Eyjafjallajökull

Er enginn sem hefur farið þarna nýlega.???

Heyrði í nokkrum sem voru á ferðinni þarna fyrir 3 vikum og lentu þeir í töluverðu brasi vegna hálku og held ég að þeir hafi snúið við.
Ég fór hinsvega á mýrdalsjökul að norðaverðu og voru engin vandræði.

Dagur

Það fóru menn í gær upp frá Skógum og komust þeir ekki upp að Skógá vegna drullu og bleitu og náði hún langt uppeftir.
Kveðja Matti
R1625

Fórum á fjórum bílum upp Hamragarðaheiðina þann 6. mars síðastliðinn og var færið bara alveg skelfilega gott, engin drulla eða bleyta og jökullinn sjálfur með fínum púðursnjó.
Keyrðum í glampandi sól og blíðu yfir Eyafjallajökul og Fimmvörðuhálsinn á Mýrdalsjökul og niður hjá Sólheimajökli.
Mögnuð ferð og mæli með að menn drífi sig bara af stað og hætti að hlusta á svartsýnispúkana sem segja að allt sé ófært án þess að hafa hugmynd um það.

Kv:Kátur

Sammála Káti.

Bara að kíkja á málin frekar en að láta einhverja úrtölumenn sennfæra sig um að allt sé ómögulegt og ófært. Þó mæli ég með því að menn hafi vit á að snúa strax við ef allt er í drullu og svaði.

By the way Lúther, ég fer á fjöll um þessa helgi… hvað með þig??? 😉

Ferðakveðja,

BÞV

Sælir félagar.

Það er rétt, það er varla hægt að mæla með því við nokkurn mann að fara á fjöll núna. Við Palli fórum á þennan Eyjafjallajökul sl. laugardag og þvílík vonbrigði..! Engin drulla á Hamragarðaheiðinni, nýfallinn snjór í 450 metrum, helvítis heiðríkjan að stríða manni og LOGN ofan í allt kaupið.

Hrikalegt púður austur af jöklinum niður á Fimmvörðuhálsinn og áfram þetta ömurlega veður. Sem betur fer þurfti Páll í fermingarveislu kl. 16.00 þannig að við höfðum alvöru ástæðu til að hætta þessum helvítis leiðindum. Ekki tók þó betra við á leiðinni niður hjá Skógum; engin drulla og ekkert vesen.

Ég ráðlegg öllum að halda sig sem mest heima meðan þessi fjandi gengur yfir.

BÞV

Ja nú er ég aldeilis feginn að vera með jeppann inni í skúr, og sleppa við öll þessi leiðindi.

Emil

Hvernig gekk ykkur upp brekkuna hjá Baldvinsskála (Fúkka) ??? Var að þvælast þarna í dag og varð ekki fyrir neinum vonbrigðum, enda lognið að flýta sér all verulega í dag og fokskaflar eftir því. Við hittum fólk sem er kunnugt á Fimmvörðuhálsi og það talaði um að brekkan (hengjan) fyrir ofan Fúkka versnaði með hverju ári útaf bráðnun á ísnum sem vanalega er í slakkanum. Þetta þýðir að hún verður brattari eftir því sem meira tekur upp af snjó, enda var hún ekki frýnileg í því færi sem var í dag, eiginlega bara snjóhengja sem er íllfær nema í hörðu færi.

Hlynur

Var þarna í dag. MIKIÐ GAMAN MIKIÐ GRÍN HA HA HA…
Það var samt soldill skafrenningur á jöklinum. Fórum samt uppá topp og höfðum gaman af..

Ingi R-3073

já ég var líka á jöklinum í dag það var ágætt útsýni á köflum en annars bara RENNIGNUR og mikið spólað og ekki neinn snjór á hamragarðaheiðinni eins og þú kannski rakst þig á ingi en hvað bognaði hjá þér ?