This topic contains 14 replies, has 1 voice, and was last updated by 
-
Topic
-
http://mbl.is/frettir/innlent/2011/09/20/f4x4_birtir_allt_gps_safnid/
Tekið af mbl.is
Flott umfjöllun hjá Jón Ofsa.
kv. Kalli
-
Replies
-
Stórfínt og tímabært.
En ég get ekki opnað neitt af þessu, fæ alltaf einhverja villu meldingu, arg.
Getur verið að ég þurfi að uppfæra hjá mér map sourcið ?
Kv Bjarki
Sæll
Ég er með mapsource version 6.13.7 og get opnað þetta fínt.
Hvaða version ert þú með?
Mögulega er hægt að snara þessu yfir í GPS skráarsnið og opna það þannig í hvaða mapsource version sem er.
kkv, Samúel
Það verður vafalaust ekki vinsælt – en ég ætla nú samt að lýsa vanþóknun á sumu því sem þarna hefur flotið með.
Um miðjan mánuð fórum við tvö á Arnarfell hið mikla. Ég ók yfir "Þjórsárstíflu" – gegnum hlið sem merkt var "aðgangur aðeins heimill starfsmönnum Landsvirkjunar" eða eitthvað í þá áttina – en það var jú ólæst. Síðan byrjaði ég að litast um eftir slóðum, ég vissi að þetta yrði langur gangur (sennilega 20 – 25 km fram og til baka) og hafði ekkert á móti þvi að stytta hann örlítið. Það var hins vegar alveg sama hvert ég fór – innan kílómeters eða svo bannaði samviskan mér að aka lengra. Það varð því úr að við gengum alla leiðina (raunar frá einhverju mannvirki norðar á sandöldunni, kort [url=http://maps.google.com/maps/ms?msa=0&ie=UTF8&ll=64.693236,-18.565006&spn=0.064353,0.261269&t=h&z=13&vpsrc=0&msid=213267109532158221697.0004ad70c0645310c53aa:1ce2sfyr]hér[/url:1ce2sfyr]), óðum Þjórsá í nára á nærum og sandölum (sem notaðir voru til að banka sig gegnum sentimetersþykkar ísskarir við bakkana) og höfðum afar gaman af. Síðdegis voru skarirnar komnar á kaf og horfnar en flaumurinn aðeins meiri – enda orðið frostlaust. Þessi leið er [b:1ce2sfyr]BLÁ[/b:1ce2sfyr] í ferlasafninu – ég er ósáttur við það.
Samkvæmt blaðafréttum er nálgunin sú að byrja á að gefa út sem mest af slóðum, sía svo úr síðar. Ég tel að samtökin séu ekki að gera sér neinn greiða með þessu – það er sem sagt verið að veifa rauðri dulu framan í þá sem eru andvígir jeppaferðum. Nær hefði verið að eyða smátíma í að gera upp við sig hvaða leiðir maður telur eðlilegt að leyfa akstur um (ég hef enga trú á að Jón telji að það eigi að mega aka langleiðna inn að Arnarfelli að sumarlagi) og pósta þær einar með bláum lit, hinar í rauðu (eins og áframhaldið af þessari leið um Arnarfellsmúla). Hitt er svo annað að helst þarf að láta einhvern texta fylgja hverri leið svipað og ég gerði á hjálögðu korti (Þjórsá í október og Þjórsá í júlí er sitt hvor hluturinn), þar má líka nota WikiLoc sem módel (eða jafnvel sem útgáfustað).
Svo finnst mér að samtökin eigi að taka afstöðu til notkunar bænda á fjórhjólum (og jafnvel torfæruhjólum) við göngur – eftir 50 ár verður landið allt sundurskorið af hjólförum eftir þá. Það er afar sérkennilegt hvílíkum vettlingatökum það mál er tekið …
Kveðja,
Leifur Hákonarson
Þetta er alveg gilt sjónarmið sem Leifur setur hér fram, þ.e. hvort hefði verið betra að merkja strax fleiri leiðir sem lokaðar að sumarlagi. Hitt er líka gilt sjónarmið sem Jón hefur sett fram einmitt sem svar við þessum punkti, þ.e. að það sé ekki hans hlutverk eða fámenns hóps sem vann þetta mikla verk að ritskoða ferlana fyrirfram heldur eigi það að gerast með opinni umræðu. Hér er allavega komin fram ein ábending sem ég get tekið undir og örugglega margir fleiri og það er að leiðin inn í Arnarfell sé merkt lokuð.
Það þarf allavega að liggja ljóst fyrir hverjar séu forsendur þessa gagnagrunns, þ.e. að þetta eru gögn til skoðunar og til að skapa umræðu (eins og þessa), en ekki að menn geti hlaðið þessu niður og ekið hugsunarlaust eftir öllum þeim leiðum sem þarna koma fram.
Hugsanlega er það rétt að þetta sé vatn á myllu "jeppahatara" og einhverjir muni nota þetta gegn okkur. Þá skiptir máli að svara því með þeim hætti að stýra umræðunni inn á plan skynseminnar.
Kv – Skúli
Nú er Svandís ósátt við birtingu ferlanna: http://www.mbl.is/frettir/innlent/2011/ … erlasafns/
Núna getur hún velt því fyrir sér hvernig manni líður þegar maður er hafður útundan.
