This topic contains 12 replies, has 1 voice, and was last updated by 
-
Topic
-
AnonymousNú spyr ég ykkur.
Það kannast allir við það að vera ungir og vitlausir, er það ekki?
Sumir hér eru ennþá ungir og vitlausir af líkama og sál, t.d ég, en svo eru sumir sem eru ungir og vitlausir í anda í eldri líkama (svo ég noti ekki orðið gamall) 😉
Þá meina ég fjárfesting á bíl. Ég á 91 módel af stuttri vitöru breytta fyrir 33 og er mjög ánægður með hana, og hef reyndar verið það síðast liðið eitt og hálft ár!!!
En það er einn bíll til hér á landi sem mig dreymir um, og þá meina ég bókstaflega!!! 78 módel af Bronco 35 breyttan með 5.0 litr mustangvél!! Ég held að það falli ekki undir almenna skynsemi að fjárfesta í svona bíl, eða er það nokkuð? (í eign frænda míns fyrir norðan)
Ég meina súkkan er toppbíll, 7-9-13 og eyðir jafnt sem engu og þegar maður er kominn í snjó er bara hleypt úr og kvikindið flýtur bara ofaná öllu sem er þrusað í og þegar ég loks kafkeyri hana í skafl þá er bara skellt í bakk sem virkar oftast annars er minnsta mál í heimi að ýta henni.
Eina sem ég virðist heyra um gamla bronco er, þetta haugryðgar, bölvað mix og vesen, ein jeppaferð og á verkstæði, endalaus kostnaður bla bla bla!!!
Er þetta rétt? Bíllinn er sagður góður og vel með farinn lítið keyrður.
Hver er samanburðurinn á þessum bílum jeppalega séð, er Broncoinn of þungur fyrir svoleiðis.
Ég talaði um að hann væri bara á 35 við einn og hann sagði að verður að gera þér grein fyrir því að ekki fyrir alls löngu var 35 það stærsta á markaðnum og þá voru menn að fara allt sem er farið núna en það tók bara lengri tíma!!!
Þið þarna viskubrunnar og ungu menn jafnt sem í sál og líkama er þetta ekki bara skeið sem jeppaáhugamaður (bílaáhugamaður) þarf að upplifa, eitt 8 gata tryllitæki, verður þetta ekki bara ágætis raun, spurningin er, er það þess virði að selja súkkuna og kaupa bronco í staðinn??Súkkan er auglýst til sölu hér á síðunni fyrir ykkuer sem viljið smáatriði um bílinn..
-
Replies
-
Anonymous- Umræður: 0
- Svör: 16404
8 gata gamalt tryllitæki er bara fyrir þá sem eiga stóran bílskúr auka bíl og hafa mikla kunnáttu á reddingum og skítfixi! það er hægt að finna skemmtilegra leiktæki heldur en gamalt vandræðatæki, mæli frekar með að fjárfesta í vélsleða með jeppanum. er sjálfur á hilux með 2.4 bensin og mér fynst eyðslan í snjó nógu anskoti mikil.
Anonymous- Umræður: 0
- Svör: 16404
Ég var að setja inn myndir af súkkunni á vefinn undir KLEUS
Get ekki verið sammála því að maður sé alltaf út í skúr að gera við (maður er kannski að gera eitthvað annað :).
Minn gamli góði Blazer með sína 350 V8 hefur nú ekki mikið bilað. Ég var í fyrsta skipti að opna ventlalok á vélinni núna um helgina en ég hef átt bílinn í ca. 7 ár (ákvað að skipta um ventlalokspakkningu til að laga smá leka). Bílskúrinn minn er því miður það lítill að Blazerinn kemst ekki inn
Eina stóra sem bilað hefur er þegar smurstöð gleymdi að setja olíu á afturhásinguna (mín sök að treysta einhverjum öðrum fyrir svona hlut), ég keyrði í þrjá mánuði áður en legan við pinjóninn brotnaði. Það var allt orðið blátt en ekkert annað brotið. En tryggingarfélag smurstöðvarinnar borgaði það (eftir mikinn slag)
Ég held að það séu ekki margar hásingar sem þola það að vera olíulausar í þrjá mánuði (var minn eini bíll og notaður daglega). Að öðru leiti er þetta bara þetta venjulega, kerti, þræðir og þær breytingar sem maður gerir.
