This topic contains 38 replies, has 1 voice, and was last updated by 
-
Topic
-
Núna áðan fékk ég póst frá Ólafi Hauk Magnússyni olafur@hellyhansen.is þar sem mér er boðið á fjandans útsölu. Að fá slíkan póst er í sjálfu sér ekkert nýtt, maður bara hendir því sem hverju öðru rusli. Það sem vakti þó athygli mína er að ég kannaðist við ótrúlega mörg netföng á listanum. Við nánari eftirgrenslan sé ég að þau eru öll á meðlimi 4×4. Því spyr ég; hefur póstfangalisti meðlima verið seldur? Sé svo þá vinsamlegast endurgreiðið mér árgjaldið, strikið mig út af listanum og hvaðeina… Nei ekki á ég nú von á því nema viðkomandi sé á höttunum eftir vandræðum. Hvað um það ég skora á alla að senda þessum ágæta Ólafi stórt viðhengi og kæfa kallinn í ruslpósti. Netfangið hans er olafur@hellyhansen.is
Kveðja E.Harðar
-
Replies
-
Þetta er í rauninni ekkert öðruvísi en þegar fólk fléttir upp símaskránni og hringir síðan og býður einhvern óþarfa,eða einsog Gallup gerir-hringir í tíma og ótíma og biður fólk að svara einhverjum bull spurningum.
Litríkur ef peysan er gömul og bleik,þá labbar maður bara einfaldlega út aftur,
Ég var ein af þeim sem fengu þennan "ófögnuð" í tölvupósti og er hreint ekki ánægð. Ég hefði nú talið að þegar netföngin okkar birtast á netinu að þá sé það til þess að þeir sem hafi áhuga á félagsskapnum geti haft samband við þá sem eru í honum. Í mínum huga var þessi sölumaður hjá HellyHansen að misnota þessar upplýsingar alvarlega og núna er ég svo fúl út í HellyHansen að ég ætla ekki að stíga fæti þar inn, sama hvað þeir eiga flottar snjóbuxur! Svona aðgerðir kalla bara á viðskiptaÓvild.
Erlingur, viltu hjálpa mér við að strappa Benna við sófann svo ég missi hann ekki suður á útsölu? Ég vil síður þurfa að fara í hefndaraðgerðir á bænum og klippa gat á úrmóðins, bleiku peysuna sem hann myndi kannski kaupa.
Kv.
Alma
Hinn skagfirski ritari Eyfirðinga
Svona hvað er þetta elskan.
Svona póstar gera oft heilmikið gagn mansu til dæmis hvað allur pósturinn um viagra gerði fyrir okkur ha…
Kv.
Þinn
Anonymous- Umræður: 0
- Svör: 16404
Strákar þetta gæti nú verið tækifæri fyrir okkur. Eins og alþekkt er þá fá konurnar alltaf einhverjar flíspeysur í þessum kvennaferðum. Gjörsamlega óþolandi kynjamisrétti! Hvernig væri nú að vera svolítið flottir og gera góð kaup og mæta allir í næstu ferð í bleikri HellyHansen útsölupeysu!!!
Mér sýnist á öllu að sölumaðurinn hafi nú þurft að hafa talsvert fyrir þvi að safna netföngunum, það er nú útaf fyrir sig virðingavert. Þetta er ekki klassískt spam því netföngin eru hér valin m.t.t. markhópsins sem er ekki gert með spam-póst. Ég myndi frekar kalla þetta markpóst. Ég veit hins vegar ekki hvort Viagra tilboðin flokkist sem markpóstur eða hvers vegna Eik og Benni komust á þann lista. Hins vegar er rétta aðferðin hjá söluaðila að byrja á að senda fyrirspurn um hvort menn vilji vera á póstlista, gefa færi á að samþykkja eða hafna tilboðsupplýsingunum.
Kv – Skúli
Alma nú er ekkert sem heitir, þú bara prjónar bleykt föðurland og treyju fyrir Benna og tekur kortið af kallinum, þá er þér engin ógn af þessu. Annars þarf hann ekkert svona því hann tímir aldrei að stíga út úr Toyunni sinni (alltaf að strjúka hana).
