Eyjafjallajökull

Minn skilningur er sá að ég það er talsverður munur á færi og færð. Færið er síbreytilegt og virðast menn seint verða þreyttir að svara mönnum því. Hins vegar er færð allt annað t.d. færð á Eyjafjallajökul ræðst af því hvernig aðkoman er að honum. Þarf maður að keyra á grjóti að jökulrönd? Þá er spurning hversu grunt er á sprungunum, sjálfur lenti ég í sprungu á svipuðum slóðum og tíma fyrir ári síðan og væru upplýsingar um það ástand nauðsinlegar. Þar af leiðandi gæti verið gagnlegt fyrir þann sem spyr að vita aðkomuna og hvort að menn hafi orðið varir við sprungur sem síðan hjálpar honum að ákveða hvort hann ætti að fara á Eyjafjalljökul eða eitthvað annað.

Datt þetta bara í hug.

Gígur Eyjafjallajökuls er vægast sagt mjög vafasamt svæði. Mér hefur því oft blöskrað kæruleysið í mönnum sem keyra um allan gíg stundum með alla fjölskylduna innanborðs. Þarna eru oft hundruðir bíla á góðviðrisdögum og slóðir bókstaflega alls staðar. Ég held að margir átti sig ekki á því að þeir eru að keyra á mjög, mjög stórum sprungum. Til að skilja hversu stórar þær eru er best að fara þarna um að sumar og haustlagi. Reyndar sést þetta oft glögglega í lágri sól að vetrarlagi. Í guðs bænum farið varlega þarna um það er engin góð leið þarna yfir, bara misslæmar.

Kv. Árni Alf.

Aðeins að halda þræðinum gangandi til að fá fleiri svör um færð.

Kv
Kobbi

Þessi umtædda sprunga sker akstursleiðina þegar þú ekur eftir gígbarminum. Jökullinn er náttúrulega krosssprunginn og stórvarasamur og ekki hægt að ræða um "sprunguna" á Eyjafjallajökli

Kv. Davíð

Var á ferð þarna f. ca. tveim árum. Hópurinn stoppaði við steininn sem liggur Norðanmegin stundum nefndur Goðasteinn. Fyrsti bíll var búinn að fara ca. 75-100 metra beint í austur og datt með framdekkinn ofan í stóra sprungu. Þessi sprunga lá þarna lengst til hægri og vinstri. (norður suður) Mjög djúp sprunga og mér finnst að hámarks kæruleysi ef menn eru að þvælast þarna og jafnvel að hleypa börnum út úr bílunum til að hlaupa þarna um. Á alls að gerast. Við fundum leið yfir sprunguna sem við töldum færa s.s. nær syðri steininum. Málið var að þessi sprunga kannski myndi ekki gleypa bíl en snjólagið yfir henni var ekkert og hélt ekki manni. Ef einhver fullorðin eða tala nú ekki um barn færi niður í svona sprungu þá er alveg eins hægt að koma með kistuna á staðinn strax. Það kemur engin lifandi upp úr svona sprungu aftur eftir svona fall og síðan smella í á milli ísveggja eins og tappi í vínflösku. Ekki beint spennandi dauðdagi þannig að menn eiga að taka þetta ALVARLEGA.

Agust

Hér er [b:3n6t5o3t][url=http://www.f4x4.is/new/forum/?file=ferdir/5149:3n6t5o3t]þráðurinn[/url:3n6t5o3t][/b:3n6t5o3t] frá í fyrra, hann virðist í góðu gildi enn, gott hjá Benna að skella myndinni inn til áminningar.

Þegar ég fór yfir sprunguna í fyrra brá mér fyrst almennilega þegar við fórum að skoða þetta nánar og maður áttaði sig á því hvað maður var að aka yfir. Þegar komið er 2 – 3 metra ofan í sprunguna getur 44" Patrol verið í fríu falli, þetta er stór sprunga.

