This topic contains 7 replies, has 1 voice, and was last updated by 
-
Topic
-
Mig langar að forvitnast um hvort einhver hafi verið á ferð nýlega á Eyjafjallajökli? Er að spá í bíltúr á laugardag og væri til í að heimsækja Eyjó. Einnig hvort þessi námagröftur á Hamragarðaheiði hafi einhver áhrif á möguleika manns að komast þessa hefðbundnu leið uppeftir.
Ferðakveðja,
Valdi
-
Replies
-
Námagröftur á Hamragarðaheiði hefur engin áhrif á hefðbundna leið uppeftir. Hún er svipuð og áður hefur verið.
Varðandi færi á jöklinum þá heyrði ég í sleðamönnum sem voru þarna á ferð um síðustu helgi. Þeir töluðu um afar lítinn snjó og mjög ósléttan jökul.
Það gildir því væntanlega það sama um þennan jökul og aðra á landinu SV-verðu að á honum er afar lítill snjór og grunnt niður á sprungur, vatnsrásir og svelgi. Eyjafjallajökull er töluvert sprunginn – sérstaklega í toppinn og þá í nágrenni við vinsæla stoppustaði eins og Goðastein og Hámund… Það gildir því að fara gætilega þar eins og annarstaðar á jöklum í dag.
Benni
Takk fyrir svarið Benni.
Ætli maður reyni þá ekki að berjast eitthvað annað í staðinn. Krapasigling inn í Landmannalaugar hljómar ekki illa miðað við sprungur á jökli.Ef einhvern langar að slást í hópinn þá er það velkomið, er bara einbíla eins og er.
Kv,
Valdi
Sæll
Ég gerði tilraun við jökulinn helgina eftir áramót og varð að gefast upp vegna snjóleysis, komst ekki upp úr gilinu í ca 730 metra hæð, frétti svo af einhverjum sem fóru daginn áður en ég fór og komust þeir einhverstaðar annarstaðar upp en hefðbundna leið.
Ferðakveðja Halli Þór
Ætli forsendur fyrir ferðalag á jökulinn séu ekki eitthvað breyttar , amk ef maður lítur á
þetta í dag 4/3. http://www.vedur.is/skjalftar-og-eldgos … alsjokull/
"Ætlann sé ekki bara kominn með mislingana"
Tók eftir því þegar ég var á leið í þósmörk á dögunum að Brestir ,dynkir og önnur hljóð
frá Gígjökli voru meiri en ég teldi venjulegt. En Skerjaleiðin liggur einmitt beint upp-af Gígj.
BK. Lúlli
Já ég er búinn að vera að horfa á skjálftamælingarnar þarna, greinilega einhver hreyfing á kviku undir jöklinum. Þó svo þetta geti fjarað út í rólegheitum án þess að kvikan brjóti sér leið upp, þá myndi ég ekkert sérstaklega vilja vera beinlínis upp á jöklinum meðan svona hreyfing er í gangi undir honum.
Kv – Skúli
sælir
Loksins eitthvað "spennandi" að gerast í eldgosamálum. Eldgos í Mýrdalsjökli og Eyjafjallajökli eru meira taugastrekkjandi en mörg önnur gos eins og td Heklu vegna nálægðar við byggð og þau áhrif sem gos í jöklinum geta haft. Þótt áhrif goss í Eyjafjallajökli með td hlaupi í Markarfljóti gætu haft víðtæk áhrif neðan Stóra Dímons og rofið flóðgarða að þá teljast þau nú frekar lítil sögulega séð. Það sem er kannski meira spennandi við gos í Eyjafjallajökli er hvaða áhrif það gæti haft á Kötlu. Það er jú þekkt að í þau fáu skipti sem gosið hefur í Eyjafjallajökli að þá hefur Katla líka gosið. Þetta gerðist árin 920, 1612 og Katla gaus líka tveimur árum eftir eftir síðasta gos í Eyjafjallajökli lauk árið 1823.Kannski er þetta bara upphitun fyrir Kötlugos en eins og allir vita þá er hún löngu kominn fram yfir eindaga !
kv/AB
Þrír skjálftar í morgun í kringum 3 en eitthvað finnst manni að stærð skjálftana sé samt að minnka almennt. Það er þó enn talsverð spenna í þessu.
Það er athyglisvert að spá aðeins í hvað getur gerst við gos undir Eyjafjallajökli. Litlar heimildir eru til um gosið 1612 en árið 1821 þá var gosið frekar lítið en stóð lengi yfir. Staðsetning gosins var í öskju fjallsins, nánari tiltekið í tindum þess en hlaupið leitaði niður Gígjökul og þaðan út í Markarfljót með tilheyrandi jakaflóði. Eitthvað var líka um öskufall.
Á síðustu árum hefur tvisvar orðið vart við kvikuinnskot undir Eyjafjallajökli, nánar tiltekið árin 1994 og 1999. Miðja þenslunar 1999 var í suðurhlíðum jökulsins en gos þar myndi ekki þýða hlaup í Gígjökli heldur asaflóði niður suðurhlíðar jökulsins, niður Eyjafjöllin í byggð. Ísþykktin er þó ekki mikil þarna, líklega aldrei meiri en 100 m, sem þýðir að hlaupið gæti aldrei orðið stórt að rúmmáli hraðinn yrði aftur á móti talsvert mikill þar sem talsverður halli er í suðurhíðum jökulsins.
Gos í Eyjafjallajökli mun því líklega ekki setja Þórsmörk í hættu en gæti ollið talsverðu raski í byggð sunnanmegin við jökulinn og hugsanlega í kringum Markarfljótsaura, við Stóru Mörk, Fljótshlíð og neðan Stóra Dímons ef hlaup í Markarfljóti verður stórt.
You must be logged in to reply to this topic.