Kv. Steinmar
[i:3via6wey]"segist Svandís vera mjög ósátt við að birtir séu ómerktir slóðar og segist í besta falli líta á það sem ögrun við samstarf þeirra."[/i:3via6wey]
[b:3via6wey]Ögrun við hvaða samstarf?[/b:3via6wey] – það er ekkert samstarf í gangi frá hennar hendi í þessu verkefni frekar en öðrum málum sem tengjast hálendinu og opinberir starfsmenn sem koma að þessu máli útiloka Ferðaklúbbinn 4×4 og aðra frá þátttöku og eðlilegu aðgengi að upplýsingum. Það er kominn tími til að að opinber stjórnsýsla og þar með ráðherra fari að lesa yfir ákvæði Árósarsáttmálans sem nýlega var undirritaður. Það er ekki og hefur ekki verið farið eftir þeim ákvæðum sem þar koma fram um upplýsingaskyldu og samstarfsskyldu stjórnvalda við almenning og frjáls félagasamtök. Ég hef áður sett fram linka á tvær blaðagreinar frá níu félagasamtökum sem birtar voru á síðasta ári og staðfesta þetta samráðsleysi stjórnvalda.
Guðmundur G. Kristinsson
[b:3via6wey]Stjórn Vatnajökulsþjóðgarðs hlusti betur á almenning[/b:3via6wey]
https://old.f4x4.is/attachments/952_Ferd … es2010.pdf[b:3via6wey]Samráðsleysi stjórnar og ráðherra[/b:3via6wey]
http://www.ferdafrelsi.is/felagsamtok_g … rs2011.pdf
Nú er umhverfisstofnum einnig búin að tjá sig og hamrar mikið á hinu gríðarlega samstarfi við 4×4 klúbinn. Og mér er nú eiginlega bara spurn, getur það verið að það sé einhver annar 4×4 klúbbur í landinu sem hefur verið í þessu samstarfi?
kv
Rúnar.
Anonymous- Umræður: 0
- Svör: 16404
Nú er það orðið ljóst að það er sama hvað 4×4 gerir, það er ALLT notað til að finna höggstað á okkur og grafa undan trúverðugleika okkar.
Ég ætlaði nú að láta fylgja komment og spurningu um hvaða samstarf Umhverfismafían er að tala um? Þau hafa skipulega sniðgengið útivistarfólk og það virðist vera greinilega skipulögð áróðursherferð á hendur okkur af hálfu þessa liðs.
Gott viðtal við Hafliða á Bylgjunni áðan. Hann kom okkar sjónarhorni mjög vel á framfæri.
kv. Óli
Það er ekki hægt annað en að fagna þessari umræðu. Hafliði komast vel að orði þegar hann segir að birting f4x4 á gps-safninu sé til að skapa umræðu, umræðu um málefni sem skiptir okkur öll máli. Að undanförnu hefur maður heyrt fleiri sjónarmið, t.d. að það er enginn ferðamáti sem ekki skilur eftir sig einhver ummerki, hvort um sé að ræða akandi, gangandi eða ríðandi. Þess vegna er það undirrituðum óskiljanlegt hvers vegna þeir aðilar er málið varðar geta ekki sest niður og rætt saman á málefnalegum grundvelli og af virðingu við ferðamáta hvors annars og skoðanir. Við verðum að gera okkur grein fyrir því að löngun allra til að ferðast um fallega landið okkar er sú sama, burtséð frá því hvaða ferðamáta þú velur þér, það sem hentar einum getur verið eitthvað sem öðrum hugnast ekki. Ég get ekki séð að einn ferðamáti sé betri eða verri en annar og það á ekki að vera þannig að stjórnvöld geti ákveðið að einhver einn ferðamáti sé öðrum æðri! Ef fólk gætir ítrustu varúðar og ábyrgðar ættum við öll að geta farið um hálendið án þess að skaða landið. Ég vil hafa þá einlægu trú að það sé vilji okkar allra, þar með talið stjórnvalda, að landa þessu máli með sátt en til þess að svo megi verða, verða allir að leggja sig fram og gera sér grein fyrir því að svona vinnubrögð ógna ferðafrelsinu og ég neita að trúa að sé það sem fólk vill. Það er mikilvægt að við hlustum á það fólk sem er með reynslu, eins og t.d. bændur, útivistarfólk og vanir jeppamenn með áratugareynslu af ferðamennsku og þekkja landið best. Sýnum þessari reynslu og þekkingu virðingu.
Það er því einlæg ósk mín að við tökum okkur Dýrin í Hálsaskógi til fyrirmyndar, en það eiga jú öll dýrin í skógunum eiga að vera vinir!!! Þannig getum við ferðast saman í sátt og samlyndi.
Laila Margrét
Hvað merkir græni liturinn? Sé eitthvað af grænum leiðum á svæði F, m.a. veginn út á Kjálka í Skagafirði, austan við Jökulsá Austari, en það er allavega að hluta þjóðvegur og liggur að bænum Keldulandi sem er í byggð og svo áfram fram hjá honum inn að Merkigili.
Kv – Skúli
You must be logged in to reply to this topic.