Hinsvegar kunna þessir gripir að drekka, minn fer með um 25 á góðum degi og hefur mjög gaman af að eyða MIKLU meiru ef ég leyfi honum það 😉
Mér skilst reyndar að V6 vélin frá Toyota sé lítið skárri (má vera að 2,4 sé sparibaukur) hvað eyðsluna varðar :/
Það er algjör óþarfi að stunda "skítfix" á þessum bílum þar sem að það er hægt að fá allt í þessa gripi.
Ef það er hugsað vel um bílinn og sinnt venjulegu viðhaldi þá á þetta ekki að bila neitt mikið. Það á auðvitað ekki við ef bíllinn er útslitinn og kominn á grafarbakkann.
Kveðja,
Jón H.
P.s. það er nú orðið ljótt þegar GM maður er farinn að verja FORD 😉
Anonymous- Umræður: 0
- Svör: 16404
Sæll Kleus!
Auðvitað er ekkert vit í því að skipta úr Súkkunni í Bronco, en ef við gerðum ekkert annað en það sem vit er í þá værum við ekki að aka á breyttum bílum í vitlausum veðrum á jöklum um hávetur.
V8 er veira sem blundar í okkur flestum (öllum) og margir hafa fallið fyrir henni, en áður en þú stekkur á gripinn skaltu huga að nokkrum atriðum, það eru nefnilega bæði stórir plúsar og stórir mínusar.
Það vill nú svo til að það er tiltölulega auðvelt að fá alls konar aukahluti í ameríska bíla og því þarf ekkert að vera að skít-mixa, meira úrval er af drifhlutföllum og læsingum og yfirleitt mun ódýrari en í hrísgrjónadollurnar, þannig að ég er ekki viss um að viðhaldið sé svo óheyrilega mikið dýrara. En gættu að því drengur að stór V8 með mikið tork reynir mun meira á allan búnað en litli fjarkinn í Súkkunni og í slæmri festu heyrist stundum BOING í drifi hjá okkur með stóru vélarnar á meðan minni vél hefði einfaldlega kæft á sér áður en til brots kom.
Svo er það þyngdin, þú ferð ekki líkt því jafn mikið á 35" Bronco og á 33" Súkku, það hefur verið farið ansi víða á svona tröllum á littlum dekkjum, en það er mikið basl oft á tíðum og getur tekið helvíti langan tíma. Þú ert kannski til í að gefa þessu meira tíma, en eru ferðafélagarnir tilbúnir? Svo er helvíti leiðinlegt að vera alltaf í aftari endanum á spottanum.
Þá mætti kannski breyta úr 35 uppí 38 eða 44 (veitir ekki af fyrir stóra hlunk), en það er dýrt. Mér skilst að í raun sé maður að mestu að byrja upp á nýtt þegar farið er upp úr 35" og að sáralítið gagn sé í því sem búið var að gera. Undirvagns og boddýhækkanir of littlar, brettakantar of mjóir, hlutföll ganga ekki upp o.s.frv. og ef þú getur ekki gert þetta sjálfur þá fjúka þeir bláu í bunkum. Ég stóð frammi fyrir þessu með 35" V6 Toy Hilux og dæmið var svo vitlaust að ég seldi hann til að fá þó eitthvað út úr því sem búið var að gera.
Lét þá undan V8 veirunni og þetta er mjög gaman, nóg afl og nóg pláss og ekki langar mig að snúa til baka í Toy, en það kostar mikið að fylla á 330 lítra bensíntanka, og þeir tæmast alltof fljótt, sérstaklega í bæjarsnatti.
En til hvers er lífið ef ekki hafa gaman af.
Ásgeir
Sælir félagar.
Það er ekkert hægt að dæma um svona hluti nema vita hvernig tækið er. Ef að vel hefur verið gengið frá öllum hlutum þegar t.d. mótorinn var settur í bílinn á sínum tíma þá má segja að svona ævintýri sé í góðu lagi. Svo varðandi eyðsluna þá þarf að vita hvort þetta er mótor með innspýtingu eða ekki, úr gamla eða nýja mustang osfrv. Það er t.d. þannig með gamla 350 Chevy að hann eyðir ca. 25 svona venjulega en nýji mótorinn á í vandræðum með að eyða miklumeira en 18 ltr. Það gerir innspýtingin og allt þetta gums sem utan á vélarnar er komið….. Þannig að það er erfitt að dæma svona hluti án þessa að sjá þá og skoða vel………..
Mín reynsla af að skipta af sparibauk (gamli góði Súzuki Fox) yfir á stórann trukk með V8 er eftirfarandi.
