This topic contains 5 replies, has 1 voice, and was last updated by 
-
Topic
-
Sælir,
keypti mér ódýr „þokuljós“ sem ég ætla að setja framan á Pajeroinn, í stuðarann þar sem stundum eru þokuljós (ekki á mínum). Þetta eru Sirius NS29 http://www.ns-sirius.com/public/products/85.gif frá Stillingu og stendur á þeim „Classic fog/foul weather lamp“. Perur eru 55W H3. Ég ætla þá til notkunar í skafrenningi eða þoku utan þéttbýlis og þá helst með bara stöðuljósum.
Þá er það spurningin, eru þetta skv. íslenskum lögum þokuljós eða ljóskastarar? Afgreiðslumaðurinn í Stillingu sagði að ég ætti að tengja þetta inn á háljósin, en mér er það þvert um geð, vil geta notað þetta án þess að blinda sjálfan mig með háljósum í viðeigandi skyggni. Er búinn að ná mér í rofa með gaumljósi til að stýra þessu og vil helst geta haft þetta þannig að ég geti kveikt á þeim með stöðuljós kveikt, hvort sem önnur ljós eru á eða ekki, en þannig að þetta virki ekki með dagljósunum (þá er ég ekki óvart með kveikt á þessu innanbæjar).
Hvað segið þið sem eruð fróðir um ljósabúnað, mun ég geta sannfært skoðunarmenn um að þetta séu í alvöru þokuljós og megi koma á með stöðuljósum?
Svo er spurning um annan ljósabúnað. Bíllinn er ekki með jeppaskoðun, þannig að ég trúi að ég þurfi hlífar yfir kastara þegar ég fæ mér svoleiðis framan á bílinn. Mér á hins vegar að vera óhætt að setja vinnuljós á hliðar og aftaná, á sérrofa með gaumljósi, tengt við stöðuljós? Ætlaði að setja tvö á hvora hlið og tvö aftaná og nota litla kastara í það frekar en fullvaxin vinnuljós.
-
Replies
-
Sæll
Það er aldrei að vita hvað þessum skoðunarköllum finnst en ég myndi segja að gröfin 2 á síðunni sem linkurinn bendir á er af dreifiljósum. Ég sé reyndar ekki fjarlægðartölurnar en ef þetta væru kastarar ætti grafið að vera lína beint út frá ljósinu. Sirius er líka með ljós sem eru þannig að það er beinn geisli og línur til hliðar en skoðunarkarlarnir í Fellabæ sögðu mér að þeir myndu meta þá sem kastara (sem mér fannst ekki endilega rétt).
Ef bíllinn hjá þér er ekki breytingaskoðaður má hann skv reglugerð um búnað og gerð ökutækja eingöngu bera 1 par af þokuljósum tengd þannig að þau logi einungis með parkljósum og í gegnum sérrofa með gaumljósi. Það að nota parkljósatenginguna tryggir það að ljósin logi aftaná bílnum. Að sjálfsögðu loga parkljósin alltaf bæði með háa og lága geislanum og stök.
Kv Jónsi
Sælir.
Setti kastara framan á minn ( IPF ) með háum og lágum geisla og eins og margir vildi ég geta kveikt á þeim án þess að þurfa að kveikja á háa geislanum. Spáði svo ekkert meira í þessu og fór svo í skoðun nokkru seinna og fékk endurskoðun vegna þessa, og reyndar annars líka en hann merkti við þetta.
Svo núna í ár þegar ég fór með hann tók ég nú bara kastarana af bílnum, stakk snúrunum innfyrir grill, og ekkert mál. Smellti þeim svo bara á aftur þegar ég kom heim. Nett svindl en so what.Kv
Pétur
Strákar, strákar, strákar.
Þið eruð að horfa framhjá auðveldustu og jafnframt langbestu lausninni.
Þið eigið að vera með takka til að kveikja á kösturunum. Svo eigiði að vera með annað takka (takka sem hefur þrjár stöður, ON1, ON2 og OFF). Í þennan takka eru stöðugur + tengdur og svo háu ljósin. Úrtakið úr þessu takka notiði svo í hinn takkann.
Þá getiði alltaf valið hvort að kastarinn kveiki bara á sér á takkanum eða komi á með háuljósunum.
[quote="gthb":1jdc0znh]Strákar, strákar, strákar.
Þið eruð að horfa framhjá auðveldustu og jafnframt langbestu lausninni.
Þið eigið að vera með takka til að kveikja á kösturunum. Svo eigiði að vera með annað takka (takka sem hefur þrjár stöður, ON1, ON2 og OFF). Í þennan takka eru stöðugur + tengdur og svo háu ljósin. Úrtakið úr þessu takka notiði svo í hinn takkann.
Þá getiði alltaf valið hvort að kastarinn kveiki bara á sér á takkanum eða komi á með háuljósunum.[/quote:1jdc0znh]
Er ég að miskilja eitthvað eða er ekki nóg að vera með 1 takka ON1=kveikt á kösturum frá stöðugum, ON2=Háljós, OFF=[b:1jdc0znh]OFF[/b:1jdc0znh]
Jú, auðvitað er það nóg, þetta fer bara eftir sérvisku hvers og eins. Takkarnir sem ég er með í takkaborðinu mínu fást bara í ON/OFF en ekki svona þriggja stöðu.
You must be logged in to reply to this topic.