This topic contains 6 replies, has 1 voice, and was last updated by 
-
Topic
-
Hæ.
Ég er að spá í hvort einhver hérna hafi farið nýlega yfir Eyjafjallajökul, þ.e.a.s. upp frá Hamragarðaheiðinni og yfir á Fimmvörðuháls.
Ef svo er, þá hefði mig langað að forvitnast um hvort einhver ætti handa mér „track“ og upplýsingar um hvort eitthvað vafasamt sé á leiðinni. Hef heyrt af tveimur sprungum á leiðnni upp að Goðastein, en að hægt hafi verið að komast hjá þeim með smá krók.Endilega henda á mig trackinu á pilko@islandia.is ef einhver á þetta til, og eins upplýsingum ef einhver hefur verið þarna nýlega.
Með kveðju,
Palli V.
pilko@islandia.is
-
Replies
-
Sælir.
Ég er nú ekki með track en hvenær planið þið að skella ykkur?
Skal heyra í einum sem er nýlega búinn að fara og sjá hvort hann eigi eitthvað til.
Mig langar hinsvegar að fara þangað uppeftir um helgina ef það verður sól og væri styrkur í því að fara ekki einbíla. Verð ekki dragbítur
Lofa því.Ívar
Sælir drengir,
held ykkur væri hollt að skoða sprungukortið inni á Safetravel, svo og http://ja.is/kort/#x=467559&y=347188&z=8&type=aerial
Farið varlega,
Ingi
Já, ég er búinn að heyra í nokkrum sem hafa ráðlagt mér að halda mig frá þessu svæði, og það mun ég gera !
Fer þetta vonandi síðar, er snjór verður meiri á svæðinu.
Mikið er hörmulegt að sjá hversu rangt er farið með örnefnin sem búið er að bæta á kortið. Ekkert einasta þeirra er á réttum stað og langt frá því. Skakkar mörgum kílómetrum. Má færa rök fyrir því að það er slysahætta af fleiru en bara sprungum. Það er ákveðin hætta sem skapast af því að hafa þetta vitlaust á kortum.
Kv. Árni Alf.
P.S. Fyrir mörgum árum benti ég á makalausa umgengni og kæruleysi manna þarna, sérstaklega í og við gígskálina. Eins og sprungur væru ekki til. Kannski voru allir í útrásarvímu. Náttúrunni gefið langt nef. Þarna hefur í sjálfu sér lítið breyst. Sömu sprungur og alltaf hafa verið.
Kv. Árni Alf.
Ég hefði einnig áhuga á að fá nýlegar upplýsingar af þessu svæði.
Tölvupóstfang fhf@vortex.isKv.
Friðrik
Félagar,
eins og Árni bendir á eru sömu sprungukerfin og áður að vestanverðu upp jökulinn, en mönnum væri hollt að skoða myndir áður en þeir halda austur yfir. Hef farið þarna upp eftir gosið og gengið niður að gíg eftir að hafa stúderað leiðina nokkrum sinnum. Auðvitað hefur fennt í allar sprungur og í gígskálarnar sumar hverjar, en undir kraumar hiti innan öskjunnar. Aðgát skal höfð í nærveru eldfjalla!Ingi
You must be logged in to reply to this topic.