This topic contains 27 replies, has 1 voice, and was last updated by 
-
Topic
-
Sælir félagar.
Í framhaldi af enn einni VHF umræðunni á öðrum þræði nú á dögunum, langar mig til að deila með ykkur reynslusögu.
Þannig var að ég hitti félaga minn á dögunum og hann hafði hitt kunningja sinn nokkrum dögum áður. Sá hafði í fórum sínum lista með ógrynni upplýsinga um VHF tíðnir hinna ýmsu fyrirtækja og stofnana hér á landi. Hann hafði komið höndum yfir þetta frá aðila sem hefur gefið sig út fyrir að safna og dreifa þessum upplýsingum.
Ég játa það að mér varð gersamlega misboðið. Hverslags „kinkí“ þörf drífur menn áfram í þeim tilgangi að dreifa svona upplýsingum? Menn, fyrirtæki og stofnanir fá jú úthlutað einkarásum í þeim tilgangi að hver sem er geti ekki hlustað á það sem þar fer fram. Í mínum huga er einungis stigsmunur en ekki eðlis- á þessu og því að gægjast á glugga. Flestir eru sammála um að þeir sem gægjast á glugga séu perrar og ég leyfi mér að fullyrða að fáum hugnist sú tilhugsun að einhver þannig aðili guði á gluggann hjá sér án sinnar vitundar.
Eru menn sammmála og ef svo er, er þetta þá nokkuð annað en pervertismi?
Ferðakveðja,
BÞV
-
Replies
-
Ert þú og konan ekki eitt, eru þá ekki 2 eigendur á bílnum
Sæll Beggi.
Nei, konan á "sinn bíl" og vill ekki skipta…
Annars eru þetta pælingar sem geta varla talist merkilegar, né skipt máli.
Annars átta ég mig á því að Soffía gefur ekki tommu eftir varðandi eignarhaldið á "Sushíinu"…
Ferðakveðja,
BÞV
Ég get með engu móti samþykkt að umrædd síða sé hluti af heimasíðu klúbbsins, hér er eingöngu um útúrsnúning að ræða. Þótt myndaalbúmið sé geymt á annari vél, þá tilheyrir það léninu f4x4.is sem er lén klúbbsins, og undir því ættu allar síður klúbbsins að vera, líka síður umhvefisnefndar.
Í þessu tilfelli er um að ræða margra ára gamla skoðun fyrrverandi formanns fjarskiptanefndar á VHF kerfinu, þegar nýbúið var að setja upp fyrsta endurvarpann.
Ég veit ekki betur en að allar tilkynningar og upplýsingar frá fjarskiptanefnd sem settar hafa verið á netið, allavega síðustu tvö árin, hafi birst undir léninu f4x4.is. Ég blæs því á útskýringar eik, enda deginum ljósara að þarna fann hann setningu sem gat þjónað hans skoðunum, og auðvitað var betra að það fylgdi, að þetta væri af heimasíðu klúbbsinns, sem það alls ekki er.
Varðandi umræðuna um NMT vs. VHF, þá er í mínum huga alveg ljóst að hvorugt kemur í staðinn fyrir hitt, VHF er hins vegar ekki síðra öryggistæki heldur en NMT. Því til staðfestingar skal ég segja eina sögu.
Fyrir 3 árum vorum við í Veiðivötnum nokkrir félagar úr Vesturlandsdeild, þegar við fengum beiðni um að aðstoða mann á vélhjóli sem hafði keyrt ofan í gilskorning norðan Ljósufjalla, ekki langt frá Heljargjá. Þegar við komum að manninum þurftum við að hafa samband við lækni sem var á leiðinni í björgunarsveitarbíl. Síminn var ekki inni, en með því að kalla í gegnum endurvarpa björgunarsveitanna, náðum við í Gufunes sem hringdi fyrir okkur í Björgunarsveitarbílinn. Gott dæmi um það að þessi kerfi bæði standa fyllilega undir nafni sem öryggiskerfi. Það er því þarft framtíðarverkefni að fjölga endurvörpum klúbbsins og auka enn á öryggi í ferðalögum um hálendið.
Kv.