Kveðja E.Harðar
Ég skrifaði hér fyrr á þennann þráð og lýsti furðu og óánægju minni með framferði óprúttinns sölumanns,,, eins og þar segir sendi ég honum fyrisprun um hvar hann hefði fengið mitt netfang.
Nú hefur hann amk svarað því, hann fékk þau af heimasíðu Eyjafjarðardeildar, þar sem netföng félaga deildarinnar eru skráð, hann segir í þessu svari sínu að þar sem hann skynji óánægu mína, þá muni hann taka nafn mitt af þessum lista, en sennielga bara mitt nafn.
Auðvita eru neföng okkar þarna ekki fyrir svona gutta að safna samann og senda okkur síðan óumbeðið rusl.
Hvurn fjandann á að gera við þessa menn?
Það skiptir engu hvort hið auglýsta er góður varningur, bleikur eða hvað…. þetta er ruslpóstur sem við eigum að gera allt til að útrýma.
Ég held ég farið að ráði Albínu og láti aðra njóta viðskipta minna en fyrirtæki þessa manns.
Kveðja
SBA.
Sæl veriði,
Það er minnsta mál í heimi að finna netföng á netinu og eru sérstök forrit sem gera það sem síar út allt sem er með þessa magnaða @ merki. Það skiptir ENGU máli hvað netfangalistinn er skýrður hér á síðunni…hann er samt alltaf þarna. Mér fyndist kannski réttara að gera eins og Einar Kjartans gerir á umhverfisnefndarsíðunni en þar setur hann _hjá_simnet.is bara sem dæmi í staðin fyrir @simnet.is…þetta gerir síunum óklieft að finna netföngin okkar.
EN ég er sammála flestum hérna að þetta er ekki spurning um þennan eina póst sem gæti verið ágætis tilboð…en er þetta ekki bara undanfarinn…sumir segja ok þetta er allt í lagi…fínt tilboð…þá fara allir að senda því nokkrir sögðu…ok!
kv, Geiri Grrraði
Það er einfalt mál að þetta er ólöglegt, og hægt að kæra þetta ef menn hefðu áhuga á því. Ég veit reyndar satt að segja ekki hvort það hafi einhvern tíman reynt á þau lög – en það er löngu kominn tími á það, því þetta er mun algengari en þið haldið.
Eftirfarandi er texti sem ég leyfi mér að fá að láni úr pósti sem kerfisstjóri Isnic sendir þegar hann fær svona óumbeðinn ruslpóst.
"Óumbeðinn" er lykilorðið, því ef þú hefur ekki beðið um (skráð þig) að komast á viðkomandi póstlista þá er pósturinn ólöglegur – það er ekki nóg eins og margir halda að pósturinn gefi þér möguleika á að skrá þig af honum.Hér er textinn:
Sending þessa tölvupósts er brot á fjarskiptalögum (nr. 81/2003), svo og lögum um húsgöngu og fjarsölusamninga (nr. 46/2000).Nánari skýringar:
Lög um fjarskipti, nr. 81/2003, 46. grein, 1. og 2. málsgrein:
Notkun sjálfvirkra uppkallskerfa, símbréfa eða tölvupósts fyrir beina markaðssetningu er einungis heimil þegar áskrifandi hefur veitt samþykki sitt fyrir fram.
Þrátt fyrir ákvæði 1. mgr. er heimilt að nota tölvupóstfang við sölu á vörum eða þjónustu fyrir beina markaðssetningu á eigin vörum eða þjónustu ef viðskiptavinum er gefinn kostur á að andmæla slíkri notkun tölvupóstfanga þeim að kostnaðarlausu þegar skráning á sér stað og sömuleiðis í hvert sinn sem skilaboð eru send hafi viðskiptavinurinn ekki þegar í upphafi hafnað slíkri notkun.– ATH. Athugið að þarna eru söluaðilar skyldugir til að gefa mönnum kost á því að mótmæla *skráningu*, ekki bara skilaboðunum sjálfum.
Lög um húsgöngu- og fjarsölusamninga, nr. 46/2000, 14. grein, 2. málsgrein:
Seljendum vöru og þjónustu sem lög þessi taka til ber, áður en bein markaðssókn er skipulögð, að kanna skrá Hagstofu Íslands yfir þá sem vilja ekki að nöfn þeirra séu notuð við markaðssetningu, sbr. ákvæði laga um persónuvernd og meðferð persónuupplýsinga. Hafi neytandi óskað eftir því að vera færður í skrána er bein markaðssókn til hans óheimil.
