umgengni og verndun landsins með jákvæðri
eftirbreytni og umræðu um náttúruvernd

Þegar þetta er skoðað þarf ekkert að deila um stefnu klúbbsins í þessum efnum. Klúbburinn hlýtur að fordæma utanvegaakstur sem leiðir af sér landspjöll en jafnframt að berjast fyrir að leiðum sé ekki lokað fyrir umferð ökutækja. Það má vera að einhverjir aðilar í klúbbnum hafi einhverntíman lent í því að valda einhverstaðar skemmdum, þá má vera að ferðaþjónustuaðilar hafi komið sér í þá stöðu, kannski trússarar líka, jafnvel hestamenn eða göngugarpar. Þó þessir aðilar séu í klúbbnum sem ekki er þó sjálfgefið segja lög klúbbsins sitt og athæfið ætti að fordæma af stjórn klúbbsins, enda ekki hlutverk klúbbsins að verja slíkt.

Allt þetta breytir ekki því að Ferðaklúbburinn 4×4 hefur í áraraðir staðið fyrir fræðslu, upplýsingagjöf, leiðbeiningum og áróðri gegn því að ekið sé um staði þar sem tjón verður á landi. Þetta hefur verið gert bæði í nafni klúbbsins og eins í samstarfi við ýmsa aðra aðila. Klúbburinn hefur auk þess staðið fyrir stikun leiða sem beinir ökumönnum rétta (og ávallt sömu) leið og í því samhengi beint akstri frá villuslóðum og þannig dregið úr utanvegaakstri. Landgræðsla hefur staðið yfir í fjölda ára á vegum klúbbsins, auk þess sem markvisst uppfræðslustarf er í boði á vegum Litlunefndar klúbbsins, fyrir byrjendur í jeppamennsku. Allt þetta hefur að mínu mati leitt til þess að hinir almennu íslensku ferðamenn fara mun betur með landið en áður var og landspjöll vegna þeirra heyra nánast sögunni til.

Nú skora ég á stjórn klúbbsins að boða til fundar, þá sem mestan áhuga hafa á þessum málum og þá sem hafa látið í sér heyra á þessum þræði, til bollalegginga um hvernig best sé að vinna úr þessum málum á næstunni.

Kv. Óli

Það þarf samt að gera miklu betur og sérstaklega í þeirri baráttu um ferðafrelsi sem við stöndum í þessa dagana. Það er ekki sjálfgefið að geta í framtíðinni ferðast um landið okkar á eigin vegum eða að leyfilegt verði að fara um þá vegi og slóða sem í dag eru fyrir hendi. Þess vegna verður klúbburinn að standa fyrir öflugri hagsmunagæslu á þessu sviði og koma í veg fyrir að stórum náttúrusvæðum ásamt vegum (sjá https://old.f4x4.is/attachments/1151_ferdafrelsi.pdf ) verði lokað fyrir aðgengi nema í gegnum fjárplógsstarfsemi aðila sem jafnvel hafi einkarétt á ferðamennsku á þessum tilteknu svæðum.

Undanfarið hefur það samstaf sem stjórnvöld hafa boðið upp á varðandi þessi hagsmunamál s.s. Vatnajökulsþjóðgarð, Þjórársver og fleiri verið algjör sýndarmennska. Síðasta dæmið um þetta er nefnd sem nýlega var stofnuð um að endurskoða niðurstöður varðandi lokanir og umgengni í Vatnajökulsþjóðgarði. Það er nokkuð víst að niðurstaða þeirrar nefndar verður eins og var í öllu undirbúningstarfinu varðandi þjóðgarðinn „haft hefur verið samráð við alla hagsmunaaðila og tekin ákvörðun um að breyta ekki fyrri niðurstöðum varðandi Vatnajökulsþjóðgarð“.

Það hefur undanfarin ár verið troðið á hagsmunum hins almenna ferðamanns í öllum málum sem snúa að hálendinu og það sýndarsamráð sem þessum hagsmunaaðilum og félagsamtökum hefur verið sýnt er yfirgengilegt ( sjá blaðagreinar frá 9 félagasamtökum og ferðaþjónustuaðilum https://old.f4x4.is/attachments/952_Ferd … es2010.pdf og http://www.ferdafrelsi.is/felagsamtok_g … rs2011.pdf ).

Ég tek því undir það hjá Óla að hvetja stjórn F4x4 til að setja á fund sem fyrst um þessi brýnu hagsmunamál sem snúa að því að tryggja freðafrelsi félagsmanna til framtíðar.

Guðmundur G. Kristinsson

Undirritaður biðst forláts á því hve lengi hefur dregist að svara að einhverju leiti pósti hins mæta manns Árna Alfreðssonar. Hef ég víst verið upptekinn við að " vaða um landið á skítugum skónum án nokkurra takmarkana".

