Eyðsla á díselbílum

Patrol 1998 á 38" dekkjum er með meðaleyðslu eftir 25 þús km. 16,2 l/100 sem er auðvitað töluvert, en maður getur nú varla búist við öðru en að bíll sem er 2420 kg. eyði einhverju. Hækka olían ekki um 45 kr ?? . Það verður gott að losna við þetta mælavesen.

kv. jsk

Þessir útreikningar eru miðaðir við að bílarnir sé með mæli, ef miðað er við fastagjaldið verða forsendurnar nokkuð flóknari og erfiðara verður að fá klára niðurstöðu. Ef ég man rétt þá er hagkvæmara að vera með mæli ef akstur er undir 24.500 km./ár. ef kostnaður við sjálfann mælinn er ekki tekin með.

kv. vals.

Leggst virðisaukaskattur ofan á 45 krónu olíugjaldið? Ef svo er þá sýnist mér það stangast á við það yfirlýsta markmið að díselolían verði á sviðuðu verði eða aðeins ódýrari en 95 oktana bensín. EF VSK er bætt ofan á 45 krónur gerir það 56,43
sem er meira en verðmunur á bensíni og dísel hefur oftast verið, og þá er ekki tekin með álagning.

-Einar

Fjárhæð olíugjalds skal vera 45 kr. á hvern lítra af olíu.
Lög 2004 nr. 87 9. júní

Lítraverð Atlantsolíu 44,7kr./L. 20.01.2005

Lítraverð + Olíujald * vsk. = FÍB verðlag

44,7 + 45 * 24,5% = 100,7kr./L

Öll gjöld eru lögð á vöruna áður en virðisauki er reiknaður ofan á.

kv. vals.

[code:mgsembtw]
Líter hjá AO: 44,7
án VSK (44,7/1,245): 35,9

ríkið: 45

samtals: 80,90

með vsk (80,90*1,245): 100,73kr
[/code:mgsembtw]

-haffi

sælir mig langaði aðeins að benda á smá. Að þeir sem eiga ekki mikið af pening eiga að fá sér disel þó að þetta fari ígegn sama hver segir,þá hef ég ekki mikin pening til að jeppast og kemur disel vel við þar ef ú vilt eiga jeppa og komast einhvert án þess að eyða tugi þúsunda í bensín! En jú eflaust er gaman að eiga bensín jeppa með nóg af afli en þá þarftu að eiga pening disel eyðir minna:) Þó að diselolía verði hækkuð þá er það samt ódyrara ef þú hefur ekki þykka buddu eins og aðrir, þú getur þó farið í ferð.

Svona til gamans stillti ég kostnaðar forsendum upp í töflur. Þar er hægt að sjá hvað mann græða og hvað þeir tapa á nýju kerfi miðað við forsendur eins og þær eru í dag, 22.01.05.

Í mínu tilfelli kem ég til með að hafa kostnaðarauka upp á 47.242 kr. á ársgrundvelli eftir breytingar. Ég er að keyra ca. 23.000knm/ár og bíllinn er að eyða um 16L/100km.

kv. vals.

Minn er að eiða að jafnaði sirka akkúrat svona um það bil 15 lítrum á hundrað km/h, ef maður miðar við 90 km/h+. Er ekki búinn að eiga hann nógu lengi til að fá út gildandi tölur en ef bíllinn tekur 90 lítra(orginal) og fer sirka 600 km á tanknum þá reyknast mér akkúrat 15 lítrar. Þessi tala á eftir að detta eitthvað niður þegar fer að hlína.

Það er miklu hagstæðara að ferðast á dísel jeppa í snjó á fjöllum heldur en bensín. Það er hægt að segja að þessir "gömlu" bílar sem eru með olíuverki séu eiginlega með FORSTILLTA innspýtingu, þannig að það gengur að meðaltali jafnara á eldsneytið þar á móti bensín bíl sem breytir innspýtingunni í takt við hitastig (álag) vélar-útihitastig og inngjagargleði ökumanns. Eini raunhæfi bensín-bíllinn til að breyta á fjöll er nýlegir suzuki; Þeir eru svo léttir miðað við afl (sem er meira í 2000CC Grand Vitara en í 2400CC Hrælúx).

Jæja, félagar. Það er nú komið í ljós að það sem við óttuðumst margir, þegar loksins var samþykkt að breyta úr innheimtu sérstaks þungaskatts á diesel bíla yfir í lítragjald, að verð diesel olíu yrði hærra pr. lítra en bensínverð, öfugt við það sem gerist t.d. í Þýskalandi, sem menn hafa oft verið að vitna til. Ástæðan? Jú, það eru nokkrir pótintátar í fjármálaráðuneytinu, tekjudeild, sem hafa þá sannfæringu, að eigendur diesel bíla megi ekki njóta þess hagræðis, sem er af minni eldsneytisnotkun pr. orkueiningu/vegalengd í dieselvél en í bensínvél.Svo bætist við rótgróið hatur ákveðins hóps í garð jeppa og jeppaeigenda. Sá hópur vill gjarnan sérsköttun jeppa umfram önnur samgöngutæki, ef ekki banna þá alveg. Telur sig e.t.v. vera að ná einhverjum áfangasigri í þessu efni. En það er alveg ljóst að jeppar, sem daglega er ekið á 35" og upp úr, eru með meðaleyðslu yfir árið frá 14 – 15 lítrum pr. 100 km og auðvitað sumir talsvert meira. Hafi maður verið að aka það mikið að fastaskattur hefur verið hagkvæmur, er alveg ljóst að kostnaður mun aukast talsvert. Svo er reyndar fleira í þessu, það er meiningin að sérskatta flutningabifreiðir umfram þetta með mælaskatti. Það mun hafa veruleg áhrif á kostnað okkar á landsbyggðinni, en við eigum gott ráð við því; við flytjum bara til mannabyggða. Hvað um það; ég er ákveðinn að fá mér Suzuki XL7 með 6 cyl. bensínvél. Góður bíll, hagkvæmur í rekstri, þokkalegt afl – hvað vilja menn meira?