evrópusambandið

Flott hjá þér Bazzi að vekja athygli á þessu. Þetta segir manni að klúbburinn okkar þarf að hafa frumkvæði að því að koma sínum sjónarmiðum á framfæri við nefndina, en ekki bíða eftir að verða boðaður á fund. Stjórnarfólk, nú þarf að vinna hratt og fá okkar færasta fólk til að semja bréf og greinargerð til nefndarinnar!

Það er nú ekki margt sem við þurfum að vita um reglur ESB sem jeppamenn.
Það er í raun einungis hvort við getur fengið að halda áfram óbreyttri stefnu í jeppabreytingum. Það getum við ekki nema að fá undanþágu, og undanþágur eru ekki eitthvað sem auðvelt er að fá innan ESB. Vísinn af þessu var flækjustigið sem AT lentu í við breytingar á 38 tommu jeppa. Það væri fróðlegt að fá erindi frá AT um þessi mál á mánudagsfundi. Ég sé ekki heldur fyrir mér að það sé neitt létt verk fyrir tækninefndina að fá sólkár svör við þessum spurningum, í 120.000 þúsunda lagabákni Brussels.

Til þess að fá í gegn óbreyttar reglur um jeppabreytinga á íslandi. Þá þarf :
2 Þá þarf að senda evrópunefndum flokkanna okkar sjónarmið
3 Þá þarf að taka ákvörðum um það að ganga til ESB viðræðna
4 Allir stjórnmálaflokka nema einn eru á móti samningaviðræðum um ESB
5 Það þarf að finna smugur í reglugerð um dreifbýlisreglugerð ESB um sérstöðu okkar ( urbefolkning ) þ e að vera í flokk með Sömum ( Löppum ) en til eru sérákvæði
6 Þegar kemur að samningaviðræðum við ESB, þá verður klúbburinn allur að hanga hreinlega á öxlum samninganefndar íslands og ekki einungis tækninefnd og stjórn. Því við erum jaðarhópur og ekki efstir í goggunarröðinni þegar kemur að samningum. Og svona smámál gleymast fljótt í stóra dæminu, sérstaklega ef við ætlum okkur inn í ESB á hnjánum einsog nú virðist vera að fara verða raunin.

Það er til fullt af jeppum í evrópu, sem eru keyrðir á milli staða á vögnum t.d í Svíþjóð.
Jú þetta er einfalt. Við þurfum að fá að halda í núverandi reglugerði í jeppabreytingum.

Fínt mál að vekja athygli á þessum málum hér og það hefur verið gert áður.

Tækninefnd byrjaði að skoða þessi mál í upphafi skipunartíma síns, en þó ekki af krafti fyrr en nú í haust.

Í því tilliti erum við meðal annars að skoða þær reglur og prófanir sem að þarf að uppfylla í svíþjóð og bretlandi. Í báðum þessum löndum má smíða bíla frá grunni og skrá á götun að uppfylltum ákveðnum skilyrðum.

Við höfum þegar átt fund með Arctic Trucks mönnum og höfum einnig látið áhyggjur okkar í ljós við samgönguráðuneytið og væntanlega munum við reyna að fá mann þaðan til að fara yfir þessi mál með okkur á félagsfundi.

En það er klárt mál að við þurfum að hafa okkar á hreinu og koma okkar sjónarmiðum allstaðar að þar sem að við á.

Kveðja

Benedikt Magnússon
Formaður tækninefndar

Heimild http://heimssyn.blog.is/blog/heimssyn/entry/331036/ Samkvæmt niðurstöðum rannsóknar brezku hugveitunnar Open Europe frá því í marz 2007 taldi lagasafn Evrópusambandsins þá 170 þúsund blaðsíður. Fram kemur í niðurstöðunum að ef allar þessar blaðsíður væru lagðar hlið við hlið á langveginn myndu þær ná yfir rúmlega 50 kílómetra vegalengd. Ennfremur að þyngdin á þeim væri 286 kíló og væri þeim raðað í einn stafla myndu þær ná 11 metra hæð. Þessu til viðbótar sagði í niðurstöðum rannsóknarinnar að meira en 100.000 blaðsíður af lagagerðum hefðu þá verið framleiddar í Brussel undanfarinn áratug og að samtals hefði Evrópusambandið samþykkt 666.879 blaðsíður af lagagerðum síðan það var sett á laggirnar í marz 1957. Væri þeim raðað saman næðu þær yfir 193 kílómetra vegalengd. Heildarfjöldi lagagerða sambandsins í dag mun vera vel yfir 130.000. Samkvæmt niðurstöðum annarrar rannsóknar Open Europe eru starfsmenn Evrópusambandsins nú um 170.000 talsins sem er sambærilegt við það ef allir íbúar Reykjavíkur, Kópavogs og Hafnarfjarðar störfuðu fyrir sambandið eða meira en helmingur allra íbúa Íslands.