Ég tek ofan fyrir þeim sem ruddu vegi um landið á sínum tíma, svo sem upp Skógaheiði og upp Hamragarðaheiði, að Langjökli við Jaka og Skálpanes. Þar sem vegur var ruddur að jökli eða vegslóðar liggja þarf að sjálfsögðu að lengja viðkomandi spotta þegar jökullinn hopar. Það er ekki krafa okkar Jeppavina sem ég er í forsvari fyrir að lagðir séu uppbyggðir heils árs vegir um hálendið, heldur er það ósk okkar að helstu ferðamannavegum sé þannig viðhaldið að þeir séu superjeppafærir helst allt árið um kring, þ.e. að vegstæðið sé sléttfyllt þannig að ekki sitji í því snjór, vatn og drulla. Hæfilega vondur vegur takmarkar umferðina um svæðin!

Að mínu mati á utanvegaakstur sér helst stað þar sem vegir eru illfærir, og vil ég taka Landmannalaugasvæðið sem dæmi, þar voru jeppar á mjóum dekkjum (væntanlega þá bílaleigubílar) farnir að reyna við Sigölduleiðina löngu áður en við í ferðaþjónustunni töldum reynandi við hana vegna aurbleytu. Þannig voru í sumarbyrjun mjög áberandi mjó og djúp hjólför fram hjá öllum pollum og sköflum og forarvilpum. Auðveldasta og ódýrasta og rökréttasta leiðin til að koma í veg fyrir þetta eru vegabætur og opna síðan leiðirnar áður en bílaleigubílarnir fara á kreik! Það þarf svo lítið til að það er bara ekki fyndið! Ég hef áður vikið að því í póstum að oft er hægt að loka þessum mjóu hjólförum með því að keyra yfir þau á hæfilega þungum jeppum á stórum dekkjum og hef ég stundað það þó nokkuð á þessu svæði.
Lokanir og takmarkanir á akstri okkar um valda vegi svo sem innan Vatnajökulsþjóðgarðs tel ég ekki fært að virða. Utanvegaakstur hefur ekki verið og mun ekki verða vandamál svo lengi sem við ökum þær leiðir sem þegar eru til!

Jeppavinir hafa kosið að vinna að þessum málum í samstarfi við 4×4 og teljum að báðir hafi hag af. Persónulega tel ég vera tímabært að setja upp lokunarskilti við valda hálendisvegi þar sem segir: "Super Jeep only" eða eitthvað í þá veruna. Það að hræra upp drulluna í ónýtu vegstæði skemmir ekki veginn, -þótt við séum ekki alveg heilagir og skiljum stöku sinni eftir okkur för sem hefðu mátt missa sig þá er utanvegaakstur félaga í 4×4 og Jeppavina ekki vandamál í dag heldur undantekning!

Baráttukveðjur,
Ingi

F4x4 hefur núna tækifæri til að bregðast við og berjast gegn utanvegaakstri, sérstaklega því tvennu sem virðist vera mest áberandi:

a. töffaraspól upp brekkur.
b. akstur út fyrir slóða til að krækja framhjá skafli eða einhverju.

Sé það gert á raunhæfan og ekki síst vel [b:3dnf67m6][color=#BF4000:3dnf67m6]áberandi [/color:3dnf67m6][/b:3dnf67m6]hátt, skorar F4x4 stig í umfjölluninni og rödd félagsins hljómar sterkari þegar rætt er um lokanir á slóðum.

kv.

ÞÞ

Ég fagna málefnalegri umræðu hér á vef 4×4 um umhverfismál og möguleika á að vinna í málunum.
Þegar vegurinn (18m breiður) fyrir búkollunar upp á Hamragarðaheiði var gerður undir yfirskininu "endurbætur á slóða" eins og þetta hét í gögnum Vegagerðar til UST, var bætt aðgengi ferðamanna talið mikilvægt og nú eftir gosið er aðsóknin líklega margföld miðað við áður. [url:32vq81oy]http://www.f4x4.is/index.php?option=com_jfusion&Itemid=228&jfile=viewtopic.php&f=15&t=11728[/url:32vq81oy]
Þegar aðsókin er svona mikil verður annað hvort að takmarka umferð eða að klára verkefnið "endurbætur á slóða" sem mér þótti mjög vafasöm aðgerð á sínum tíma.
Ég hef ekki farið sjálfur þarna síðan þessar "endurbætur á slóða" voru gerðar, en ég hvet Árna Alfreðsson að taka nú myndavélina með sér og senda umhverfisnefnd@f4x4.is myndir af öllum spjöllum sem hann sér í náttúrunni.
Varðandi leiðina frá Markarfljótsbrú að Krók og svo áfram í Hungurfit, þá er þetta gömul leið og viðkvæmur jarðvegur í brekkunum og verða slóðir að giljum, þegar vatn rennur um þau.
Ég er á því að þessari leið verði lokað ef engar verða úrbæturnar, en í þessari skýrslu eru myndir af leiðinni og bent á mögulegar úrbætur: [url:32vq81oy]http://www.vso.is/islandsvegir/pdf/Slodir-halendi-des2010.pdf[/url:32vq81oy]
Ekki hefur enn verið reynt að hafa samráð við F4x4 af hálfu UST eða Umhverfisráðuneytis varðandi tilverurétt einstaka slóða á hálendinu, en mörg sveitarfélög hafa tekið vel í umsagnir okkar.
Verið er að loka gömlum góðum leiðum og halda öðrum opnum sem spjöll eru af og er því nauðsynlegt að fók nái saman um aðgerðir til verndar náttúrunni, án ofstækis.
Mikið verk er enn óunnið og hvet ég félagsmenn að vera á varðbergi og koma í veg fyrir öll náttúruspjöll eins mögulegt er, en standa jafnframt vörð um rétt ökkar til ferðalaga um landið.
kveðja Dagur

Hvaða íslendingur sem er má koma í veg fyrir lögbrot, svo fremi að hann noti lögmætar aðferðir.

