This topic contains 78 replies, has 1 voice, and was last updated by 
-
Topic
-
Sælir félagar
Nú líður að stóru vetrarferðinni. Ekin verður leið björgunarmanna Geysis. Á föstudeginum verður farið í Dreka og gist þar. Á laugardeginum verður farið upp á jökul að þeim stað er Geysir liggur grafinn á Bárðarbungu og svo ekið niður af jökli og gist í Nýjadal. Á sunnudegi ekið til Akureyrar aftur. Skráðir eru í ferðina:1 Jóhann Hauks +1
2 Eiður Jónsson
3 Jón Skjöldur
4 Haukur Stef
5 Elías Þorsteins +1
6 Björn Pálsson senior
7 Björn Pálsson junior +1
8 Erlingur Harðar
9 Baldur Pálsson
10Ragnar Jónsson
11Kristinn Ásmundsson +1
12Tryggvi Pálsson +1
13Pétur Róbert
14Kristján Ólafsson +2
15Þórarinn Þórarinsson
16Elmar Sigurgeirsson +1með fyrirvara um villur
kv
Bjössi
-
Replies
-
Jæja, hvernig er það hefur enginn heyrt af ferðalöngum? Hvernig og hvort þeir komust á Bárðarbungu?
Kveðja:
Erlingur Harðar
Heyrði í Árna Hólm í dag þá var búið að hætta við jökulferð, þeir fóru svo niður í Réttartorfu ,voru um 9 bílar sem fóru í bæinn en þeir lentu í brasi í suðuránni affelgaði einn í ánni og þurftu þeir að fá dráttarvél úr byggð til að ná honum upp.
kv
Baldur
Það er ekki gott, en hvað voru þeir að gera í Suðuránni? Voru þeir á leið í Svartárkot, af hverju fóru þeir ekki fljótið? Var það ófært? Skil þetta ekki alveg, hvað varð þá um hina bílana og hverjir voru á þessum 9 bílum…
Það er sem ég segi, við Búðingarnir hefðum átt að fara með til að passa þá!! Þetta eru óvitar…Kveðja:
Erlingur Harðar
Afhverju var ekki Erlingur Harðar til að redda þessu???
Af því bara…
Kveðja:
Erlingur Harðar
Smá ágrip, ég var harðákveðinn á síðustu stundu að renna með upp í Dreka. Fór ásamt F-78 vinum í hóp þeim Eisa, Ragga, Halla, Elmari, Jón Skyldi og Eysteini. Færið upp í Dreka var þægilegt og renndum við þangað að mestu á háadrifinu nema kanski síðustu 10 km. Þar var ekkert drukkið og sungið, bara borðað og sofið. Vöknuðum eins til stóð um 7 leitið við ilm af Hafragrautnum hans Eisa. Flestir fararstjórar voru búnir að slá af Bárðarbungu. Þannig að við héldum af stað suður fyrir Öskju að Þríhyrning, veðrið alger snilld, logn, sól, -22 gráður og 20-40 cm púður ofan á öllu. Frá Þríhyrning út á Hafurstaðrheiði í djúpu púðri og allt eins og blómið eina. Renndum norður heiði í Réttartorfu með skýjabakka, muggu og leiðindi fyrir aftan bakið á okkur. Kveiktum síðan upp og fórum í skreppu inn að Krossá áður en að menn lögðust fyrir í skála og biðu hinna hópanna. Ég vil þakka mínum frábæru ferðafélögum fyrir góðan rúnt, sjálfur fór ég eina bíla í Svartárkot í engu skyggni eftir króka leiðum þar sem að stutt er á krapa. Hafði með mér Bárðdæling til halds og trausts enda ekkert betra en þeir til að stinga undir dekkin í krapa. http://www.þunnir.is koma síðan örugglega með restina af ferðinni..
Kveðja Pétur R.
Ekki tók ég margar myndir úr ferðinni og vona að aðrir séu með myndir en hérna er slóð inn á myndir frá [url=http://picasaweb.google.com/SigrunSigurpals/Drekafer#:ct9i2tmw][b:ct9i2tmw]MÉR[/b:ct9i2tmw][/url:ct9i2tmw] …
kveðja Pétur
Hvernig er það voru ekki teknir fleiri myndir og eru engar sögur úr hinum hópunum???