Ég byrjaði að fá algjört kúltúrsjokk þegar ég áttaði mig á hve mikið gat farið í bensín. Kannski ekki skrítið þar sem að maður gaf svolítið mikið í fyrst. Eyðslan fór örugglega uppundir 40 lítra á hundraði
Svo lærði maður að það þarf ekki að standa þessar stóru vélar til að láta þær vinna (og svo fann ég og lagfærði bensínleka).
Ef ég keyri skikkanlega þá er trukkurinn svona í 25 lítrum (en er tilbúinn að eyða hverju sem er) en þetta er blöndungsbíll án alls tölvudóts.
Ég fékk svo algjört víðáttubrjálæði inní þessum hlúnk (Blazer K5 vs. Fox ;), það er rosalega þægilegt að ferðast í ferlíkinu.
Það er hinsvegar ekki eins skemmtilegt að keyra Þingholtin á Þorláksmessu
Ef þú ert ánægður með Súkkuna þína þá sé ég ekki ástæðu til að skipta nema þig langi sérstaklega í V8 flokkinn.
Ef þig langar hinsvegar til að fá almennilegt spark þegar þú gefur í (og ert viss um að veskið þoli það) þá er hann fyrir þig
Ég tek svo undir það sem áður kom fram, "að það er erfitt að dæma svona hluti án þessa að sjá þá og skoða vel……….."
Kveðja,
Jón H.
Anonymous- Umræður: 0
- Svör: 16404
Bíllinn er með beinni innspýttingu, og vélin er úr ´89 mustang.
Það er mjög góður frágangur á öllu þarna í vélinni, en ég fór og prófaði bílinn og boddýið er rosalega lélegt.
Anonymous- Umræður: 0
- Svör: 16404
Átti svona bíl frá 1980 til 1985 og prufaði ýmislegt. Ég held að 44 tommurnar séu nauðsynlegar til að fylgja léttari bílum. Broncoinn minn var ca 2700 – 3200 kg eftir vélum og hásingum. Þér á sennilega eftir að finnast Mustangvélin kraftlaus í þessum bíl. Held að 460 sé það eina raunhæfa í benzíndeildinni, ef það á að vera gaman að þessu. Þorgrímur í Keflavík var með svona 460 bíl í þá daga.
http://kjolur.f4x4.is/photoalbum/view.p … &offset=20Kveðja, Kolli
Ég er á F-150 ’87 með 5 lítra vélinni. Hann er með húsi á palli en samt mun léttari og það munar a.m.k. hálfu tonni! 38 tommurnar sleppa ágætlega fyrir minn bíl en hann má ekki vera þyngri (2,2 tonn). Eyðslan er alveg viðundandi, fer niður í 14 lítra í langkeyrslu og er bara að eyða ca. 30% meira en hrísgrjónabrennararnir í ferðum
Það þarf alveg örugglega 44 tommu dekk í þessu dæmi…
Með kveðju,
Þrándur
Þú segir að boddýið sé lélegt… það eitt ætti að hræða þig meira en allt annað. Ef þú ert að leita að 8 cyl. leiktæki fyrir snjó þá er þetta ekki rétti bíllinn, til að það geti orðið þá þarftu mun stærri og öflugri vél og 44" dekk. Stóri Bronco með 302 (5.0 lítra, einnig þekkt sem þrírnúllþreyttir) telst seint "8 gata tryllitæki". Ef hinsvegar þú ert að leita að bíl til að ferðast um á sumrin þá gæti þetta alveg komið til greina.
Kv.
Bjarni G.
Ég held að þetta sé gríðarlega spennandi kostur. Bronco 78 árgerð voru með bestu Broncounum því að þeir voru svo gríðarlega öflugir. 302 er frábær vél, held að hún skili heilum 200 hestöflum og togar gríðarlega á litlum snúning (ca 70 Nm meira en 2,4 bensín). Ég myndi síðan nota 3 gíra beinskipta kassann því að krafturinn er svo yfirdrifinn að þú þarft nánast ekkert að skipta um gír. Mæli með að þú breytir lágadrifinu og hafir sama gírhlutfall þar og í háa drifinu því orkan er ógurleg. Síðan er alveg nóg að vera á 32" dekkjum, það dugði mér allavega hérna um árið.
Bronco kveðja:)
Anonymous- Umræður: 0
- Svör: 16404
sælir kallar ég er með bronco 74 á 38 dekkjum vantar 31 rillu öxla eða fljótandi hvert ætti ég að snúa mér en sbvo er bronco bara bestu bílarnir fyrir þá sem ekki vita
You must be logged in to reply to this topic.