This topic contains 8 replies, has 1 voice, and was last updated by 
-
Topic
-
Held reyndar ekki, en hvers vegna matreiðir umboðið nýja LC-120 bílinn sem nýjan LC-90? Mér var sagt að það væri til að „einfalda“ málin fyrir eigendur LC (færri númer að muna). Einnig að eigendur LC-100 yrðu afbrýðisamir ef nágranninn væri allt í einu kominn á ódýrari jeppa með voldugra raðnúmeri. Þetta sagði mér sölumaður hjá Toyota.
Er Toyotaumboðið ekki að sýna eigendum svolitla lítilsvirðingu með þessu? Hvað finnst mönnum? Finnst ykkur ekki frekar hallærislegt að skálda vitlaust númer í staðinn fyrir að kalla bílinn það sem hann er nefndur frá verksmiðjunnni? Ég er á því að þarna hafi markaðsmenn Toyota hér skitið í rjómann!
-
Replies
-
Ég held ekki að þessi lýsing eigi við um þá toyota eigendur sem ég þekki, en þetta er vísbending um það hvert álit þeir hjá umboðinu hafa á viðskiptavinum sínum. Er ekki lang einfaldast að nota bara það nafn sem íslendingar hafa gefið þessum bíl: [b:3jc3drw9]Barbí.[/b:3jc3drw9]
Anonymous- Umræður: 0
- Svör: 16404
Hvað er svona slæmt að eiga Toyotu ? Er nauðsynlegt að vera að rassskellast svona út í okkur Toyota eigendur. Það hlýtur eitthvað mikið að hafa verið gert á hlut ykkar "ekki Toyotu eigenda" Hvernig væri að reyna að vera svolítið málefnalegir og hætta þessu rugli. Bíll hvers og eins er hans einkamál og finnst mér mikill óþarfi að vera með svona niðurtal (Lalli skrifar: heimskir og hégómlegir tittir?:). Ekki hef ég orðið var við að Toyotu eigendur séu að niðurlægja Patrol, Cherokee eða hvaða bíltegund sem er og hvað þá eigendur þeirra. Það má vera að 90 bíllinn sé með veikt framdrif, er það ekki mál okkar sem eiga bílana. Ekki er ég að brjóta neitt í Nissan eða Cherokee þegar mitt framdrif brotnar.
Ég tók þetta nú ekki sem skot eða svívirðingu gagnvart Toyota eigendum heldur skot á markaðssetningu umboðsaðila Toyota.
JHG
Kæri Sveinbjörn.
Þú hefur greinilega lesið greinina mína standandi á haus. Auðvitað er ekkert að því að eiga Toyotabifreið (smá jákvæð stroka hér), ég er hvorki að niðurlægja þig eða þína vini. Það sér umboðið þitt um. Lestu nú upphafsgreinina aftur og athugaðu hvort þú náir ekki samhenginu í annarri atrennu.
Sú ákvörðun að kalla nýja LC 120 sama nafni og gamli LC 90 er víst pólitísk ákvörðun frá stjórnendum Toyota hér á Íslandi. Þetta á víst m.a. að einfalda markaðsetninguna og hafa ekki of mörg númer til að rugla kaupandann. Þeir hjá Toyota hafa greinilega ekki mikið álit á kaupendunum ef einhver númer eiga á rugla þá! Persónulega held ég að þessi bíll selji sig alveg sjálfur óháð númerum! Ég myndi alla vega kaupa mér einn á 38" ef ég ætti nóg af peningum, hann er ekkert smá flottur!
Þessi númer eru í raun miklu flóknari en gefið er upp. T.d var hætt að selja LC 90 fyrir þónokkru síðan og tók LC 95 við með 4D vélinni. Vélin er það eina sem er sameiginlegt með LC 95 og LC 120, en LC 120 er annars alveg nýr bíll frá grunni og þ.a.l. ekkert skyldur LC 90. Það er bara hætt að framleiða LC 90 og LC 95 og kemur LC 120 í beinu framhaldi þar af og því auðvelt að kynna hann sem "nýjan" LC 90 til að "flækja" ekki málið of mikið! Eitthvað hef ég heyrt um að væntanlegur sé nýr LC 100, en hann mun væntanlega heita frá verksmiðjunni eitthvað annað en LC 100 eins og t.d. LC 130 eða LC 140, hver veit! En eitt er víst, hann verður örugglega markaðssettur sem "nýr" LC 100 á sömu forsendum og LC 120 er markaðssettur sem "nýr" LC 90. LC 105 er aftur á móti mjög skemmtilegur bíll sem ég hef þónokkra reynslu af, en aðeins eru til um 3 eintök af honum hér á landi en mættu vera fleiri. Ef einhver er að velta því fyrir sér hvað LC 105 er þá er það "NATO" útgáfan af LC 100 (standard). Heil hásing að framan, en LC 100 bodýið. Aftur á móti væri lang best ef það væri ennþá framleiddur LC 80 en það er miklu meiri jeppi en nokkurn tímann allt annað í LC númeraröðinni. Náðu ekki allir þessu? Einfalt ekki satt!
