ESB aðild

Tek undir þetta, við þurfum að hafa á hreinu hvort einhverju í okkar sérhagsmunum sé ógnað. Fyrsta spurningin kannski er einfaldlega eru yfir höfuð einhverjar reglugerðir á vegum ESB um breytingar á bílum eða eru bara lókal reglur í hverju landi. Það er það fyrsta sem þarf að fá staðfestar upplýsingar um og hlytur að liggja einhvers staðar fyrir. Síðan ef einhverjar slíkar reglugerðir eru til er þá næsta skref að kryfja þær, ef þær eru ekki til getum við hætt að hafa áhyggjur af þessu og látið duga að haldið áfram að hafa áhyggjur af íslensku stjórnvaldi.
Kv – Skúli

Rétt er það Benni, það þarf að vera á tánum í þessum málaflokkum báðum. Og þá sérstaklega hérna innanlands. Það hopum við frá hverri víglínunni til þeirra næstu. Sumir félagsmenn hafa þó ló vilja líta á þetta stanslausa tap okkar undanfarinn ár sem sigra. En þjóðgarður sem fylgir reglugerð um hvað má og hvað má ekki er ekki bætt aðgengi.
Klúbburinn verður að fara að taka á þessu að hörku. Í því sambandi hef ég og Tryggvi lagt til að lögum klúbbsins verði breitt til þess að hnykkja á hagsmunatengslum klúbbsins

1 Tillaga að nýrri 2. grein.
Markmið félagsins eru:
Að standa vörð um ferðafrelsi félagsmanna.
Að ná til sem flestra sem áhuga hafa á ferðalögum um landið á fjórhjóladrifsbifreiðum.
Að gefa gott fordæmi um umgengni og verndun landsins með jákvæðri eftirbreytni og umræðu um náttúruvernd.
Að gæta hagsmuna félagsmanna varðandi búnað fjórhjóladrifsbifreiða og annað er lýtur að fjórhjóladrifsbifreiðum og ferðalögum í samráði við viðkomandi yfirvöld.
Að efla þekkingu félagsmanna á öllu því er við kemur útbúnaði fjórhjóladrifsbifreiða og ferðalögum um byggðir og óbyggðir landsins.
Að efla tengsl og kynni félagsmanna.

Þá kæmi eftirfarandi setning inn í 2 gr laga. Tilgangurinn væri sá að minna félagsmenn á það að klúbburinn er í grunninn hagsmunafélag jeppamanna. Ef oft virðis það gleymast.
( Að standa vörð um ferðafrelsi félagsmanna. ).

Þegar mesta umferðin er um Kverkjökul að sumri af gangandi. Þá er jökulinn líka ófær farartækjum. Af hverju er þetta bann þá sett á, af Þórhalli Þorsteinssyni og félögum. Er þetta svona svipur hugmynd og
Bann við því að hafa gæludýr laus í þjóðgarðinum
Banni við því að tjalda á jökli
Skilda að hafa samband við þjóðgarðsvörð er maður færi inn yfir þjóðgarðslínu á jökli
Minnir að það hafi einnig verið eitthver reiðhjólabann þarna líka.
Þetta voru meðal annars hugmyndir að reglugerðarákvæðum

Það sem þarf auðvita að setja í reglugerð er að reglugerðarsmiðir ríkisins, séu almennt skynsamir

Við eru að verða reglugerðaland dauðans. Eitt gott dæmi um hvað ESB hefur skilað okkur eru hraðatakmarkara í jeppa/pallbíla sem eru yfir 3.5 tonn. Þetta er ekki í boði í pallbílum frá USA og þarafleiðandi er ekki hægt að nýskrá lengur Ford F350 og sambærilega bíla. Eins hefur reglum verið breytt þannig að Ford Econoliner fæst ekki skráður lengur sem hópferðabíll, allt er þetta ESB að þakka. Klárlega eru eitthvað meira skemmtilegt til í pokahorninu hjá ESB til að gleðja okkur jeppamenn, sama hvað Robert Marshall dásamar þetta á fundi hjá 4×4.

Hvað Vatnajökulsþjóðgarð varðar er sagt að uppbygging á honum kosti 1.300 m.kr. Mér þykir þetta vera sóun á peningum og þessi upphæð er alltof há. Í ár á hann að fá 342,5 millur, en þá peninga er hægt að nota í skárri hluti en þessa vitleysu.