Arnór
Ef það væru veitt verðlaun fyrir nöldur ársins væri þessi þráður ofarlega á lista….
hvað ætli maðurinn haldi um þennan klúbb eftir að reiðir netverjar eru búnir að senda honum e-mail brjálaðir yfir ábendingu hans um útsölu og svo sér hann helminginn af ykkur rúntandi um með bleika límmiða á bílunum ykkar í stíl við vælið….
Tjellingar
Anonymous- Umræður: 0
- Svör: 16404
Súkkrules, mér sýnist þú nú vera aðal nöldrarinn í þessum þræði…
kv.
Já kannski…. en ég er samt fínn gaur 😉 heheheh
Sælir félagar. Væri ekki upplagt að sá aðili sem er að selja auglysingar fyrir klúbbinn í Setrið fari á fund þessarra manna og krefjist að þeir kaupi auglýsingu í Setrið í sárabætur?????
Bkv.
Magnús G.
Þá ætti Ásgrímur (Ási) að vera með fastar greiðslur til klúbbsins !!
kv. vals.
Greiðslur fyrir auglýsingar… hvað er að því? Ási (væntanlega GVS) og fleiri gætu þá fengið sinn stað á vefnum og hverjum og einum í sjálfsvald sett hvort viðkomandi skoðar og eða tekur þátt í þeirri umræðu. Á öðrum miðlum þurfa fyrirtæki að greiða fyrir auglýsingapláss eða amk. láta eitthvað á móti. Ég skil það þó þannig (vinsamlegast leiðréttið ef þetta er rengt) að Gúmmívinnustofan gefi 4×4 afslátt, sem með góðum vilja, væri hægt að líta á sem "greiðslu". Afsláttur þarf þó að vera viðvarandi en ekki í einstökum tilfellum á einstökum (bleikum) vörum.
Kveðja E.Harðar
Auðvitað á "rengt" að vera "rangt"…
Það er kannski ílla gert af mér að benda á einn sérstakan aðila en ég mundi bara eftir honum á því augnabliki sem ég skrifaði póstinn. En eins og marg oft hefur verið rætt um hér á vefnum eru auglýsingar frá hinum og þessum ekki vel séðar á þessum vettvangi. Þetta hefur farið mjög í taugarnar á mörgum og ekki síst mér þar sem hvorki vefspjallið né myndaalbúmið er ætlað fyrir svona starfsemi. Ási hefur aftur á móti tekið virkann þátt í umræðunni um dekk, sem hefur verið hið besta mál og kannski þess vegna hefur honum verið fyrirgefið að hann laumi inn auglýsingum fyrir fyrirtækið sem hann vinnu hjá.
En enn og aftur, klárið þessa nýju heimasíðu þannig að auglýsendur geti átt sitt heimasvæði undir ?AUGLÝSINGAR?
Kv. vals.
Tek undir það að svona sendingar eru bara forboði miklu verri hluta.
Þegar netföng eru birt á vefsíðum eins og stjórn og nefndir á f4x4.is er bara tímaspursmál hvenær "kóngulær" vefsins finna síðuna og sía út öll netföngin. Næsta sem gerist er að þau eru seld til fjölmargra SPAMMARA sem nota þau óspart til að fylla öll pósthólf…
Mæli sterklega með því að netföngin verði ekki gerð svona aðgengileg og menn taki þessu sem hverri annarri lexíu.
Efast um að Ólafur frá HellyHansen hafi áttað sig á þessu, en umsjónarmenn síðunnar ættu að sjálfsögðu að ræða við hann og gera honum grein fyrir alvöru málsins. Þetta er ennþá í svo smáum skala að það er viðráðanlegt.
Á mínum vef ([url=4x4OffRoads.com]4x4OffRoads.com[/url]) er hvergi að finna tölvupóstfangið mitt. Eina leiðin sem boðið er upp á þar er að fylla út form á vefnum. Formið sendir síðan tölvupóst til mín án þess að það sjáist nokkurstaðar. Svipað væri hægt að gera hér.
Þrándur
R-1610
You must be logged in to reply to this topic.