Eiríkur
Anonymous- Umræður: 0
- Svör: 16404
Sæll Björn
Það fer ekki milli mála að þessi fjarskiptamál eru ykkur eik mikil hitamál. Það sést best á hvernig þið túlkið rök og mótrök og jafnvel túlkið innskot og saklausar spurningar sem mótrök. "Orðskýring" mín í þræðinum um daginn kom raunar til af því að mér fannst umræðan komin svo skelfilega í kross að það væri þörf á að sortera aðeins. Getur svosem vel verið að ég sé að rangtúlka orð eik, en ég sá hans athugasemdir ekki sem árás sem væri sérstaklega beint gegn þér eða einhverjum ákveðnum, heldur almenns eðlis um að menn séu að leggja mismikinn pening í jeppasportið. Ekkert að því.Hafi spurning mín hér að ofan orðið til að snúa út úr umræðunni var það algjörlega óviljandi. Ég er tiltölulega nýr notandi VHF og afskaplega ánægður með þau kaup. Hins vegar hefur ekki reynt á að nota stöðina til annars en tala á milli bíla með henni, þekki ekki á eigin skinni hversu víða og vel næst í endurvarpana og vildi forvitnast hjá reynslumeiri manni á þessu sviði um hversu fullnægjandi öryggistæki þetta er. Hvernig er rétt að forgangsraða!
Kv – Skúli
Margt er búið að bera á góma hér þann tíma sem þessi langi þráður hefur verið við lýði. Einhvernveginn er það nú svo, að mér finnst að það sem Björn Þorri hefur látið frá sér fara hér sé næst því að vera samferða mínum hugmyndum og – langri reynslu.(það hefur ekkert með það að gera að hann á ættir að rekja í Skagafjörð, jú annars, kannski oggulítið!) Auðvitað skal það fúslega viðurkennt, að ég sé nú eftir gömlu Gufunni – SSB millibylgjustöðinni. En þær höfðu nú sína galla, blessaðar. Eitt var stærð og fyrirferð, annað var loftnetið og þriðja náttúrulega truflanir, sem oft gátu sett þær úr leik þegar verst stóð á, svo sem í útsynningi og éljagangi svo dæmi sé tekið. Gerfihnattasímar (Iridium kerfið, varla eru menn að tala um Inmarsat)) eða einhver "afkomandi" þeirra verður sjálfsagt aðaltækið í framtíðinni. En í dag finnst mér að sé maður að flækjast á fjöllum á annað borð, þurfi maður að hafa bæði VHF stöð og NMT síma. Gerfihnattasíminn er varla nógu þróaður enn, auk þess sem hann er sjálfur dýr og notkunargjöldin afspyrnu dýr. En ég má til að skjóta svolítið á jarðfræðinginn á Veðurstofunni. Verið getur að hann sé að stríða mönnum hér og fá þá til að hlaupa á sig, kannski, en að öðrum kosti finnst mér hann gera fremur lítið úr sér, verandi doktor í raunvísindum, að hengja sig í útúrsnúninga og orðhengilshátt. Ég veit að þetta hrín ekki á manninum, en mátti til að láta þetta koma fram.
kv.
ólsarinn
Anonymous- Umræður: 0
- Svör: 16404
Ég hef þessa eilífðar tilhneigingu til að draga saman umræðuna. Ég held líka að það sé full þörf því, einhverra hluta vegna vill loða við þessa umræðu að menn lesi útúr texta viðmælandans eitthvað allt annað en þar stendur.
Þannig er eik að benda á hérna að ofan að hann hafi aldrei haldið því fram að VHF talstöðvar séu ómögulegar. Ég lagði því á mig (og leiddist það ekki) að lesa þessa þræði og gat reyndar ekki fundið þessu stað. Tvennt sem hann gagnrýnir; annars vegar að við látum söluaðila komast upp með að okra á okkur og hins vegar gagnrýnir hann að nýliðar séu hvattir til að sleppa CBinu.