Sjálfur tel ég mig sjaldnast (ef nokkurn tímann) vera þess umkominn að skera úr um að tilkeinn slóði sé villuslóði, en þekki menn til og séu vissir í sinni sök, kynni ég þeim góðar þakkir ef þeir lokuðu slíkum slóðum.

kv.

ÞÞ

Það er gaman að fylgjast með umræðunni hér á spjallinu um utanvegaakstur, en allir þeir sem hafa tjáð sig (nema líklega Óli og Dagur) eiga það sameiginlegt að tala hér sem einstaklingar og þá hver fyrir sig. Enginn stjórnarmaður í F4x4 hefur tjáð sig um þessi mál og því spurning hver sé stefna klúbbsins í þessum málum. Er einhver stefna til og ef svo er, hvar er hana að finna?

Utanvegaakstur og ferðafrelsi er stór hagsmunaflokkur og gama væri að heyra undir hvaða nefndir í klúbbnum þessir málaflokkar heyra og verkaskiptingu ef þetta er hjá fleiri en einni nefnd. Gaman væri einnig að heyra hvaða nefndir klúbbsins hafi þessi mál í sínum verkahring og hvort það séu fleiri en ein nefnd og þá hver verkaskiptingin sé á milli þeirra? Er verið að vinna einhver verkefni eða er eitthvert samstarf fyrir hendi í Þessum málum í klúbbnum?

Það er líka spurning um ákvæði í lögum klúbbsins eins og Óli nefndi hér áður á spjallinu „samtök um ábyrga ferðamennsku á hálendi Íslands“ og „að standa vörð um ferðafrelsið“. Hver er síðan ábyrgð stjórnar hverju sinni að fylgja því eftir að klúbburinn vinni samkvæmt ákvæðum í sínum lögum? Eins og Óli sagði hér áður á spjallinu „Klúbburinn hlýtur að fordæma utanvegaakstur sem leiðir af sér landspjöll en jafnframt að berjast fyrir að leiðum sé ekki lokað fyrir umferð ökutækja“.

Klúbburinn okkar hefur eins og Óli sagði í áraraðir staðið fyrir fræðslu, upplýsingagjöf og leiðbeiningum um ábyrga ferðamennski, en aðrir aðilar hafa síðan barið sér á bak fyrir árangur sem örugglega má rekja að miklu leiti til aðgerða á vegum klúbbsins. Klúbburinn hefur lengi verið í samstarfi við Umhverfisstofnun með ferlaskráningu á vegslóðum sem mjög líklega verður grunnur að því skráningarkerfi sem opinberir aðilar hafa ákveðið að byggja upp. Munum við njóta þess að hafa unnið með hinu opinbera í þessu verkefni og hafa áhrif á þróun þessa umhverfis? Er klúbburinn að skoða þessi mál eða liggja þau bara einhverstaðar í möppu upp í hillu. Hvaða afstöðu hefur núverandi stjórn í þessu máli og ætlar hún að beita sér fyrir því að ná einhverri stöðu til að hafa áhrif.

Guðmundur G. Kristinsson (óbreyttur klúbbfélagi)

Allar utanvegaaksturskærur sýslumannsinns á Selfossi voru fyrir akstur á slóðum sem voru kortlagðar áður á gömlum þekktum leiðum og hafði LMÍ kortlagt leiðirnar.
Þar var lögreglumaður sem einga reynslu hafði af fjallvegum látinn kæra út í bláinn til að prófa kerfið, enda var þetta tilraun, sem sumir nota sem ástæðu til að endurskoða vegalög, náttúruverndarlög og umferðarlög því ekki er hægt að sakefella fyrir utanvegaakstur.
Sakfelling var í héraðsdómi fyrir akstur á svokölluðum gullskipsvegi á Skeiðarársandi, en Hæstiréttur snéri því við, enda var þetta vegur sem var kortlagður og átti að sakfella ökumanninn fyrir utanvegaakstur á vegi því "landeigandi" vildi ekki heimila akstur.
Sakfelling átti sér stað þegar rjúpnaskytta ók á "aflögðum vegi" og utanvega nærri Snæfelli, en 2 voru ákærðir og annar tök alla sök í málinu og sýndi enga tilburði til varnar.
kveðja Dagur

Ég er virkilega ánægður með þennan spjallþráð. Umræðan fer um víðan völl en er málefnaleg og mjög fróðlegt að lesa þetta, höldum áfram á þessari braut.

Freyr