This topic contains 7 replies, has 1 voice, and was last updated by 
-
Topic
-
Góðir félagar,
langar að frétta frá hlutaðeigaandi hvernig staðan er með uppfærslu á jöklakortunum (sprungukortum) og notkun þeirra í almennum „báta“ GPS tækjum. Er ekki að koma tími á nýrri upplýsingar á pistilinn hér að neðan sem fengið hefur að vera óáreittur á vef 4×4 allt of lengi:Jöklakort, sprungur á jöklum
Ferðaklúbburinn4x4 og aðrir hagsmunaaðilar hafa unnið að verkefni sem felst í að auka öryggi á ferðalögum á jöklum. Á heimasíðu Landsbjargar sem heitir Safetravel.is og þar undir útivist eru atriði sem nauðsynlegt er að huga að, fyrir ferðalög á jöklum. Einnig eru þar kort sem sýna sprungusvæði á jöklum. Markmiðið með þeim er að auka öryggi ferðalanga á jöklum.Nú þegar eru komin sprungukort af Snæfellsjökli og Langjökli, sprungukort af Vatnajökli væntanlegt síðar í febrúar 2011. Á kortunum eru línur sem sína flekaskil og eru til að átta sig á hvernig sprungur liggja, varast skal að rugla þessu við ferla eða ferðaleiðir á jöklum, þær koma væntanlega síðar.
Þessi vinna er rétt að hefjast og stefnt er að því að kortleggja sprungur á öllum helstu jöklum sem ferðast er um.
Kortin verða endurskoðuð reglulega og því nauðsynlegt að vera alltaf með nýjasta kortið hverju sinni.
Allar varúðaráðstafanir skal viðhafa þegar ferðast er á jöklum. Þessi kort eru fyrsta útgáfa og eru aðeins til viðmiðunar og sprungur geta leynst á svæðum sem talin eru sprungulaus.
Ef þið sjáið eða þekkið sprungur eða aðrar hættur sem ekki eru inná kortunum, þá endilega komið ábendingum um það á Snævarr Guðmundsson snaevarr@mmedia.isÞetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. sem sér um kortlagninguna og Jónas Guðmundsson jonas@landsbjorg.isÞetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. . verkefnisstjóra hjá Landsbjörgu.
Athugið að ennþá virka kortin ekki á nokkrar tegundir tækja, stundum kölluð bátatæki t.d. Garmin 162,172,182, 525. Unnið er að lausn.
Vonum að þetta verið til auka ánægju og öryggi ykkar á jöklaferðum.
Sjá meira hér á vef Savetravel http://www.safetravel.is/is/Vetur/Utivist/Joklaferdir/Joklakort/
Baráttukveðjur,
Ingi
-
Replies
-
Félagar,
fékk eftirfarandi komment frá Snævarri:Sæll Ingi,
Takk fyrir að láta mig vita, kíkti á síðuna, sé að engar athugasemdir eru komnar. Veit ekki hvort að ég sem er ekki félagsmaður geti gert athugasemdir en þú mættir kannski bæta við að það eru sprungusvæðakort af öllum stóru jöklunum. Á síðunni eiga að vera, ásamt Vatnajökli, Snæfellsjökli og Langjökli, sprungusvæðakort af Drangajökli, Mýrdalsjökli, Eyjafjallajökli og Hofsjökli. Einnig er í lagi að segja að þau kort verði endurskoðuð nú í vetur áður en fólk fer að ferðast af fullri alvöru um jöklana.
Bestu kveðjur,
SnævarrEftir situr að hlera hvernig gangi að koma kortunum og uppfærslum þeirra í "bátatækin", svo sem Garmin 178 – 190 – 192…
Frábært að heyra að kortin verði endurskoðuð fyrir aðal jöklaferðavertíðina.Ingi
Snævarr ætti að geta skráð sig inná síðuna og tjáð sig líkt og aðrir.
Áhugavert að frétta og gaman að vita að einhver er að spá í þessu, ég persónulega hef lítið pælt í þessu síðan síðasta vetur, en kominn tími til!
Varðandi GPS tækin, ég veit ekki betur en að Rikki hjá Garmin hafi verið að valsast í þessum málum með að koma jöklakortunum í garmin tækin. Líklega væri best að senda fyrirspurn beint á garmin?
Svo þessi mikilvægi þráður verði ekki of einmanna þá hef ég notast við þessi kort núna síðastliðinn vetur.
Get ekki sagt að ég fari í blindni eftir þeim en ég vissulega tek mark á því ef ég er að keyra á eða við rauð svæði og forðast eftir fremsta megni.
Keyrði síðasta vetur nýja leið yfir mýrdalsjökul og fannst það veita mér öryggi að hafa sprungukortið. Er ekki viss um að ég hefði farið nákvæmlega þessa leið nema fyrir kortin en rétt er að nefna að ég lenti ekki í neinni sprungu í vetur.
Reynsla mín er því góð en get ekki sagt að mikil reynsla sé komin á þetta.
Það væri nú voðalega næs ef kortin væru líka gefin út á .jpeg myndformi svo við "old school" gaurarnir getum calibrerað þau og notið þessara korta í Ozi og NavTrek. Snævarr var reyndar búinn að lofa mér þessu ef ég kæmi við hjá honum en ég kom því aldrei í verk og endaði á að "mixa" þetta úr PDF skjalinu með skjáklippiforriti í fyrra inn í Ozi til prufu og virkaði það ágætlega. Hef samt litla reynslu í því að nota þetta ennþá. Hef mestan áhuga á Eyjafjallajökli, Mýrdalsjökli og vissum svæðum á Vatnajökli.
Stefni samt á að renna til Snævarrs og fá þetta .jpeg formi hjá honum fyrir alla jöklana þegar þetta verður endurútgefið núna í vetur svo ég geti sett þetta inn í Ozi líka.
Eitt sem er fróðlegt og ég vildi gjarnan að væri í boði (ef það er ekki í boði nú þegar) og það er að fá aðgang að gömlum útgáfum af sprungukortunum.
Þannig væri hægt að skoða hvað það er sem er að breytast frá ári til árs og reyna að átta sig betur á jöklunum.
Sæl öll
Veit einhver hver staðan er gagnvart "bátatækjunum"? Er með garmin 176 og hef mikinn áhuga á að koma þessu inn í tækið hjá mér. Er í dag með þetta útprentað á pappír í plastvösum og hef þetta þannig til hliðsjónar en vissulega er það mjög óþjált og nenni því sjaldan að nota þau.
Kv. Freyr
Sæl öll.
Varðandi kortin í bátatækin. Það gengur sennilega ekki að útbúa sprungukorta layer/lag til að hlaða ofaná Íslandskortið eins og gert er í nýrri tækin. Nú er að fara í gang prufukeyrsla á Íslandskorti með sprungumerkingum fyrir bátatækin, ef þetta gengur eftir verður hægt að uppfæra kortin í þessi tæki með innbyggðu sprungukorti.
Stefnt er að ný yfirfarin sprungukort verði fáanleg von bráðar og að sama skapi kort í tækin.
Kveðja Ágúst
You must be logged in to reply to this topic.