Mér er alveg sama hvað þeir hjá Toyota segja en þetta er bara Landcruiser 120 í mínum huga og mun ég ekki kalla hann neitt annað. Þegar tveir aðilar eru að tala um hvernig bíl þeir eiga og báðir segjast eiga LC 90, en annar er í raun með LC 90 (eða LC 95) og hinn með LC 120, þá er það alveg ljóst að þeir eru með tvo ólíka bíla og eru að bera saman svart og hvítt. Skv. Toyota eru nú þegar til þrjár mismunandi tegundir af LC 90 og finnst mér það ekki einfalda málið því enginn veit hver þessara þriggja gerða er í umræðunni. Þess vegna er verið að nota númerin til að aðgreina bílana, en ekki til að auðvelda markaðssetningu.
Ég hvet því alla til að nota LC 120 um nýja Landcruiserinn til aðgreiningar. Barbí er svo eitthvað sem fylgdi "gamla" LC 90 bílnum, en nýi LC 120 er eitthvað miklu meira. Hann er kannski bara "Ken"!!! Hver veit!
:o)
LC XXX-kveðja,
R-2170.
Anonymous- Umræður: 0
- Svör: 16404
Svo til að flækja málið enn frekar er mismunandi eftir löndum hvað bílarnir heita. Sumstaðar er t.d. gamli Barbí kallaður Prado og það nafn held ég sé notað um 120 bílinn á sömu mörkuðum (sjá http://www.autonavigator.ru/autonew/toyota-prado.shtml). Rétt eins og Hilux þekkist víða undir nafninu Tacoma.
Annars vildi ég sjá 4Runnerinn aftur á markaði hér, hann er eins og ævinlega skemmtilegur að sjá (http://www.toyota.com/4runner/minisite/gallery.html)
Kv – Skúli
Eftir því sem ég einna best veit, þá er hann mest megnis HZJ80 með yfirbyggingu af 100 bíl.
Eiginlega er ekki heldur rétt að kalla hann sameinuðuþjóða bíl, því hann er seldur á opnum markaði á ýmsum stöðum í heiminum, og er ekkert víst að 105 sem er á hinum opna markaði sé nákvæmlega eins og þeir sem framleiddir eru fyrir UN. UN virðist nefnilega hafa átt það til í skjóli stærðar sinnar að láta framleiðendurnar gera ýmsar smábreytingar á bílunum fyrir sig. Hvaðan þessir 3 bílar koma hinsvegar nákvæmlega hef ég ekki hugmynd um.Fyrir þá sem hafa áhuga á öðruvísi Toyota bílum þá er þess virði að kíkja inn á
Rúnar.
Toyota flutti inn einn LC 105 UN bíl og er hann björgunarsveitarbíll á 38" í dag. Það var mikið vesen að að fá þennan bíl samþykktan inn í landið vegna mengunarvarnareglugerðarfaragani. Þetta var fyrsti LC 105 bíllinn sem var fluttur inn og var hann án tölvustýrðu olíuverki, turbínu og intercooler og einnig engar læsingar.
Úr þessum bíl var svo smíðaður mjög flottur og skemmtilegur jeppi á 38". Hinir tveir voru fluttir inn framhjá umboði og er annar á 38" en hinn á 44". Fjórði bíllinn gæti verið til, en ég veit það ekki fyrir víst. Mér skilst að bílarnir sem voru fluttir inn framhjá umboðinu sé ekki UN týpur og meira í þá lagt. Það er kannski einhver sem veit meira um þetta en ég.
Kv,
R-2170.
You must be logged in to reply to this topic.