Eru menn þroskaðir til að keyra á hálendi?

Ljótt er að heyra! Fyrir utan þann skaða sem þetta gerir á fallegu landi, veldur þetta öðrum skaða sem við megum síst við núna. Þetta er skaði fyrir orðstýr jeppamanna, því öll hjörðin er dæmd eftir svörtu sauðunum og varnarbarátta okkar fyrir ferðafrelsinu verður þyngri og erfiðari eftir því sem fleiri svona dæmi sjást. Það er svo auðvelt að benda á svona einstök dæmi og segja, "þið jeppamenn kunnið hvort eð er ekkert með þetta frelsi að fara!"

Annað af sama toga sem mér heyrðist vera til umfjöllunar í útvarpinu áðan er þegar menn hunsa lokanir Vegagerðarinnar og aka slóðir sem búið er að loka vegna aurbleytu.

En sennilega þýðir ekkert að þusa yfir þessu hér, því ég trúi því allavega að þeir sem liggja yfir þessum vef séu löngu búnir að læra að svona gerir maður ekki.

Kv – Skúli H.

Sammála – þetta er ömurleg hegðun.

Varðandi það sem Skúli nefnir með að það hafi verið til umfjöllunar í útvarpi að menn hafi hunsað lokanir Vegagerðarinnar, þá heyrði ég það reyndar ekki nema að litlu leyti og það á vissulega rétt á sér.

EN ég sá hins vegar fréttir Stöðvar 2 núna eftir páskana þar sem þeir fóru með Subaruinn sinn upp á Kaldadal til að sýna fram á skemmdir jeppamanna á veginum þar. 90% af myndunum sem sýndar voru, voru af úrrensli úr upphækkaða veginum frá Meyjarsæti upp að afleggjaranum niður í Borgarfjörð, en það er runnið úr honum á mörgum stöðum.
Þeir voru nú sennilega aðallega að gagnrýna að á einum stað var keyrt út fyrir veg til að komast fyrir eitt svona úrrensli, og að hluta yfir gróður (Subaru á skurðarskífum hefur sennilega skemmt gróðurinn 10 sinnum meira en jeppi á 38" dekkjum!)
Þeir gáfu líka í skyn að þarna hefðu menn keyrt alla páskana í leyfisleysi og af tómum ruddaskap ÞRÁTT FYRIR að Vegarðin hefði lokað veginum!?!

Samt stendur á heimasíðu Vegagerðarinnar í sérstakri tilkynningu þann 7.apríl:
"Akstur er þó heimilaður inn í Þórsmörk, um Uxahryggi og Kaldadal, en þessir vegir eru einungis færir jeppum…"

Í fréttinni var einnig sýnt skilti sem segir að vegurinn sé ófær og lokaður !? Hverju á maður að taka mark á.

Er þetta samt ekki alveg týpisk fréttamennska ?
Vegagerðin bendir sérstaklega á þessa leið – en síðan erum við gerðir að blóraböglum fyrir úrrensli á veginum, og því að keyrt er út fyrir vegin á gróðri, þó engin önnur leið væri möguleg (nema fyrir mikið breytta jeppa). Síðan mæta þeir á fólksbíl þó vegurinn sé bara opinn jeppum!

Þetta er þarft umræðuefni og nauðsynlegt að félagið okkar taki þessi mál föstum tökum. Hvort sem okkur líkar betur eða verr verður öllum jeppamönnum kennt um spjöll þeirra óvita, sem gert hafa sig seka um að fara ekki að þeim einföldu, almennu reglum sem m.a. félagið okkar hefur að leiðarljósi og ættu að vera sjálfsagður þáttur í góðri umgengni um landið. Fræðsla og áróður skilar alltaf einhverjum árangri, þótt staðan sé því miður sú að þeir sem helst þyrfti að ná til, lesa hvorki né hlusta á neitt slíkt. Svo kemur víða fram, að umhverfissóðarnir taka það illa upp ef að er fundið. Núna upp á síðkastið hef ég persónulega fengið hörð viðbrögð frá mótorhjólafólki vegna gagnrýni minnar hér á spjallsíðunum í vetur á umgengni þeirra. Eiginlega ætti ég frekar að tala um hótanir en hörð viðbrögð þegar skilaboðin eru t.d. þessi:" Spurning hvort þú ættir ekki að skríða ofan í holuna þína og láta ekki sjá þig aftur !" Skilji svo hver á þann veg sem hann kýs. En trúlega endar þetta með miklum takmörkunum á því ferðafrelsi, sem hér hefur ríkt, takist ekki að koma böndum á framferði af þessu tagi, hver sem í hlut á.

jæja þá er enn einn rugludallurinn mættur inná spjallið!! hr fólksbíll!! Er þetta ekki orðið svoldið þreytt???

átti þetta að vera "allir aðrir vegir LOKAÐIR"
Þakka þér fyrir ábendinguna.

Kv
Peve

Mitt álit er það að þessi sem spólaði í hring rétt við Langaskafl var líklegast ungur drengur sem er nýbúinn að fá þennan svakalega ameríska kagga og vildi sýna sig.

Ég á líka amerískan kagga og ekki er ég að keyra utanvegar. En það er af því að pabbi gamli er/var mikill jeppakall og kenndi mér að umgangast móður náttúru!

Eins og ég segi þessi sem gerði kleinuhringinn við hliðina á veginum er kannski ekki óþroskaður. Frekar skulum við nota orðið fáfróður og vissi ekki betur! Af hverju ekki að leiðbeina og koma þannig í veg fyrir að svona lagað gerist í staðinn fyrir að banna okkur sem ekki erum orðnir 20 ára að eiga jeppa.

Bensínkveðja, Ásgeir

allir dæmdir ef einn gerir…

ef einn motorhjola maður keirir einsog halviti keira þa allir einsog halvitar eða ef einn alþingis maður er fibl eru þa allir fibl þið hljomið einsog gamlar skruddur sem var verið að þurka rikið af….

kv. Drullumallari…