Góðar stundir

Í ljósi þess að Ofsi hefur fjallað mikið um það á undanförnum árum að með inngöngu í ESB verði jepparnir okkar örugglega bannaðir með öllu, sem skv. ofansögðu er ekki rétt, þá verð ég eiginlega að benda honum á að bönnin sem hann talar um hérna í sambandi við þjóðgarðinn eru með sama hætti, þ.e. ekki til.
Bann við því að hafa gæludýr laus í þjóðgarðinum: Ekkert slíkt bann, hins vegar segir í reglugerðinni að gæludýr skuli vera í öruggri vörslu eigenda sinna. Varla er það ósanngjörn krafa á hundaeigendur að passa upp á kvikindin.
Banni við því að tjalda á jökli: Nei það er ekki bannað að tjalda á jökli.
Skylda að hafa samband við þjóðgarðsvörð er maður færi inn yfir þjóðgarðslínu á jökli: Neibb ekkert í reglugerðinni né lögum kveður á um þetta.
Reiðhjólabann: Þarna kemst hann kannski næst einhverju raunverulegu því í reglugerðinni segir að umferð reiðhjóla sé heimil á göngustígum nema sérstök bönn kveði á um annað. Það þýðir að líklega verða sett bönn um umferð reiðhjóla á fjölförnustu stöðunum svosem í Skaftafelli. Fyrir allnokkrum árum hjólaði ég Laugaveginn (ekki Laugaveg 101 heldur úr Laugum í Mörk). Gekk í sjálfu sér ágætlega en eftir að hafa prófað þetta hef ég miklar efasemdir um að hjólaumferð á þetta fjölmennri gönguleið. Við vorum á köflum örugglega talsverð truflun fyrir gangandi. Þess vegna sé ég ekki mikið að því að sá möguleiki sé fyrir hendi að banna reiðhjólaumferð á einhverjum göngustígum innan þjóðgarðsins.
Mitt point er bara það að það er heppilegra að byggja á raunveruleikanum frekar en draugasögum, hvort sem menn eru að velta fyrir sér ESB eða þjóðgörðum.

það var nú að heyra á Kolbrúnu í hádegisfréttum í dag að hana langaði til að vera umhverfisráðherra áfram þó hún væri ekki þingmaður lengur þannig að hún er ekkert endilega atvinnlaus ennþá.

Kv, Óli

Jón, við þurfum ekki að hafa áhyggjur af hugmyndum um reglur sem ekki verða að veruleika. Það eru reglurnar sem eru í samþykktri reglugerð sem skipta máli. Það er ekki nema von að þetta misskiljist hjá þér því þú ert meira að segja tvísaga þarna í síðasta pistli þar sem þú endar hann með að segja
‘Þessi umræddu bönn sem ég taldi upp voru inni í reglugerð’
Þetta er auðvitað ekki rétt því þessi bönn hafa aldrei verið inni í reglugerð. Eitthvað af þessu hefur verið sett fram í reglugerðaDRÖGUM en hafa aldrei ratað í reglugerð sem er allt annar hlutur. Það sem kemur fram í drögum er í raun bara hugmyndir sem er varpað fram til umræðu. Svipað og hugmyndir sem hafa komið fram um t.d. virkjanalón í Þjórsárverum sem átti að ná upp að Hofsjökli, það var hugmynd sem einhverjir settu fram en varð ekki að veruleika vegna þess hversu vitlaus hún er, eða lón í Arnardal fyrir Jökulsá á Fjöllum sem hefði skrúfað fyrir Dettifoss, hugmynd sem heldur ekki varð að veruleika. Það er auðvitað fullt svona af vitlausum hugmyndum sem aldrei verða að verðuleika. Það er auðvitað athyglisvert að svona vitlausar hugmyndir komi upp en blessunarlega er ýmislegt sem kemur í veg fyrir að vitlausar hugmyndir verði að veruleika. Í tilfelli hugmynda að vitlausum reglugerðaákvæðum er Samút eitt af því sem kæfir þær í fæðingu og eftir að það er búið að því skipta þær ekki máli. Reyndar er þetta athyglisvert í því samhengi að Ofsi hefur stundum sett fram þá skoðun að varnarbarátta okkar fyrir ferðafrelsinu hafi ekki skilað neinum sigrum, en þarna eru auðvitað mjög skýr dæmi um hið gagnstæða.
Kv – Skúli