Heyrði að menn hefðu lent í árekstri í tvígang á fjöllum…
Ég mun koma til með að setja mínar myndir inn á netið um næstu helgi að ég ætla. Er ekki byrjaður að vinna þær vegna anna í skóla. Koma inn fljótlega alla vega.
Varðandi árekstra á fjöllum þá er víst alveg eins gott að maður upplýsi bara það mál áður en einhver annar gerir það…. Illu er best af lokið eða hvernig var það?
Súkkulíus var í vígahug alla vega um helgina. Hann knúsaði brettakantinn á Land Rover örlítið á laugardagskvöldið þegar var verið að gera við millikassapúða. Bíllinn var í gír þegar svissað var á og rauk af stað. Breska heimsveldið tók vel á móti Japanska Herliðinu og gaf sig vel til baka. Japaninn braut smá uppúr stuðara en Bretinn fékk varla rispu…. Sterkt í Land Rover, eða veikt í Suzuki? En alla vega, stuðarinn hjá mér var nú hálf klesstur saman þannig þetta kemur nú ekki að sök. Bjössi lætur bara heyra í sér ef lakkspæjarinn finnur eitthvað við nánari ígrundun.
Seinna vers í klessó var á sunnudaginn þegar bremsurnar á Suzuki vildu ekki virka sem skyldi. Rann á lúsarhraða aftan á Halldór á Tacomu, með sama horn og á Land Rover. Tacoma hlaut skyldist mér á Halldóri ekkert tjón af, plastið fór beint á rörastuðarann góða.
Bæði eru þó leiðindarmál í mínum huga og vil ég alla vega biðja þessa aðila afsökunar á þessum atburðum. Menn eyða miklum tíma og fjármunum til að halda bílum sínum fallegum og í góðu standi.
Annars þakka ég bara fyrir góða ferð og fer þessi túr vafalaust í reynslubankann. Reyni að keyra bara á einn í næstu ferð….. Smá húmor í vonda veðrinu.
Kv, Gunnsi Bremsulausi..
Mannlaus Súkka ók á minn
meirháttar landa
Mannlaus súkka ók á minn
meiriháttar Landa
Japans-koss á Bretlands-kinn
kærleiks gert í andaog koma svo Pétur, þú örugglega gert betur en þetta!
Hafið þið séð sex hjóla súkkuna (Þetta er lengd Vítara) sem var að koma í bæinn, hún stendur á planinu við Sunnuhlíð, helvíti flott. Sex 38", Gunni er greinilega að fá samkeppni. Hef trú á að þessi drífi þokkalega.
kv Elmar
Mannlaus Súkka minn ók á
meirháttar landa
Stubbar ekki stóra sjá
Svona lenda í vanda..Kveðja Pétur R
hans Gunna má nú fara að passa sig.
Var að skoða Súkkuna og er hún mjög flott.
Líka sniðugt að hafa beygjur á aftari afturhásingunni.Kveðja
-Elli-
Cruiserinn til sölu…
Mannlaus Súkka minn ók á
meirháttar landa..
Stubbar ekki stóra sjá
svona lenda í vanda..
—————————-
Falinn "Gunni" finnur þá
félagsskap að blanda..
Ferleg höggin flestir fá
forðist þennan fjanda..
Sex-í á plani Súkka er
sökum hjóla sinna.
Fórum fokking því er ver
fyrsta apríl að finna.
Jæja þá er ég loksins búinn að vinna allar myndirnar úr ferðinni.
Ég hýsi þær á minni eigin síðu og er slóðin:
http://ferdalangar.123.is/album/default.aspx?aid=142261
Svo setti ég líka inn myndir sem kóarinn minn hann Stefán tók:
http://ferdalangar.123.is/album/default.aspx?aid=142282
Ég þakka kærlega fyrir góða ferð.
Kv, Gunnar Lár
You must be logged in to reply to this topic.