Ég held ég láti ógert að dæma um hvort það að setja þetta fram sé niðurrifsstarfsemi, en sjálfur kem ég ekki auga á það og er reyndar nokkuð sammála þessu, allavega síðari punktinum. Ég tók t.d. að mér fararstjórn fyrir Útivist síðasta haust þar sem voru allskonar bílar og fólk á mismunandi stigi í jeppamennsku, en allir með CB og því hægt að halda samskiptum við alla. Margir þarna höfðu lítið að gera við að leggja 50 bláa í VHF stöð, en CB er er hægt að fá víða fyrir svosem eina tankfyllingu og því ekki tiltökumál. Ég hefði ekki viljað vera án gömlu CB stöðvarinnar þá og auðvitað verið ófær um verkefnið án hennar.
Varðandi okrið að þá veit ég svosem ekki hvernig verðmyndunin er á þessum stöðvum eða hver álagningin er, en veit að þær eru alveg nógu dýrar. Kannski er það ástæðan fyrir því hvað margir eru með ?smeglaðar? stöðvar og setja inn þær rásir sem þeir komast yfir. Það eru ekki bara utanfélagsmenn sem gera það heldur hefur fjöldi félagsmanna notfært sér það að fá þær mun ódýrari vestan hafs. Spurning hvernig þeir standa gagnvart aðgangi að rásum félagsins, þeir borga jú félagsgjöld en eru e.t.v. að svindla á óskyldum aðila sem ekki er oft talað fallega um hér, þ.e. Fjarskiptaeftirlitinu. Tek fram að ég er bara svona að velta þessu upp sem einni hlið málsins, ekkert ætlunin að snúa útúr neinu!
Helsti punktur Björns Þorra hins vegar er að það eigi ekkert að bera saman CB og VHF, þetta séu svo ólíkir hlutir þar sem VHF sé alvöru öryggistæki:
?Ef nýliðar eru að spá í annan hvorn kostinn, þá mæli ég hiklaust með VHF nr. 1. Þetta er alvöru öryggistæki eftir alla þá uppbyggingu klúbbsins á VHF endurvarpakerfinu og enn er Eddi karlinn ekki af baki dottinn og er með enn frekari uppbyggingu í huga.?Þetta varð til þess að ég hætti mér útí að spyrja BÞ nánar útí reynsluna af VHF sem öryggistækis hér að ofan og fékk reyndar ágætt svar frá Eiríki (skil ekki ennþá svarið frá Birni, sérstaklega ekki að hverju ég var að ýja og í hverju útúrsnúningurinn fólst). Mín ályktun af svari Eiríks og reyndar fleiri röksemdum sem fram hafa komið er hins vegar sú að VHF eigi að fara framar á forgangslistann en NMT hjá þeim sem eru að tækja upp bílinn. Bæði kerfin hafa sjálfsagt sína dauðu bletti en með VHF er hægt að ná sambandi við nálæga ferðalanga sem oft getur verið einmitt það sem þarf. Hjálpin getur verið rétt handan við hæðina og ástæðulaust að ræsa út félagana í bænum.
Með vinsemd og virðingu,
Skúli H.
Sælir allir.
Ég má til með að leggja smá orð í belg í þessa skemmtilegu umræðu.
Ég finn fátt í málflutningi eiks sem mér hugnast utan þetta með að stöðvarnar séu dýrar hér heima. Að öðru leiti finnast mér rökin vera slöpp.
En ég þekk dálítið þetta með verðin. Ég starfa við innflutning og er m.a. innflutningsaðili fyrir Kenwood talstöðvar. Hugmyndin var að fara í innflutning á þeim og reyna að bjóða félagsmönnum stöðvar á sem allra hagstæðasta verði. En reyndin er sú að kosnaðarverð stöðvanna er hærra en útsöluverð hjá RSH í dag.
(það borgaði sig ekki einu sinni fyrir mig að flytja inn stöð fyrir mig sjálfan) Reyndar eru þær stöðvar sem ég hef um að velja með eitthvað fleiri fídusum eins og stærra mynni og stærri skjá. Hver ástæðan er fyrir þessu háa innflutningsverði veit ég ekki, því eins og fram hefur komið eru menn að taka með sér stöðvar frá USA og sumum Evrópulöndum fyrir langtum minni pening.En það treysti ég mér til að fullyrða að söluaðilar hér heima eru ekki að taka okkur í þurrt ……
Með kveðju
Emil Borg
You must be logged in to reply to this topic.