Það var einfalt að taka þá ákvörðun að ekki skildi lengra haldið, því maður gaf sér það að þetta yrði ekki eina sprungan sem grunnt væri niður á, á fyrirhugaðri leið okkar. Ég var fremsti bíll og góður tími var tekin í það að finna helda snjóbrú fyrir mig til baka, engin hjólför voru á jöklinum þennan dag og við fyrstir upp en við sáum til skíðagöngumanna, svona sprungur eru einnig þeim hættulegar.

Ég hef ekki komið á þenna stað síðan og þekki ekki aðstæður nú, en tel þó að mjög varasamt sé að fara þarna um. Hann er eitthvað að breytast þarna jökullinn, hugsanlegt að ísinn í gígnum sé að síga fram, Gígjökull er orðinn svo lítill og veitir engan stuðning eða eitthvað annað enda bara vangaveltur leikmanns.

Eftir því sem ég hef lesið mér til, þá er Eyjafjallajökull samansettur af ís flekum sem eru allir á hreyfingu og af þeim sökum er jökullinn víða sprungin. Það fer síðan eftir snjóalögum og tíðarfari hvernig aðstæður eru til ferða um jökla, en ferðalög á jöklum eru ALDREI HÆTTULAUS að mínu mati. Þar sem hæðarlínur eru þéttar eru jöklar örugglega sprungir.

ÓE

Í fyrra vor fórum við á nokkrum jeppum á jökulinn og planið var að fara yfir hann. Það var ekki neitt skyggni svo gangandi maður var settur í band þar til við fundum sprunguna, sem var opin. Það hefði verið hægt að finna sér leið yfir hana, en við gerðum það ekki. Hinnsvegar var sigið ofaní hana og hún skoðuð aðeins. Hún breikkaði niður, en var ekki neitt rosalega djúp, ca 7-10 metrar, þar sem við vorum. Það þarf ekki að hætta að ferðast um jökulinn, heldur fara bara varlega og ef það er ekki neitt skyggni að láta sér nægja að fara bara upp, en ekki yfir. Það er alment talað um að sprungur í íslenskum jöklum verði ekki dýpri en 20 metrar, vegna þess að þeir eru þíðjöklar. Eflaust er hægt að finna svelgi og vatnsrásir sem eru mikið dýpri en 20 metrar.

Hlynur

Ég fór á eyjafjallajökul á laugardaginn var og færið var hreint frábært. Ákoma á jökulinn hefur verið nokkuð mikil í vetur en snjórinn hefur bráðnað og frosið aftur þannig að það er þikk ísskel yfir öllu. Við sáum eingar sprungur á vanalegri leið yfir jökulinn. Við fórum upp að vestanverðu og keirðum sem leið liggur niður á Fimmvörðuháls. En að sjálfsögðu verða menn alltaf að fara að öllu með gát þegar keirt er á jöklum og keira þekktar leiðir.
Árni Bald

Ég get ekki verið sammála Árna Alf um það að umræðan sé villandi. Auðvitað þarf að safna upplýsingum um áhættusvæði sem eru alltaf til staðar og koma þeim á síðu. Ef að menn skilja það ekki eða neita að skilja það að jöklar eru hættulegir þá er bara ekkert við því að gera. Þá ferðast þessi menn bara uppá guð og lukku og sleppa vonandi við vandræði.
En það sem er mikilvægara ef að svona síða kæmist á lappirnar er að uppfæra hana reglulega. Ég er alveg sannfærður um að það er þörf á þessu því að það er í hverri viku yfir vetrartíman og sumrin stundum sem er þráður sem hefst á spurningu um færð á jöklum og beiðni um track.

Til dæmis mætti síðan opnast á viðvörunarorðum frá klúbbnum sem útskýrir það hversu hættulegt þetta getur verið.

Aðeins að bömpa þennann þráð. Það stefnir í geggjað veður á sunnudaginn.
Getur enhver sagt eitthvað nýtt af þessari sprungu? Er ekki óhjákvæmilegt að fara yfir akkúrat á þessum stað?

Kv. Steini