ættli þetta virki…segjum sem svo að bannað væri að breyta jeppum ættli þetta ætti þá við þá gömlu jálka sem fyrir eru í gangi þ.e fengjum við ekki að aka út úr þeim jeppum sem fyrir væru breyttir?

Það er auðvitað hárrétt hjá Jóhanni að jeppar breyttir eftir íslenskum aðferðum og stöðlum eru oft nauðsynlegir og gegna mikilvægu hlutverki fyrir marga. Augljósasta dæmið er auðvitað björgunarsveitir en það má benda á marga fleiri. Það er líka rétt að einhverjir greifar í Brussuseli hafa enga hugmynd um þessa hluti og reyndar er ég nokkuð viss um að slatti af íslenskum þingmönnum hafa ekki hugmynd um afhverju stór dekk séu nauðsynleg. Ef málið liggur þannig að það þurfi í framtíðinni að fá einhver samþykki ESB fyrir þessum breytingum þá er það bara sama vandamál og var hér fyrir 25 árum, eini munurinn er að skriffinnarnir eru í öðru landi. Vissulega fáránlegt í sjálfu sér en mér sýnist á öllu að það verði niðurstaðan, hvaða skoðun sem menn hafa á ESB. Krónan er búin að kosta okkur mikið upp á síðkastið og hefur í raun verið þjóðinni dýr lengi ef maður spáir í það og allar líkur á að það muni síst batna til lengri tíma litið. Í dag eru almennilegir fjallatúrar varla á færi venjulegs fólks fjárhagslega, svo ekki sé talað um ef eitthvað bilar og varahlutakostnaður bætast ofan á. Lítið gagn af breyttum jeppum við þær aðstæður. Það er margt sem má setja spurningamerki við varðandi ESB en þegar verðlag hér ræðst af gengi gjaldmiðils sem á nánast allt undir duttlungum alþjóðlegra spákaupmanna þá eru ekki margir fýsilegir kostir í stöðunni. Allavega gott að tækninefndin er komin á fullt við að undirbúa okkur málið, það er mikið verk sem þarf að vinna og hvort sem okkur líkar betur eða verr endum við innan sambandsins fyrr eða síðar.
Kv – Skúli

Menn/konur tala fjálega um ESB, segja að þetta er svona eða hinsegin, allt verður betra eða allt fari til andskotans, Spánverjar veiða allt upp í kartöflugarða eða við fáum undanþágu frá fisveiðistefnunni, vextir fara niður um leið og atvinnuleysið fer upp eða öfugt, fólk tapar eignum sínum eða græðir fleiri, sækja um aðild og setja það svo í kosningu, bla bla og allt í þeim dúr.
Það virðist engin vera að tala af viti, það sem ræður munnræpu mælenda er hvoru megin menn standa við Atlantsála.
Það er talað um að sambandið sé myntbandalag dö-, þetta er pólitískt ástarsamband.
Það er tala um að upptaka evrunnar sé eini möguleikinn á að bjarga efnahag þjóðarinnar dö-, við erum ríkasta þjóð í heimi miðað við hæð yfir sjávarmáli.
Við skulum bara tala mannamál og viðurkenna það að við vitum ekki rassgat út á hvað þetta gengur, eru þessir strumpar í Brussel að spá í jeppabreytingar á Íslandi !!. Eða hvort við eyðileggjum snjóinn með því að keyra á honum !!!.
Ég er næstum á því að senda nefnd til Brussel til að fá það á hreint út á hvað svona ástarsamband gengur en þegar Sjálfstæðismenn verða orðnir ESB-sinnar þá koma þeir klárlega til með að ljúga að okkur, eins og stjórnmálamönnum er tamt, til að plata okkur inn í þennan óskapnað.
Bæði Bretar og við höfum lýst hr. Brown sem hrekkjusvíninu í skólanum sem leggst á minnsta félagann til að ganga í augun á stelpunum en þá ætlum við að flytja heim til hans svo hann geti lamið okkur þegar honum hentar.
Það tók okkur Íslendinga margar aldir að brjótast undan oki annarra þjóða og við ætlum að gefa afkomendum okkar það í arf að halda þeirri baráttu áfram.
Máltækið “þangað leitar Asninn þar sem hann er kvaldastur“ á vel við á þessum tíma.
kv. vals.